Ettmnihs Kagawaran ng Araling Panlipunan

05/12/2025

Entry #3: Maikling Pelikula mula sa pangkat ng Baitang 7-Celerio.

⚠️ Paalala: Maaaring naglalaman ang bidyo ng mga kathang-isip na bahagi ng malikhaing interpretasyon ng mga mag-aaral. Layunin nitong ipakita ang kanilang paggalang at pagkilala sa kasaysayan, at hindi ito dapat ituring bilang ganap na salin ng mga tunay na pangyayari.
Narito ang ilan sa mga tuntunin sa paggawa ng maikling pelikula:
1. I-follow ang opisyal na page ng Ettmnihs Kagawaran ng Araling Panlipunan.
2. Pusuan ang entry ng maikling pelikula na iyong nais at ibahagi ito sa iyong mga kaibigan sa Facebook.
3. Ang pagbibigay ng reaksyon (puso ❤️) ay tatanggapin lamang hanggang ika-12 ng Disyembre 2025, ganap na ala-una ng hapon. Ang mga reaksyong makukuha matapos ang nasabing oras ay hindi na bibilangin.

05/12/2025

Entry #1: Maikling Pelikula mula sa pangkat ng Baitang 7-Del Mundo.

⚠️ Paalala: Maaaring naglalaman ang bidyo ng mga kathang-isip na bahagi ng malikhaing interpretasyon ng mga mag-aaral. Layunin nitong ipakita ang kanilang paggalang at pagkilala sa kasaysayan, at hindi ito dapat ituring bilang ganap na salin ng mga tunay na pangyayari.

Narito ang ilan sa mga tuntunin sa paggawa ng maikling pelikula:
1. I-follow ang opisyal na page ng Ettmnihs Kagawaran ng Araling Panlipunan.
2. Pusuan ang entry ng maikling pelikula na iyong nais at ibahagi ito sa iyong mga kaibigan sa Facebook.
3. Ang pagbibigay ng reaksyon (puso ❤️) ay tatanggapin lamang hanggang ika-12 ng Disyembre 2025, ganap na ala-una ng hapon. Ang mga reaksyong makukuha matapos ang nasabing oras ay hindi na bibilangin.

27/11/2025

Nagpamalas ng pagkakaisa at suporta ang buong Kagawaran ng Araling Panlipunan sa adbokasiya ng VAW Free PH sa pamamagitan ng paggamit ng Profile Frame. Sa kanilang photocollage, makikita ang sama-sama nilang paninindigan para sa isang lipunang malaya sa karahasan at may paggalang sa karapatan ng kababaihan at kabataan.

Isang simpleng frame, ngunit makapangyarihang simbolo ng ating sama-samang tinig: Makiisa. Makialam. Maging bahagi ng pagbabago. 🧡✊

Gamitin at ibahagi rin ang official frame upang ipakita ang iyong suporta:
🔗 https://twb.nz/vawfreeph2025frame

🔗 https://twb.nz/vawfreeph2025

27/11/2025

🧡 𝐎𝐫𝐚𝐧𝐠𝐞 𝐄𝐱𝐡𝐢𝐛𝐢𝐭 | 18-Day Campaign to End VAW 🧡

Matapang na ipinapakita ng ating mga babaeng g**o sa Araling Panlipunan ang kanilang suporta sa adbokasiya laban sa karahasan sa kababaihan. Sa photobooth corner ng Orange Exhibit, sila ay nakapose habang hawak ang mga plakard na may mensahe ng pagpapalawak ng kamalayan, pagkakaisa, at paglaban sa anumang uri ng karahasan.

Ang kanilang presensya ay paalala na ang laban para sa karapatan, dignidad, at kaligtasan ng kababaihan ay tungkulin nating lahat—sa paaralan man, sa komunidad, o sa tahanan. Sama-sama tayong magbigay ng tinig at lakas para sa pagbabago. 🧡✊

27/11/2025

𝐃𝐚𝐲 𝟏 | 𝐎𝐫𝐚𝐧𝐠𝐞 𝐄𝐱𝐡𝐢𝐛𝐢𝐭 | 𝐍𝐨𝐯𝐞𝐦𝐛𝐞𝐫 𝟐𝟓

Matagumpay na naisagawa ang Unang Araw ng Orange Exhibit noong Nobyembre 25, 2025 bilang bahagi ng 18-Day Campaign to End Violence Against Women (VAW). Ang gawaing ito ay pinangunahan ng Kagawaran ng Araling Panlipunan sa pamumuno ng Ulong-Guro, G. Noel H. Buendia, katuwang ang buong departamento. Nagpahayag rin ng suporta ang ating Punong-Guro, G. Donato A. Bataclan, sa mahalagang inisyatibang ito.

Layunin ng Orange Exhibit na maipakita ang iba’t ibang impormasyon, larawan, at mensahe na nagtataguyod ng kamalayan at pag-unawa tungkol sa karahasan laban sa kababaihan. Ang kulay orange ay nagsisilbing simbolo ng pag-asa, pagkakaisa, at panawagan para sa pagbabago—isang paalala na ang bawat isa ay may papel sa pagtataguyod ng isang ligtas at makataong komunidad.

Sa pamamagitan ng makabuluhang pagpapakita at edukasyong panlipunan, hinihikayat namin ang mga mag-aaral, g**o, at kawani na maging tagapagtaguyod ng karapatan, dignidad, at kaligtasan ng kababaihan. Ang Orange Exhibit ay patunay ng ating matibay na paninindigan laban sa anumang anyo ng karahasan.

Mula sa unang araw ng kampanya, sama-sama tayong naninindigan para sa respeko, proteksyon, at pagkakapantay-pantay. 🧡✊

14/10/2025

Isang taos-pusong pagbati sa lahat ng mga g**o ng Kagawaran ng Araling Panlipunan para sa inyong kahanga-hangang dedikasyon at pambihirang kahusayan na ipinamalas noong unang markahan ng Taong Panuruan 2025-2026!

Ang inyong pagsisikap na hubugin ang mga mag-aaral na maging mapanuri at makabayang mamamayan ay tunay na kahanga-hanga.

Maraming salamat at ipagpatuloy ang inyong nasimulan! Mabuhay!

10/10/2025