DepEd RXII Lepaga High School

06/07/2026

Taos-Pusong Pasasalamat! 💙🙏

Ang buong LEPAGA High School Faculty and Staff, kasama ang aming mga mag-aaral, ay taos-pusong nagpapahayag ng aming lubos na pasasalamat sa Touching Hearts For Jesus Ministry, sa pangunguna ni Ma'am Weng Bruner at ng kanyang mga kasamahan mula sa Baptist Church, sa kanilang matagumpay na pagsasagawa ng isang makabuluhang outreach activity para sa aming mga mag-aaral.

Maraming salamat sa inyong mapagpalang pagbabahagi ng mga school bag na may kasamang school supplies, food packs, at higit sa lahat, sa pagbibigay ng makapangyarihang mensahe ng pag-ibig, pag-asa, at pananampalataya sa ating Panginoon. Ang inyong kabutihang-loob ay naging malaking inspirasyon at pagpapala sa aming mga mag-aaral at sa buong komunidad ng paaralan.

Lubos din naming kinikilala at pinasasalamatan ang suporta ng aming Barangay Officials, na naging katuwang sa matagumpay na pagsasakatuparan ng makabuluhang gawaing ito. Ang inyong pakikiisa ay patunay ng tunay na diwa ng bayanihan at malasakit sa edukasyon at kapakanan ng kabataan.

Nawa'y patuloy kayong pagpalain ng Poong Maykapal at pagkalooban ng lakas at higit pang pagkakataon upang maipagpatuloy ang inyong ministeryo at paglilingkod sa kapwa.

Maraming salamat sa inyong pagmamahal at kabutihang-loob.

To God be all the glory! 🙏❤️

08/06/2026

📍Lubos ang pasasalamat ng Lepaga High School sa aming mga pribadong katuwang—Lorca Farm, Delli Delfin Lorca Hospital, at SOCCSKSARGEN Honda Scooters Club(Gensan)—na pinamumunuan nina Sir Nilo Rey D. Lorca at Ma’am Genalyn Razonable Bibat, sa kanilang walang sawang suporta at malasakit sa ating mga mag-aaral♥️.

Sa pamamagitan ng kanilang kabutihang-loob, matagumpay na naisagawa ang pagbibigay ng libreng school supplies, medical assistance, painting materials, at feeding program para sa mga bata. Ang mga gawaing ito ay hindi lamang nagdulot ng saya kundi nagbigay rin ng malaking tulong sa kanilang pag-aaral at kalusugan.

Ang inyong malasakit ay tunay na inspirasyon sa buong komunidad ng Lepaga High School. Maraming salamat po sa patuloy ninyong pagtulong at pakikiisa sa paghubog ng kinabukasan ng ating kabataan.🎉

05/06/2026

📍Ang pamunuan ng Lepaga High School ay taos-pusong nagpapasalamat sa lahat ng nakiisa at nagbigay ng kanilang oras, lakas, at suporta sa isinagawang Brigada Eskwela.♥️✨

Lubos din po naming kinikilala at pinasasalamatan ang aming mga katuwang at partner sa komunidad: BDO Network Bank Mlang, HD Makarios Printing Services, BLGU Officials ng Barangay Lepaga, SK Officials ng Lepaga, mga Alumni, mga Magulang, mga Mag-aaral, at mga G**o. Ang inyong walang sawang pagtulong at pakikiisa ay naging malaking bahagi sa tagumpay ng gawaing ito.

Ang inyong boluntaryong kontribusyon ay sumasalamin sa diwa ng bayanihan at malasakit para sa kapakanan ng ating paaralan at ng ating mga mag-aaral. Sa pamamagitan ng sama-samang pagkilos, naging mas handa ang ating paaralan sa pagbubukas ng klase ngayong lunes Hunyo 8, 2026.

Gayunpaman, ang diwa ng Brigada Eskwela ay hindi nagtatapos sa itinakdang panahon nito. Patuloy po nating isulong ang kultura ng pagtutulungan at pakikipagkapwa upang mapanatili ang kaayusan, kalinisan, at kahandaan ng ating paaralan sa buong taon.

Ang mga larawang kalakip ay ilan lamang sa mga behind-the-scenes na sakripisyo, pagtutulungan, at dedikasyon ng bawat isa na naging susi sa tagumpay ng Brigada Eskwela.

Maraming salamat po sa inyong patuloy na suporta. Mabuhay ang Lepaga High School!🎉

27/05/2026

📢 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 2026 | 𝗟𝗘𝗣𝗔𝗚𝗔 𝗛𝗜𝗚𝗛 𝗦𝗖𝗛𝗢𝗢𝗟

Tara na at makiisa! 💪✨

Ang Lepaga High School ay muling maglulunsad ng 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 mula 𝗛𝘂𝗻𝘆𝗼 1-5, 2026 bilang paghahanda sa nalalapit na pasukan. Kasabay nito ang 𝗽𝗮𝗴-𝘂𝘂𝗺𝗽𝗶𝘀𝗮 𝗻𝗴 𝗲𝗻𝗿𝗼𝗹𝗹𝗺𝗲𝗻𝘁 para sa School Year 2026-2027.

Inaanyayahan namin ang lahat ng magulang, mag-aaral, alumni, at mga stakeholders na makibahagi sa gawaing ito para sa mas ligtas, maayos, at kaaya-ayang paaralan.

🛠️ 𝗠𝗮𝗴𝗮𝗴𝗮𝗻𝗱𝗮𝗻𝗴 𝗠𝗮𝗶𝘁𝘂𝘁𝘂𝗹𝗼𝗻𝗴:
✅ Paglilinis ng silid-aralan at paligid ng paaralan
✅ Pagpipintura ng mga dingding at upuan
✅ Pagkukumpuni ng sirang gamit at pasilidad
✅ Pag-aayos ng mga mesa, silya, at kagamitan
✅ Pagtatanim ng halaman at pagpapaganda ng kapaligiran

🎁 𝗠𝗮𝗮𝗮𝗿𝗶 𝗿𝗶𝗻𝗴 𝗺𝗮𝗴𝗱𝗼𝗻𝗮𝘁𝗲 𝗻𝗴:
✅ Pintura, brush, at iba pang construction materials
✅ Cleaning materials (walis, basahan, detergent, atbp.)
✅ School supplies
✅ Kahit anong tulong na makapagpapaganda sa ating paaralan

Ang bawat ambag ay mahalaga! Sama-sama nating ihanda ang Lepaga High School para sa isang matagumpay na pagbubukas ng klase.

📍 Para sa karagdagang impormasyon, makipag-ugnayan lamang sa tanggapan ng paaralan.

Maraming salamat po.

𝗠𝗮𝗸𝗶𝗶𝘀𝗮, 𝗺𝗮𝗸𝗶𝗯𝗮𝗵𝗮𝗴𝗶, 𝗺𝗮𝗴𝗯𝗿𝗶𝗴𝗮𝗱𝗮! 💙

24/03/2026

"The Principal’s State of the School Address detailed the school's progress, initiatives, and future plans."

24/03/2026

Happy 15th Foundation Anniversary Lepaga High School ❤️🎊
" Sa ika-15 Taon: Sama-sama sa Paghubog ng Kinabukasan."

24/02/2026

With Grateful Hearts ❤️

Lepaga High School sincerely thanks the Department of Health – PROVINCE OF COTABATO and the M’lang Health Office for recognizing our participation in the Major Health Events Celebration (Philippine Heart Month) with the theme:
“Bringing Heart Closer to Every Filipino."

We are truly honored to be part of this meaningful program that promotes heart health and family wellness. 💚

Together, we celebrate advocacy, collaboration, and the power of community.

Maraming salamat din po BLGU Lepaga our partner in health🫡❣️

PhilippineHeartMonth

24/02/2026

✨ Proud moment for Lepaga High School – SSLG! ✨
We are officially recognized under the Youth Organization Registration Program, in compliance with the Sangguniang Kabataan Reform Act of 2015 (RA 10742).

This certificate is a testament to our commitment to empowering the youth, fostering leadership, and building a stronger community. 💙💚
Maraming Salamat po🫡

17/09/2025

16/09/2025