Deped Tayo San Isidro ES- Quezon Province

Deped Tayo San Isidro ES- Quezon Province School ID: 108743

2nd Quarter National Simultaneous Earthquake DrillNakiisa ang San Isidro Elementary School sa isinagawang 2nd Quarter Na...
18/06/2026

2nd Quarter National Simultaneous Earthquake Drill

Nakiisa ang San Isidro Elementary School sa isinagawang 2nd Quarter Nationwide Simultaneous Earthquake Drill (NSED) bilang bahagi ng patuloy na pagsusulong ng kahandaan at kaligtasan ng buong komunidad ng paaralan.

Aktibong nakibahagi ang mga mag-aaral, mga g**o, kawani, sa pagsasagawa ng tamang “Duck, Cover, and Hold” at maayos na paglikas patungo sa itinakdang evacuation area. Sa pamamagitan ng gawaing ito, higit na pinatitibay ng paaralan ang kultura ng kahandaan at pagiging ligtas sa harap ng anumang sakuna.

| Hunyo 18, 2026 I

Taos-pusong pasasalamat ang ipinaaabot ng San Isidro Elementary School sa Sangguniang Bayan ng Guinayangan sa pangunguna...
18/06/2026

Taos-pusong pasasalamat ang ipinaaabot ng San Isidro Elementary School sa Sangguniang Bayan ng Guinayangan sa pangunguna ng ating butihing Punong Bayan, Hon. Cesar Isaac III, na kinatawan ni Municipal Administrator Ma. Marieden Isaac, kasama sina Vice Mayor Norman Dublois at mga kagalang-galang na mga konsehal ng bayan, sa kanilang ipinakitang malasakit at suporta sa edukasyon sa pamamagitan ng pamamahagi ng school supplies sa lahat ng mga mag-aaral ng paaralan.

Ang inyong kabutihang-loob at patuloy na pakikiisa ay malaking tulong upang higit na mahikayat at masuportahan ang ating mga mag-aaral sa kanilang pag-aaral. Ang handog na ito ay nagsisilbing inspirasyon at paalala na ang pamahalaan at paaralan ay magkaagapay sa pagtataguyod ng de-kalidad na edukasyon para sa bawat batang Guinayanganin.

Muli, maraming salamat sa inyong walang sawang paglilingkod at pagmamalasakit sa kapakanan ng mga kabataan. Nawa’y patuloy nating mapagtibay ang ating samahan at pagkakaisa para sa ikauunlad ng edukasyon at kinabukasan ng ating mga mag-aaral.

Sama-sama para sa batang Guinayanganin, sama-sama para sa mas maliwanag na bukas.

I Hunyo 16, 2026 |

Matagumpay na isinagawa ng San Isidro Elementary School ang kauna-unahang General Parent-Teacher Association (PTA) Meeti...
13/06/2026

Matagumpay na isinagawa ng San Isidro Elementary School ang kauna-unahang General Parent-Teacher Association (PTA) Meeting para sa Taong Panuruan 2026–2027 noong Hunyo 11, 2026. Dinaluhan ito ng mga magulang, at mga g**o ko upang talakayin ang mahahalagang impormasyon at programa para sa kapakanan at pagkatuto ng mga mag-aaral.

Pinangunahan ni Gng. Ma. Cristina C. Magpantay, Principal I, ang pagpupulong at tinalakay ang mahahalagang probisyon ng DepEd Order No. 9, s. 2026. Binigyang-diin niya ang komprehensibong gabay sa pagpapatupad ng School Calendar and Activities para sa SY 2026–2027 upang matiyak ang maayos, organisado, at epektibong paghahatid ng edukasyon sa ilalim ng Three-Term School Calendar.

Ipinaliwanag naman ni Gng. Vina Saira H. Untalan, Teacher III, ang DepEd Order No. 15, s. 2026 o ang Revised Guidelines on Classroom Assessment, Grading System, and Awards and Recognition for the K to 12 Basic Education Program. Nakatulong ang talakayang ito upang mas maunawaan ng mga magulang ang mga pagbabago sa sistema ng pagtataya at pagkilala sa mga mag-aaral.

Inilahad ni Gng. Wanda Merced M. Landicho, Teacher III, ang opisyal na class schedule para sa bagong taon ng pag-aaral, habang tinalakay ni G. Ramon Z. Alano, Teacher III at DRRM Coordinator, ang DepEd Order No. 14, s. 2026 na tumatalakay sa mga alituntunin para sa pagpapatuloy ng pagkatuto sa panahon ng mga emerhensiya at kalamidad.

Nagbigay rin ng ulat si Irish I. Rebleza, Teacher II at SIES Faculty Treasurer, hinggil sa mga usaping pinansyal at iba pang mahahalagang impormasyon na may kaugnayan sa pondo ng lukad.

Naging makabuluhan ang pagpupulong dahil nagkaroon ng pagkakataon ang mga magulang na maunawaan ang mga polisiya at programang ipatutupad ng paaralan ngayong taon. Higit sa lahat, napatunayan nito ang kahalagahan ng matibay na ugnayan ng paaralan at tahanan sa pagtataguyod ng kalidad na edukasyon.

Patuloy na hinihikayat ng San Isidro ES ang lahat ng mga magulang at tagapag-alaga na makiisa sa mga susunod na pagpupulong at programa ng PTA upang higit pang mapagtibay ang pagkakaisa at pagtutulungan para sa tagumpay ng bawat mag-aaral.

Taos-pusong pagbati sa mga bagong halal na lider-mag-aaral ng San Isidro Elementary School na matagumpay na nahalal sa D...
12/06/2026

Taos-pusong pagbati sa mga bagong halal na lider-mag-aaral ng San Isidro Elementary School na matagumpay na nahalal sa District Election of Learner Formation Organization for SY 2026-2027 na ginanap noong Hunyo 11, 2026 sa Guinayangan Elementary School.

Lubos naming ipinagmamalaki ang inyong tagumpay. Patuloy ninyong gamitin ang inyong boses, talento, at kakayahan upang maging epektibong lider na may malasakit, pananagutan, at integridad.

Patuloy na magningning at magbigay-inspirasyon sa iba sa pamamagitan ng inyong pamumuno at paglilingkod.

Nagsagawa ng State of the Learner Government Address (SOLGA) ang Pangulo ng Supreme Elementary Learner Government (SELG)...
08/06/2026

Nagsagawa ng State of the Learner Government Address (SOLGA) ang Pangulo ng Supreme Elementary Learner Government (SELG) na si Ma. Charlotte Arellano bilang bahagi ng pagbubukas ng Taong Panuruan 2026–2027.

Sa kanyang talumpati, inilahad niya ang mga nagawa at mga nakaplanong programa ng SELG na naglalayong mapaunlad ang kapakanan, disiplina, at pakikilahok ng mga mag-aaral sa mga gawain ng paaralan.

Binigyang-diin niya ang kahalagahan ng kalinisan at kaayusan sa paaralan sa pamamagitan ng aktibong pakikiisa ng mga mag-aaral sa pagpapanatili ng malinis na kapaligiran, wastong segregasyon at pagtatapon ng basura, at pangangalaga sa mga pasilidad ng paaralan. Hinimok din niya ang bawat mag-aaral na maging responsable at disiplinado sa lahat ng oras.

Sa pagtatapos ng kanyang SOLGA, hinikayat ni Ma. Charlotte Arellano ang lahat ng mag-aaral na maging aktibong katuwang ng SELG sa pagpapatupad ng mga programa at proyekto ng paaralan. Binigyang-diin niya na sa pamamagitan ng pagkakaisa, pakikipagtulungan, at pananagutan ng bawat isa, mas magiging matagumpay ang mga layunin ng paaralan tungo sa isang ligtas, masaya, at makabuluhang kapaligiran msa pagkatuto.

| Hunyo 8,2026 |

FIRST FLAG RAISING CEREMONY | SY 2026–2027Matagumpay na isinagawa ng San Isidro Elementary School ang kauna-unahang Flag...
08/06/2026

FIRST FLAG RAISING CEREMONY | SY 2026–2027

Matagumpay na isinagawa ng San Isidro Elementary School ang kauna-unahang Flag Raising Ceremony para sa School Year 2026–2027.

Sa kanyang mensahe, binigyang-inspirasyon ni Ma’am Ma. Cristina C. Magpantay, Punong-g**o I, ang mga mag-aaral, g**o, at mga magulang na magsikap, magtulungan, at magkaisa upang makamit ang isang matagumpay at makabuluhang taon ng pag-aaral.

Bilang bahagi din ng programa, ipinakilala ang mga teaching at non-teaching personnel ng paaralan na magiging katuwang ng ating mga mag-aaral sa kanilang paglalakbay tungo sa kaalaman at tagumpay.

Nawa’y maging puno ng pagkatuto, disiplina, at magagandang karanasan ang School Year 2026–2027 para sa buong komunidad ng San Isidro ES.

Sama-sama nating tahakin ang landas tungo sa dekalidad na edukasyon.

Welcome Back to School!Isang panibagong taon na naman ng pag-aaral, pagtuklas, at pag-abot ng mga pangarap.Sa pagsisimul...
07/06/2026

Welcome Back to School!

Isang panibagong taon na naman ng pag-aaral, pagtuklas, at pag-abot ng mga pangarap.

Sa pagsisimula ng School Year 2026–2027, buong puso naming kayong tinatanggap pabalik sa ating paaralan. Nawa’y maging puno ng saya, kaalaman, maayos na pag-uugali at magagandang karanasan ang inyong paglalakbay sa taong ito.

Tara na at sabay-sabay nating harapin ang School Year 2026–2027 nang may sigla, sipag, at pangarap.

Brigada Eskwela 2026Mula Hunyo 1–5, 2026, matagumpay na naisakatuparan ng San Isidro Elementary School ang Brigada Eskwe...
06/06/2026

Brigada Eskwela 2026

Mula Hunyo 1–5, 2026, matagumpay na naisakatuparan ng San Isidro Elementary School ang Brigada Eskwela sa temang “Bayanihan para sa Matatag na Paaralan.” Sa pamamagitan ng sama-samang pagkilos at pagtutulungan, naging mas handa, ligtas, malinis, at kaaya-aya ang ating paaralan para sa pagbubukas ng panibagong taon ng pagkatuto.

Layunin ng Brigada Eskwela na mapalakas ang diwa ng bayanihan at pakikiisa ng komunidad sa paghahanda ng paaralan upang matiyak ang isang ligtas, maayos, at makabuluhang kapaligiran sa pagkatuto para sa lahat ng mag-aaral.

Taos-pusong pasasalamat ang aming ipinapaabot sa lahat ng mga magulang, mga mag-aaral, Sangguniang Barangay ng San Isidro sa pangunguna ni Kapitan Florencio A. Caymo, mga miyembro ng 4K, at iba pang mga boluntaryo na naglaan ng kanilang oras, lakas, at suporta upang maging matagumpay ang gawaing ito.

Ang inyong malasakit at pakikiisa ay patunay na ang edukasyon ay responsibilidad ng buong komunidad.

Maraming salamat po sa inyong walang sawang suporta sa ating paaralan.

Learning Action Cell (LAC) SessionTopic 1: Implementation of DO 9 s. 2026Discussant: Ma. Cristina C. Magpantay (Principa...
01/06/2026

Learning Action Cell (LAC) Session

Topic 1: Implementation of DO 9 s. 2026
Discussant: Ma. Cristina C. Magpantay (Principal I)

Topic 2: Development and Utilization of Localized Instructional Material/ Localized Stories
Discussant: Vina Saira H. Untalan (Teacher III)

Topic 3: Stregthening School Research
Discussant: Wanda Merced M. Landicho (Teacher III)

| May 29, 2026 |

Address

Guinayangan
4319

Website

Alerts

Be the first to know and let us send you an email when Deped Tayo San Isidro ES- Quezon Province posts news and promotions. Your email address will not be used for any other purpose, and you can unsubscribe at any time.

Contact The School

Send a message to Deped Tayo San Isidro ES- Quezon Province:

Shortcuts

Share

Category