An Rimas (Artocarpus altilis (Parkinson) Fosberg) nagkakahoy na tinanom. Nalangkaw ini sagkod sa 26 metros, nadakula an kahawakan asin an p**n napusog huli sa mga dalig (oldot na darakulang gamot) niya. An dahon niya makintab na berde, may mga "oro-espada" an palibot asin an irarom may hibo'. Darakula an dahon niya, na an laba p**n 9 abot 36 na pulgada asin an lakbang kaini 8 abot 20 pulgada. An b
unga niya nakakaagid sa bunga nin ogob, matabilog pero may kalabaan asin may mga mata-mata pero mayong mga "tunok" na arog kan ogob. Kadaklan kan rimas mayong pisog an bunga, pero igwa man ibang klaseng rimas na may pisog. Igdi sa bikol, an klase kan rimas na lakop madaling mabisto sa ogob kun ini may bunga pero kun mayong bunga, madaling midbiron sa bilang kan oro-espadang mga panas sa palibot kan darakula niyang dahon. An rimas tolo sana parati an mapapanas na "espada" sa ibong-ibong kan dahon, orawang an ogob dai nababa sa limang 'oro-espada' an mga panas niya ibong-ibong kan dahon. An "lalaking" burak pirino asin natitipon sa garo batuta na an apod kan panahon "aboyabos" na nalaba p**n lima (5) abot kagduwang (12) pulgada. An aboyabos enot kolor giyaw hasta paggurang nakolor nang kayumanggihon. An "babaeng" burak natipon sa malaberdeng matunoktunok na payopayo na nalaba abot duwa may kabangang pulgada, may saro' kabanga an diametro, na iyo ini an nabibilog na bunga kan rimas. An bunga kan rimas parati prinipritos asin may namit arog kan kamote. Pero pwede man luto na pinakro. Sa ibang lugar kakanon ining pan-oroaldaw na ginugulay man o kwenta maluto.
