Pambansang Mataas na Paaralang Komprehensibo ng Donsol

Pambansang Mataas na Paaralang Komprehensibo ng Donsol Ang page na ito ay nagtataglay ng mahahalagang impormasyon, anunsiyo, pabatid, at iba pa na may kaugnayan sa mga mag-aaral, g**o, at mga kawani ng paaralan.

SPA, Isinusulong na Karagdagang Special Curricular Program sa PMPKDIsinusulong ng Pambansang Mataas na Paaralang Kompreh...
19/08/2026

SPA, Isinusulong na Karagdagang Special Curricular Program sa PMPKD

Isinusulong ng Pambansang Mataas na Paaralang Komprehensibo ng Donsol (PMPKD) ang Special Program in the Arts (SPA) bilang karagdagang special curricular program na maaaring ipatupad sa paaralan sa susunod na taong panuruan.

Kaugnay nito, dumating ngayong araw si G. Shealtiel M. Lista, Program Training and Development Officer at Division MAPEH Coordinator ng SDO Sorsogon, upang magbigay ng mahahalagang input at gabay hinggil sa pagpapatupad ng SPA.

Sa kanyang pagbisita, ibinahagi ni G. Lista ang mga mahahalagang konsiderasyon sa pagpaplano ng programa, kabilang ang mga kinakailangang hakbang at paghahanda ng paaralan upang maisulong ang panukalang espesyal na programa.

Layunin ng SPA na mabigyan ang mga mag-aaral ng pagkakataong mapaunlad ang kanilang talento, kasanayan, at pagpapahalaga sa iba’t ibang larangan ng sining.

Ang kanyang pagbabahagi ng kaalaman at gabay ay inaasahang makatutulong sa PMPKD sa maayos na pagpaplano at paghahanda para sa posibleng pagpapatupad ng SPA sa susunod na taong panuruan.

Patuloy na isinusulong ng PMPKD ang mga programang tumutugon sa talento, interes, at pangangailangan ng mga mag-aaral tungo sa mas inklusibo at makabuluhang edukasyon.

LGU Donsol, Isinagawa ang Ceremonial Turn-over ng Proyektong Rehabilitasyon ng Dalawang Silid-Aralan sa PMPKDDonsol, Sor...
17/08/2026

LGU Donsol, Isinagawa ang Ceremonial Turn-over ng Proyektong Rehabilitasyon ng Dalawang Silid-Aralan sa PMPKD

Donsol, Sorsogon — Isinagawa ngayong araw ng Lunes, Agosto 17, ang Ceremonial Turn-over ng proyektong rehabilitasyon ng dalawang silid-aralan sa Pambansang Mataas na Paaralang Komprehensibo ng Donsol bilang bahagi ng patuloy na suporta ng Lokal na Pamahalaan (LGU) sa sektor ng edukasyon.

Dumalo sa seremonya si Kgg. Ralph Walter R. Lubiano, Alkalde ng Donsol, kasama si Kgg. Maria Christiana R. Abetria, Pangalawang Alkalde at mga miyembro ng Sangguniang Bayan na sina Kgg. Ryan A. Tarog, Kgg. Mark Jeszar R. Ocaya, at Kgg. Jun A. Abliter. Nakibahagi rin sa seremonya si Engr. Marlon John T. Cielo, Municipal Engineer at Bb. Noemi Villanueva, Municipal Planning and Development Coordinator (MPDC), at iba pang kawani ng LGU Donsol.

Pormal na tinanggap ni Gng. Elenor M. Obligar, Punong-g**o IV ang natapos na proyekto para sa PMPKD. Ang rehabilitasyon ng dalawang silid-aralan ay inaasahang makatutulong sa pagbibigay ng mas maayos, ligtas, at angkop na lugar sa pagtuturo at pagkatuto para sa mga mag-aaral at g**o ng paaralan.

Nagpaabot naman ng pasasalamat ang pamunuan ng PMPKD sa LGU Donsol sa pamamagitan ng mensahe ni Gng. Obligar, sa patuloy nitong pakikiisa at suporta sa mga pangangailangan ng paaralan. Ang proyekto ay nagpapakita ng mahalagang pagtutulungan ng lokal na pamahalaan at paaralan tungo sa pagpapaunlad ng kalidad ng serbisyong pang-edukasyon sa komunidad.

Sa pamamagitan ng mga ganitong proyekto, patuloy na pinagtitibay ng LGU Donsol at DNCHS ang kanilang pagkakaisa at sama-samang pagkilos para sa kapakanan at kinabukasan ng mga mag-aaral.

Makulay, masaya, at makabuluhan ang pagbubukas ng pagdiriwang ng Buwan ng Wika sa PMPKD. Maligayang pagdiriwang ng BNW s...
04/08/2026

Makulay, masaya, at makabuluhan ang pagbubukas ng pagdiriwang ng Buwan ng Wika sa PMPKD.

Maligayang pagdiriwang ng BNW sa mga mag-aaral, g**o, kawani, at stakeholders ng PMPD!

📣Para sa kaalaman ng mga kinauukulan!📣
31/07/2026

📣Para sa kaalaman ng mga kinauukulan!📣

Congratulations and best of luck to our dear students who have qualified for the A-One Youth Program (Batch 3)!1. Ababa,...
31/07/2026

Congratulations and best of luck to our dear students who have qualified for the A-One Youth Program (Batch 3)!

1. Ababa, John James C.
2. Advincula, Ron Julian Z.
3. Alim, Jonel O.
4. Arevalo, Asiah D.
5. Asusano, Alshienine P.
6. Averilla, Normariah Cate M.
7. Bayomo, Jillian M.
8. Biglete, Marione L.
9. Dacallos, Alea Mae P.
10. Garcia, John P.
11. Lastrella, Emmaco Simon B.
12. Lovendino, Sarah Jane B.
13. Malto, Aaliyah Faizah P.
14. Masanque, Reese Mariae J.
15. Restoles, Riza S.

Malugod na pagbati kay Sir Arnie D. Oliva, Administrative Officer II (Senior Bookkeeper) ng PMPKD, sa kaniyang pagkakaha...
31/07/2026

Malugod na pagbati kay Sir Arnie D. Oliva, Administrative Officer II (Senior Bookkeeper) ng PMPKD, sa kaniyang pagkakahalal bilang Member of the Board of Trustees ng DepEd Sorsogon School Finance Personnel Association (DESSFPA, Inc.).

Kaugnay nito, nanumpa siya sa tungkulin ngayong araw, Hulyo 31, 2026, sa ginanap na Third Division Management Committee Meeting for Fiscal Year 2026 sa Sorsogon Convention Center, Cabid-an, Sorsogon City.

Mula sa iyong kapamilya sa PMPKD, taos-puso naming ipinagmamalaki ang iyong tagumpay at hangad namin ang patuloy mong tagumpay at makabuluhang paglilingkod.

Congratulations, Sir Arnie! Mabuhay at padayon sa tapat na paglilingkod!

[Late post]MGA BAGONG OPISYAL NG SPTA PARA SA TAONG PANURUAN 2026-2027, INIHALALMatagumpay na isinagawa ng Pambansang Ma...
30/07/2026

[Late post]

MGA BAGONG OPISYAL NG SPTA PARA SA TAONG PANURUAN 2026-2027, INIHALAL

Matagumpay na isinagawa ng Pambansang Mataas na Paaralang Komprehensibo ng Donsol (PMPKD) ang eleksiyon para sa Grade Level at School Parent-Teacher Association (SPTA) noong Hulyo 15, 2026 sa Multi-purpose Center, kung saan aktibong lumahok ang mga magulang at tagapag-alaga ng mga mag-aaral upang pumili ng mga opisyal na mangunguna sa SPTA para sa Taong Panuruan 2026–2027.

Ang halalan ay isinagawa bilang bahagi ng taunang reorganisasyon ng SPTA upang makabuo ng mga lider na magsisilbing katuwang ng paaralan sa pagpaplano at pagpapatupad ng mga programang magpapahusay sa kapakanan at pagkatuto ng mga mag-aaral.
Bago ang halalan, nagsagawa ng pangkalahatang pagpupulong ang pamunuan ng paaralan at mga magulang kung saan tinalakay ang mga mahahalagang probisyon sa DepEd Order (DO) No. 013, s. 2022 (Omnibus Guidelines on the Regulation of Operations of Parent-Teacher Associations). Sinundan ito ng eleksiyon ng mga opisyal sa bawat grade level, na naging batayan sa pagpili ng mga opisyal ng SPTA.

Naging maayos, mapayapa, at organisado ang buong proseso ng halalan sa pangunguna ng Election Committee (EleComm)at administrador ng paaralan, habang ipinamalas naman ng mga magulang ang kanilang aktibong pakikilahok at suporta sa pagpili ng mga karapat-dapat na kinatawan.

Narito ang bagong halal na opisyal ng SPTA para sa taong panuruan 2026-2027:

School Parent-Teacher Association – Board of Directors (SPTA-BOD) Officers:
Chairperson: Engr. Janice A. Villarba
Vice Chairperson: Sheila G. Nape
Secretary: Mae Shiela A. Realuyo
Treasurer: Emily F. Abdula

School Parent-Teacher Association – Board of Directors (SPTA-BOD) Members:
Wenafe P. Tañada
Gorgonio A. Borres
Paulo N. Furiscal
Joffer Don C. Zacarias
Mary Jomen M. Nisola

Executive Committee (EXECOM)
President: Engr. Janice A. Villarba
Vice President: Sheila G. Nape
Secretary: Mae Shiela A. Realuyo
Collecting and Disbursing Officer: Wenafe P. Tañada

Kaagad na isinagawa ang panunumpa sa tungkulin ng mga bagong halal na opisyal ng SPTA sa pangunguna ni Elenor M. Obligar, Principal IV, bilang hudyat ng kanilang pormal na pagtanggap sa tungkuling maging katuwang ng paaralan sa pagtataguyod ng mga programang magpapalakas sa ugnayan ng tahanan at paaralan at magpapabuti sa kalidad ng edukasyon.

Ayon sa pamunuan ng PMPKD, mahalaga ang pagkakaroon ng matatag na ugnayan ng tahanan at paaralan upang higit na mapabuti ang kalidad ng edukasyon at maisakatuparan ang mga programang nakatuon sa paglinang ng kakayahan at kapakanan ng bawat mag-aaral.

Taos-pusong pagbati sa Pambansang Mataas na Paaralang Komprehensibo ng Donsol (PMPKD) sa natanggap nitong pagkilala bila...
16/07/2026

Taos-pusong pagbati sa Pambansang Mataas na Paaralang Komprehensibo ng Donsol (PMPKD) sa natanggap nitong pagkilala bilang pagpupugay sa natatangi nitong ambag sa tagumpay ng Schools Division of Sorsogon, na kinilala bilang kauna-unahang Provincial Division na nagtala ng pinakamataas na Budget Utilization Rate (BUR) na 97.05%.

Kasabay nito, kinilala rin ang PMPKD sa matagumpay nitong pagkamit ng 100% compliance sa pagsusumite ng Budget and Financial Accountability Reports (BFARs) sa pamamagitan ng Unified Reporting System (URS) para sa Fiscal Year 2025, bunga ng sama-samang pagsisikap ng buong pamayanan ng paaralan.

Kaya naman, taos-puso rin nating binabati ang Finance Section, sa mahusay na pamumuno ni G. Arnie D. Oliva, Administrative Officer II – Senior Bookkeeper. Ang inyong dedikasyon, kahusayan, at matatag na paninindigan sa tapat at episyenteng pamamahala sa pananalapi ay naging mahalagang salik sa pagkamit ng makabuluhang tagumpay na ito. Ang inyong propesyonalismo at mahusay na pangangasiwa sa mga prosesong pinansyal ng paaralan ay malaki ang naging ambag sa pagtatamo ng prestihiyosong pagkilalang ito.

Nawa'y magsilbing inspirasyon ang pagkilalang ito sa buong komunidad ng PMPKD upang patuloy na itaguyod ang pinakamataas na pamantayan ng pananagutan, integridad, at kahusayan sa paglilingkod sa publiko.

Muli, taos-pusong pagbati sa PMPKD at sa Finance Section sa inyong namumukod-tanging tagumpay!

Address

Tres Marias
Donsol
4715

Website

Alerts

Be the first to know and let us send you an email when Pambansang Mataas na Paaralang Komprehensibo ng Donsol posts news and promotions. Your email address will not be used for any other purpose, and you can unsubscribe at any time.

Contact The School

Send a message to Pambansang Mataas na Paaralang Komprehensibo ng Donsol:

Shortcuts

Share

Category