21/09/2026
54 YEARS. NEVER AGAIN. NEVER FORGET.
Ngayong Setyembre 21, ginugunita natin ang ika-54 na anibersaryo ng deklarasyon ng Batas Militar noong 1972.
Sa likod ng mga numero, petsa, at pahina ng mga aklat ay mga taong nakulong, tinortyur, pinatay, pinatahimik, at pinilit na mabuhay sa ilalim ng takot. Kasabay nito, naroon ang mga estudyante, manggagawa, magsasaka, mamamahayag, at ordinaryong Pilipinong tumindig upang ipagtanggol ang kanilang mga karapatan at kalayaan.
Ang paggunita ay hindi lamang tungkol sa nakaraan. Ito ay tungkol sa kung paano natin nauunawaan ang kasaysayan, kung paano natin sinusuri ang impormasyong ipinapasa sa atin, at kung paano natin pinangangalagaan ang katotohanan laban sa pagbura at pagbaluktot ng alaala.
Bilang mga mag-aaral ng Sikolohiya, Agham Pampulitika, at Komunikasyon, tungkulin nating maging mapanuri sa naratibo, makinig sa mga karanasan ng mga biktima, at gamitin ang ating kaalaman upang panatilihing buhay ang kolektibong alaala.
Alalahanin ang mga biktima. Kilalanin ang kasaysayan. Manindigan para sa karapatang pantao.
Remember. Resist. Reclaim.
