CMM - CFAM Media Ministry

22/08/2026

Today we honor Mary, Queen of Heaven and Earth—humble servant, loving Mother, and faithful disciple of Christ. May she lead us ever closer to her Son and teach us to say “yes” to God with a trusting heart.

Mary, Queen of Heaven, pray for us!

22/08/2026

AUGUST 22, 2026 | 𝐑𝐞𝐟𝐥𝐞𝐜𝐭𝐢𝐨𝐧 𝐀𝐫𝐚𝐰-𝐀𝐫𝐚𝐰: 𝐈𝐬𝐚𝐧𝐠 𝐀𝐫𝐚𝐰, 𝐈𝐬𝐚𝐧𝐠 𝐒𝐚𝐥𝐢𝐭𝐚, 𝐈𝐬𝐚𝐧𝐠 𝐏𝐚𝐠𝐧𝐢𝐧𝐢𝐥𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.

Ang Tinapay at Alak
By: Editha O. Flogio, Katekista

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔:
“ Ito ang aking Katawan na inihahandog para sa inyo. Gawin ninyo ito bilang pag-aalaala sa akin.” (1 Corinto 11:24)

𝗣𝗔𝗚𝗡𝗜𝗡𝗜𝗟𝗔𝗬:
Ang pagkain ay isa sa mga pangunahing pangangailangan ng tao para mabuhay, kung hindi tayo kakain tayo ay magugutom, manghihina, magkakasakit at magdudulot sa atin ng kamatayan. Ang Panginoon ang siyang pinagmumulan ng ating pangangailangan, sa panalangin tinuruan tayo ni Hesus ni manalangin sa Ama na ipagkaloob ang ating pangangailangan. Subalit sapat na ba ang pagkaing ito at kumain lang upang mabuhay. May isang yugto sa Ebangelyo na winika ni Hesus na hindi lamang tayo nabubuhay sa tinapay(pagkain) kundi sa Salita ng Diyos. Ito ang halaga ng Tinapay at alak sa misa, hindi ito simbolo lamang, matapos ang konsagrasyon na ginaganap ng pari ito ay nagiging tunay na katawan at dugo ni Hesus, na siyang ipinagkakaloob sa atin para sa kaligtasan ng lahat. Ito ay pagkain na inihahandog para sa atin, ito ay si Hesus ang Salita ng Diyos na nagkatawang tao. Wika niya ako ang pagkaing nagbibigay buhay, ang sino mang kumain sa akin ay hindi na magugutom kundi magkaroon ng buhay na walang hanggan.

𝗣𝗔𝗔𝗡𝗢 𝗜𝗦𝗔𝗦𝗔𝗕𝗨𝗛𝗔𝗬:
Kung nais nating mapalapit sa Diyos at mabuhay sa piling Niya, ay sikapin nating magsimba at tanggapin siya sa Banal na komunyon tuwing linggo at kahit na araw-araw. Sa Misa ang pagtanggap ng katawan at dugo ni Hesus sa komunyon sa anyong alak at tinapay ay mabisang paraan upang ako at si Hesus ay manatiling magkaugnay. Kailangan natin ito upang mabuhay at magkaroon ng buhay. May kasabihan na “We become what we eat” kung si Hesus ay tinatanggap bilang pagkain siya ay nananatili sa atin. Kaya naman the more tinatanggap natin siya the more na siya ay napapalapit sa atin at nagaanyayang mamuhay tulad niya na mapagmahal, mapagtawad at mapagbigay.

𝗠𝗔𝗜𝗞𝗟𝗜𝗡𝗚 𝗣𝗔𝗡𝗔𝗟𝗔𝗡𝗚𝗜𝗡:
Diyos naming Ama maraming salamat po sa pagkakaloob Mo sa amin ng mga biyaya upang mabuhay sa piling Mo. Salamat sa Iyong Anak na si Hesus na nagmamahal, at nagpapatawad sa amin upang mabuhay bilang anak mo. Ipinagkaloob Mo po siya sa amin bilang pagkain ng aming kaluluwa sa sa anyong Alak at tinapay na tinatanggap namin komunyon, upang kami ay busugin at palakasin sa aming pananampalataya sa Iyo. Amen.

21/08/2026

AUGUST 21, 2026 | 𝐑𝐞𝐟𝐥𝐞𝐜𝐭𝐢𝐨𝐧 𝐀𝐫𝐚𝐰-𝐀𝐫𝐚𝐰: 𝐈𝐬𝐚𝐧𝐠 𝐀𝐫𝐚𝐰, 𝐈𝐬𝐚𝐧𝐠 𝐒𝐚𝐥𝐢𝐭𝐚, 𝐈𝐬𝐚𝐧𝐠 𝐏𝐚𝐠𝐧𝐢𝐧𝐢𝐥𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.

Ang Pinakamahalagang Pagdiriwang ng mga Kristiyano
By: Romalyn Kaye N. Claridad, Katekista

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔:
“ Ito ang aking Katawan na inihahandog para sa inyo. Gawin ninyo ito bilang pag-aalaala sa akin.” (1 Corinto 11:24)

𝗣𝗔𝗚𝗡𝗜𝗡𝗜𝗟𝗔𝗬:
Bilang mga Kristiyano, si Kristo ang sentro ng ating buhay at pagdiriwang. Sa bawat pagdiriwang at kilos ng simbahan nararanasan natin siya. Sa pangkalahatan, batid ng mga Katoliko ang pagdalo sa Banal na Eukaristiya ang pinakamahalagang gawain ng Katolikong pagsamba (KPK1665), dahil ito ang “bukal at tugatog ng buhay ng Kristiyano” (KIK 1324). Ipinapaalala din sa atin ng unang sulat ni San Pablo sa mga Corinto, ang kahalagahan ng Banal na Eukaristiya. Ito ay hindi lamang pag-alaala kundi isang tunay na pakikipagtagpo kay Kristo na nagbibigay-lakas sa mga mananampalataya upang mamuhay sa pananampalataya, pag-ibig, at paglilingkod.

𝗣𝗔𝗔𝗡𝗢 𝗜𝗦𝗔𝗦𝗔𝗕𝗨𝗛𝗔𝗬:
Bilang isang katekista, ang Banal na Eukaristiya ang aking lakas at inspirasyon. Sa bawat pagdalo ko rito, ay napapaalalahanan ako ng katotohanang mahal ako ng Diyos at hindi niya ako iiwan. Napakasaya sa pakiramdam na sa bawat pag-awit, pagtugon at mulat na pakikiisa ko sa pagdiriwang na ito, kasama ko ang buong simbahan, mula sa mga Banal sa langit hanggang sa katulad kong nagsusumikap na sundin ang kanyang kalooban sa pagsamba sa kanya. Kung minsan, ay madalas na nabibigyan ng pansin ang mga kapistahan, o anumang malaking pagdiriwang ng simbahan at hindi ang pagsisimba o pagdalo sa Banal na Misa, nakakalimutan na ang Banal na Misa ay isang pagdiriwang din na siyang pinakamahalaga sa lahat, sapagkat naroon mismo at kasama natin si Kristo, na patuloy na nangungusap, nagpapatawad, nagpapalakas at nagbibigay ng pag-asa sa atin bilang iisang sambayanan.

𝗠𝗔𝗜𝗞𝗟𝗜𝗡𝗚 𝗣𝗔𝗡𝗔𝗟𝗔𝗡𝗚𝗜𝗡:
Panginoong Hesus, salamat sa kaloob ng Banal na Eukaristiya, ang pinakamahalagang pagdiriwang ng aming pananampalataya. Nawa’y lalo Ka naming mahalin, sundin, at ibahagi ang Iyong pag-ibig sa aming kapwa. Amen.

20/08/2026

AUGUST 20, 2026 | 𝐑𝐞𝐟𝐥𝐞𝐜𝐭𝐢𝐨𝐧 𝐀𝐫𝐚𝐰-𝐀𝐫𝐚𝐰: 𝐈𝐬𝐚𝐧𝐠 𝐀𝐫𝐚𝐰, 𝐈𝐬𝐚𝐧𝐠 𝐒𝐚𝐥𝐢𝐭𝐚, 𝐈𝐬𝐚𝐧𝐠 𝐏𝐚𝐠𝐧𝐢𝐧𝐢𝐥𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.

Ang Sakramento ng Eukaristiya
By: Catherine Carles B. Gallardo, Katekista

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔:
“ Ito ang aking Katawan na inihahandog para sa inyo. Gawin ninyo ito bilang pag-aalaala sa akin.” (1 Corinto 11:24)

𝗣𝗔𝗚𝗡𝗜𝗡𝗜𝗟𝗔𝗬:
Sa Sakramento ng Eukaristiya tayo ay nakiki-isa kay Cristo sa kanyang misyon sa pamamagitan ng tinapay at alak, na kung saan ito rin ang nagpapaalala sa atin ng Kanyang mapanligtas na misyon. Ang Layunin nito ay pag-isahin ang Bayan ng Diyos at pabanalin ang daigdig. Ang Eukaristiya ay nangangahulugang “Pasasalamat” sa salitang griyego. Ito ay unang isinagawa noong huling hapunan ni Hesus kasama ang kanyang mga apostol, at ipinagpapatuloy sa Sakramento ng Eukaristiya o Banal na Misa. Ito rin ay tinuturing na pinakamataas na antas ng panalangin na kung saan tayo ay nakiki-isa sa liturhiya ng langit sa pamamagitan ng salita at katawan ni Cristo.

𝗣𝗔𝗔𝗡𝗢 𝗜𝗦𝗔𝗦𝗔𝗕𝗨𝗛𝗔𝗬:
Ang Eukaristiya ay tanda ng pagmamahal ni Cristo, ito ay nagpapaalala sa atin ng Kanyang Misteryong Pampaskuwa. Marapat lamang na pasalamatan siya sa dakilang biyayang ito, bunga ng pag-aalay Niya ng Kanyang buhay para sa kaligtasan ng lahat. Sa pamamagitan ng pag dalo sa Sakramento ng Eukaristiya tayo ay nakakapagpasalamat sa ating Panginoon sa lahat ng Kanyang ipinagkaloob na biyaya sa atin, mula sa pagtubos ng ating mga kasalanan hanggang sa mga biyayang tinatanggap natin ngayon.

𝗠𝗔𝗜𝗞𝗟𝗜𝗡𝗚 𝗣𝗔𝗡𝗔𝗟𝗔𝗡𝗚𝗜𝗡:
Panginoon, maraming salamat po sa biyayang ipinagkaloob ninyo sa amin at sa pagtubos ng aming kasalanan. Patawarin Nyo po kami sa aming mga pagkukulang bilang iyong anak. Amen.

19/08/2026

19/08/2026

Annual Meeting of Directors and Coordinators 2026
Metropolitan Region of Nueva Segovia

The Annual Meeting of Catechetical Directors and Coordinators 2026 officially commenced on August 18, 2026, in Vigan City, Ilocos Sur, bringing together catechetical leaders from different communities for a meaningful gathering of communion, participation, and mission.

Guided by the theme “DUMNGÉG! Synodal Journey for One Mission,” the gathering provides an opportunity for catechetical leaders to listen to one another, learn from shared experiences, and reflect together on the mission of catechesis in the life of the Church.

Representing the Catechetical Foundation of the Archdiocese of Manila (CFAM) are Rev. Fr. Edric Bedural, Assistant CFAM Minister, together with the newly appointed Catechetical Coordinators Jeffry Bago and Ryan Paul Dayao.

19/08/2026

AUGUST 19, 2026 | 𝐑𝐞𝐟𝐥𝐞𝐜𝐭𝐢𝐨𝐧 𝐀𝐫𝐚𝐰-𝐀𝐫𝐚𝐰: 𝐈𝐬𝐚𝐧𝐠 𝐀𝐫𝐚𝐰, 𝐈𝐬𝐚𝐧𝐠 𝐒𝐚𝐥𝐢𝐭𝐚, 𝐈𝐬𝐚𝐧𝐠 𝐏𝐚𝐠𝐧𝐢𝐧𝐢𝐥𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.

Ang Tungkulin ng mga Kinumpilan
By: Aillyn C. Salaum, Katekista

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔:
“ Ito ang aking Katawan na inihahandog para sa inyo. Gawin ninyo ito bilang pag-aalaala sa akin.” (1 Corinto 11:24)

𝗣𝗔𝗚𝗡𝗜𝗡𝗜𝗟𝗔𝗬:
Ang simbahan sa pilipinas ay minsan ng nagpahayag sa kanilang pagtitipon tungkol sa kahalagahan ng pagbibigay ng Ebangelisasyon at katesismo bago ang pagtanggap ng naturang sakramento. Binigyang diin dito na “Ang mga pilipinong katoliko ay tanggap lang ng tanggap ng sakramento pero hindi naman ito lubos na nauunawaan. Sa madaling sabi ang pagiging kristiyano ay hindi natatapos sa pagtanggap lamang ng sakramento, bagkus ito ay isinasabuhay at ipinahahayag na sumasalamin sa ating mga tungkulin. Ang Sakramento ng Kumpil ay hindi hiwalay sa ating tungkulin bilang binyagan, bagkus pinalalakas at pinatatag lamang tayo para sa mas malaking hamon ang maging saksi at tagapagtanggol ng ating pananampalataya.

𝗣𝗔𝗔𝗡𝗢 𝗜𝗦𝗔𝗦𝗔𝗕𝗨𝗛𝗔𝗬:
Hindi nagtatapos sa kumpil ang ating mga tungkulin ito’y nagiiwan sa atin ng tatak na naghahangad sa atin upang maging mga saksi ni Jesus. Bilang katekista tayo ay mas inaasahan na makapagpakita ng mabuting halimbawa sa gawa. Sikapin na si Kristo na ating ipinapahayag ay sumalamin sa ating pamumuhay, kung paano tayo magsalita, kumilos, gumawa at tumulong. At kung hinihingi ng pagkakataon itoy ating ipagtanggol kahit sa kabila ng panganib at pangamba.

𝗠𝗔𝗜𝗞𝗟𝗜𝗡𝗚 𝗣𝗔𝗡𝗔𝗟𝗔𝗡𝗚𝗜𝗡:
Panginoon naming Diyos, salamat sa buhay at mga biyayang iyong ipinagkakaloob sa pamamagitan ng mga sakramento. Tulungan mo akong maisabuhay at magampanan ang aking tungkulin na maging saksi sa lahat ng oras at pagkakataon. Amen.

18/08/2026

21st Sunday in Ordinary Time | CYCLE A | Kid's Version
"Pinili ni Kuya Hesus si Simon Pedro Upang Mamuno sa Simbahan."
|
Download Here:
https://drive.google.com/file/d/1G3psKJUChLDrBp3lVzvHJElRRC6Be3Ar/view?usp=share_link

https://youtu.be/gLv0MfIIvHQ?si=HDaxLhpvgvjX7fma

PAKSA: Pinili ni Kuya Hesus si Simon Pedro Upang Mamuno sa Simbahan...

18/08/2026

21st Sunday in Ordinary Time | CYCLE A
"NGUNIT PARA SA INYO, SINO AKO?"

Download Here:
https://drive.google.com/file/d/1TrC-iA2Q3DrqSSCSjlYkszPx8HA7dBwW/view?usp=share_link

https://youtu.be/ka1p1moIY4g?si=PKbrtR22kTdZfuSP

CYCLE A | 21st Sunday in Ordinary TimePAKSA: Ngunit Para Sa Inyo, ...