Institute of Mathematics Representatives

19/02/2026

𝐒𝐓𝐄𝐌 𝐂𝐎𝐌𝐌𝐔𝐍𝐈𝐓𝐘, 𝐖𝐀𝐋𝐊𝐎𝐔𝐓 𝐍𝐎𝐖! 𝐑𝐄𝐉𝐄𝐂𝐓 𝐓𝐇𝐄 𝐂𝐎𝐑𝐑𝐔𝐏𝐓 𝐀𝐍𝐃 𝐅𝐀𝐒𝐂𝐈𝐒𝐓 𝐒𝐘𝐒𝐓𝐄𝐌! 𝐋𝐀𝐇𝐀𝐓 𝐍𝐆 𝐒𝐀𝐍𝐆𝐊𝐎𝐓, 𝐃𝐀𝐏𝐀𝐓 𝐌𝐀𝐍𝐀𝐆𝐎𝐓!

Apatnapung taon na ang lumipas mula nang patalsikin ng sambayanan ang diktadurang Marcos. Ngunit malinaw—hindi pa tapos ang laban. May diktadurang Marcos noon at may kurap na Marcos din ngayon. Hindi rin siya nag-iisa. Lantad ang sistematikong korapsyon sa 2026 Budget, sa mga iskandalo sa imprastruktura, at sa patuloy na pagnanakaw sa pondo ng taumbayan.

Habang tumataas ang presyo ng bilihin at naghihirap ang masa, nilulustay ang pondo sa mga substandard na proyekto. Sa halip na tunay na serbisyo, korapsyon ang ipinaiiral. Dumaan man ang ilang eleksyon, nananatili ang isang bulok na sistemang pumipiga sa mamamayan.

Patuloy rin na minamaliit ang edukasyon. Maliban sa substandard at kulang na pasilidad sa loob ng pamantasan, pinagkakaitan rin ng sapat na pondo ang UP at ang sektor ng kabataan dahil takot ang gobyerno sa mulat, kritikal, at lumalabang kabataan. Ngunit hindi tayo matitinag.

Sa ika-40 anibersaryo ng EDSA, buhay ang diwa ng paglaban. Hindi lamang natin ginugunita ang nakaraan; ipinagpapatuloy natin ang rebolusyonaryong diwa nito hanggang sa makamit natin ang mas malayang kinabukasan.

Isabuhay ang diwa ng EDSA! Sumama sa Pebrero 25!

🗓️ February 25, 2026
🕘 9:00–9:30 AM | Snake Rallies
🕤 9:30 AM | STEM Cluster Action @ CS Library
🕙 10:00 AM | University Wide Action
🕥 10:30 AM | Departure to EDSA

LAHAT NG SANGKOT, DAPAT MANAGOT!

15/10/2025

MATHEMATICIANS, WALKOUT NOW!

23/09/2025

Ilan ang inarestong galit sa korap? 216.
Ilan ang inarestong korap? Wala.

Noong Setyembre 21, 1972, idineklara ni Ferdinand Marcos Sr. ang Batas Militar—isang malagim na yugto sa ating kasaysayan na nagbunga ng libo-libong pinahirapan at bilyon-bilyong ninakaw sa bayan. Makalipas ang 53 taon, malinaw na ang mga bakas ng diktadura ay patuloy na nanunuot sa ating sistema.

Ang Setyembre 21 ay hindi lamang naging araw ng pag-aalala sa kasaysayan, kundi araw ng pagpapaalala sa pamahalaan na ang nagkakaisang taumbayan ang tunay na makapangyarihan. Sa pagkalantad ng katiwalian sa maanomalyang flood control projects, sumiklab ang galit ng sambayanang nilulubog sa baha at kahirapan. Kaya't sa araw na ito, libo-libong Pilipino ang dumaluyong sa mga lansangan. Ang tugon ng estado rito: karahasan.

Ang tensyong naganap pagkatapos ng pagkilos ay hindi kagagawan ng taumbayan, kundi bunga ng kapabayaan at lantarang katiwalian ng estado. Ang mga mamamayang lumaban at iligal na inaresto ay mga biktima ng baha at ng sistemang pinabayaan sila. Kaya naman nananawagan kami sa agarang pagpapalaya sa mga mamamayang dinakip ng mga berdugong pulis.

Naninindigan ang mga Siyentista ng Bayan na sa harap ng isang sistemang bulok, pahirap, at bingi sa daing ng sambayanan, makatarungan ang paglaban. Hangga’t patuloy na binubusalan, kinukulong, at kinakaladkad ng pasistang estado ang mamamayang Pilipinong nakikibaka para sa katarungan, patuloy tayong lalaban at lalabas sa lansangan. Higit pa nating papalakasin at papakapalin ang ating hanay upang tuluyang mapanagot ang mga Marcos, Duterte, at lahat ng tiwaling opisyal na sangkot sa pangungurakot at pagpapahirap sa bayan.

IKULONG ANG KORAP, HINDI ANG TAUMBAYANG HIRAP!
PNP, PROTEKTOR NG KORAP!
PALAYAIN SI WOVI VILLANUEVA!

Photos used from CCCNR, FEU Advocate, and Tinig ng Plaridel

21/09/2025

[𝐒𝐓𝐀𝐓𝐄𝐌𝐄𝐍𝐓 𝐎𝐍 𝟓𝟑𝐑𝐃 𝐀𝐍𝐍𝐈𝐕𝐄𝐑𝐒𝐀𝐑𝐘 𝐎𝐅 𝐓𝐇𝐄 𝐃𝐄𝐂𝐋𝐀𝐑𝐀𝐓𝐈𝐎𝐍 𝐎𝐅 𝐌𝐀𝐑𝐓𝐈𝐀𝐋 𝐋𝐀𝐖]

Sa Ilog at Lawa lamang ba Matatagpuan ang mga Buwaya?

Ika-53 taon nang nakalilipas mula ideklara ang Batas Militar sa bansa sa ilalim ng dating pangulong Ferdinand Marcos Sr. Ilang taon na ang nakararaan at tiyak ang bansa ay lugmok pa rin sa kahirapan at may kinakaharap na matinding korapsyon. Bakas pa rin ang sugat ng kahapon, patuloy pa rin ang kinakaharap na delubyo ng sambayanang Pilipino hanggang sa kasalukuyang administrasyon. Marcos noon at Marcos ulit ngayon. Mga buwayang likas lamang sa ilog at lawa, nagsulputan na sa kamara. Wala pa ring ipinagbago sa kalagayan ng ating bansa.

Sa rehimeng Marcos Sr., nagmarka ng sandamakmak na kalupitan sa bansa: 3,257 ang biktima sa pagpapahirap ng mga militar; 737 ay biktima ng biglaang pagkawala o forced disappearances; 35,000 na kaso ng pagpapahirap o torture ang nadokumento; at 70,000 naman ang arestado dahil lamang sa pagiging saksi ng mga anomalya at paglabag sa mga karapatang pantao [3]. Samantala sa ilalim ni Pangulong Marcos Jr., mula 2022 hanggang 2024, naitala naman ng National Disaster Risk Reduction and Management Council (NDRRMC) na mahigit 212 ang namamatay kada taon bunsod ng kalamidad mula sa mga bagyo, baha, at matinding pag-ulan [2]. Mga proyektong kontra baha at makapagbibigay sana ng ginhawa para sa mga mamamayan, nauwi lamang sa kapahamakan at kasakiman. Buhay ang naging kapalit noon, buhay rin ang nagiging kapalit ngayon. Kung ano ang puno, siya rin ang bunga. Kailan kaya matututo mula sa nakaraan para matamo ang totoong kalayaan?

Kaya naman, ang University of the Philippines Mathematics Majors’ Circle (UPMMC) ay tumitindig muli laban sa katiwalian at bulok na sistema ng gobyerno. Naniniwala at pinapahalagahan ng organisasyon ang integridad, katarungan, at pananagutan. Walang anomang pagkiling o pagpabor ang organisasyon sa anomang partido politikal, bagkus naninindigan lamang sa kung ano ang tama para sa sambayanan. Makakamit lamang ang totoong kaunlaran at pribilehiyo para sa mga mamamayan kung mayroong tapat na panunungkulan.

Samakatuwid, hinihikayat ng aming organisasyon ang lahat ng mag-aaral, kapwa kabataan, at ang masa na sumapi at makibaka laban sa katiwalian. Maraming mga Pilipino na ang naghirap mula sa mga palpak at mala-multong proyekto kontra baha at ang mga anomalyang pamamalakad ng mga kontraktor at Department of Public Works and Highways (DPWH) [1]. Kung kaya’t, nararapat lamang na harapin at panagutin ng mga tiwaling opisyales ang darating na baha sa Luneta. Tayo na’t kumilos sa Trillion Peso March sa EDSA ngayong Linggo, Setyembre 21. Ang pagkilos ay para sa bansa at boses ng mamamayan ang dapat marinig at mamayagpag.

NEVER FORGET, NEVER AGAIN!
NEVER AGAIN TO MARTIAL LAW!
MARCOS SINGILIN, DUTERTE PANAGUTIN!





References:
[1] Abanto, R. (2025, August 19). DPWH chief admits existence of “ghost” flood control projects, vows probe | ABS-CBN News. ABS-CBN. https://www.abs-cbn.com/news/nation/2025/8/19/dpwh-chief-admits-existence-of-ghost-flood-control-projects-vows-probe-1233
[2] Mangaluz, J. (2025b, August 20). Philippines spends billions on flood projects, but disasters keep killing. Philstar.com. https://www.philstar.com/headlines/2025/08/20/2466670/philippines-spends-billions-flood-projects-disasters-keep-killing
[3] S, D. D. E., Maria, S. G., & Punongbayan, J. C. (2021). Martial law and the Philippine economy. https://hdl.handle.net/10419/266061

Statement writer: Koshin Cy Ubaldo

21/09/2025

We remember so we can never be deceived again.

On this day, September 21, 2025, we mark 53 years since the declaration of Martial Law in the Philippines, a time etched in our history with blood, silence, and fear.

Proclamation No. 1081, signed in 1972, plunged the nation into an era of repression, torture, censorship, and injustice under the guise of order and discipline. To this day, we carry the weight of those who were silenced, disappeared, and murdered. We carry the stories of resistance, of defiance, and of undying hope.

Now, as corruption deepens and the streets once again filled with protest, we are reminded that the fight for justice and accountability is not over. The warning of the past has become the reality of the present.

Martial Law is not just a memory. It is a mirror. And we must never look away. Never Again. Never Forget.

18/09/2025

MATEMATISKO, MAY EXAM TAYO SA LINGGO!

Sa harap-harapang kasinungalingan at katiwalian ng administrasyong Marcos Jr., patuloy tayong mag-ingay at ipanawagan ang tunay na pagbabago. Panagutin at huwag palampasin ang mga kurakot, putulin ang siklo ng korapsyon!

Ipakita natin ngayong ML53 na ang pagkalimot sa kasaysayan ang sanhi ng pagkaulit nito, at sa ‘di pagtahimik makakamit ang pagbabago. Dahil sa exam ng mga pulitiko, BAGSAK na ang kanilang grado.

TAMA NA, SOBRA NA! WALANG POINTS KUNG WALANG SOLUTION!

BAHAIN NATIN NG PROTESTA ANG LUNETA!

21 SETYEMBRE 2025
📌 UPD Local Action (7AM, Quezon Hall)
📌 Main Action (9AM, Luneta)

Sumali sa CS CoordGC: https://m.me/j/Aba5HwzdNzX5S-tq/

11/09/2025

You are cordially invited to an in-person research talk hosted by the Optimization and Approximation Group featuring Jerielle V. Malonzo, PhD student at the Faculty of Mathematics, University of Vienna, Austria on Tuesday, September 16, 2025, at 10:00 AM, to be held at the MB Conference Room.

Title of the talk:
Introduction to Frames and Multipliers

We look forward to your participation.

https://math.upd.edu.ph/2025/09/imath-seminar-september-16-jerielle-malonzo

11/09/2025

This afternoon, the UP Diliman College of Science Student Council sent letters to the Dean and Institute Directors seeking their endorsement of the September 12 walkout.

In response, College of Science Dean Cynthia Saloma endorses the walkout, and expresses her solidarity with the students’ calls and outrage over the exposed corruption in government.

Delayed infrastructures, defective equipment, and the persistent lack of facilities stand as glaring manifestations of systemic corruption. Together, let us intensify our collective call for accountability, transparency, and justice from the Marcos Jr. administration!

TAMA NA! SOBRA NA! WALKOUT NA!

📆 Friday, September 12
⏱️ 10AM @ Llamas Hall (behind the Institute of Biology, in front of the UP Arboterum's entrance)
⏰ 11AM @ CAL Faculty Center, Roces Ave.

JOIN THE COORDINATION GC:
https://m.me/j/AbbeWTIGfNj66vkM/

11/09/2025

WALANG PANANAGUTAN, WALANG PAPASOK! 🧪✊

The victory of Takbo Laban sa Korapsyon proves that the UP community and the Filipino people will never be silent in the face of injustice. On September 12, we walk out of our classes to condemn corruption and demand accountability from the Marcos Jr. administration.

Corruption robs public funds meant for education and scientific research, worsening budget cuts that cripple our classrooms and laboratories.

The delayed construction of the CAL Faculty Building, Main Library, Llamas Hall and other systemwide infrastructures is a clear reminder that the University is not an exemption to its effects.

📆 Friday, September 12
⏱️ 10AM @ Llamas Hall (behind the Institute of Biology, in front of the UP Arboterum's entrance)
⏰ 11AM @ CAL Faculty Center, Roces Ave.

JOIN THE COORDINATION GC:
https://m.me/j/AbbeWTIGfNj66vkM/

Siyentista ng Bayan, stand with the people, refuse to be silent while corruption destroys our future.

Science for the People, Not for Corruption!

02/09/2025

Sulong, Siyentista ng Bayan! Passionate about making science and technology truly CServe the people? Don't worry cuz applications for the CSulong Corps are still open! 🤝

The UP Diliman College of Science Student Council is officially calling for dedicated students to join the CSulong Corps for Academic Year 2025-2026!

The CSulong Corps is the official volunteer arm of the CSSC that helps execute our events, campaigns, and advocacies. Step up and grow as a student leader by helping organize college-wide events, standing with us to fight for student rights, and becoming an active part of the CS community and beyond.

✍️ Apply now through the official registration link:
https://tinyurl.com/CSCorps1S
https://tinyurl.com/CSCorps1S
https://tinyurl.com/CSCorps1S

🗓️ Applications are open until September 6, 11:59 PM. The orientation will be held on September 8. More details shall be posted and emailed to you!

01/09/2025