03/09/2026
NATIONAL SIMULTANEOUS SCHOOL SAFETY DRILL 2026
Matagumpay na isinagawa ng Delia Diezmo National High School (DDNHS) ang National Simultaneous School Safety Drill, sa pangunguna ng School Principal na si Ma'am Mariches E. Begino, SDRRM Coordinator, BERT Coordinator, katuwang ang School Incident Management Team, BERT Officers, mga g**o, mag-aaral, iba pang school personnel, at mga stakeholders.
Bilang paghahanda, isinagawa ang mga sumusunod na hakbang:
STAGE 0 – School Readiness and Risk Assessment
Noong August 24, 2026, nagsagawa ng paunang orientation sa mga mag-aaral pagkatapos ng flag ceremony sa pangunguna ng BERT Coordinator Jomarie C. Alcanzo. Tinalakay ang kahalagahan ng pagiging handa, tamang pagkilos, at pagsunod sa mga safety procedures sa oras ng emergency.
Sinundan ito ng isang coordination meeting kasama ang PNP, MDRRMO, SPTA, Barangay Council of Itok, BPSO-Itok, Teaching & Non-Teaching Personnel, BERT, at SSLG Representatives upang pag-usapan ang mga paghahanda, safety measures, evacuation, communication, at koordinasyon na naaayon sa School Shooting Contingency Plan sa oras ng emergency.
STAGE 1 – Learner Preparation, Consent and Safeguarding
Noong Setyembre 2, 2026, nagsagawa ng proper orientation sa bawat classroom sa pangunguna ng mga Class Advisers at Grade Level Chairpersons. Ipinaliwanag sa mga mag-aaral ang layunin ng drill, mga dapat gawin, protective actions, at tamang pamamaraan ng paglikas.
Bilang bahagi ng safeguarding, tiniyak din ang pagkakaroon ng written parental/guardian consent o waiver at learner assent para sa mga piling mag-aaral na lalahok sa aktuwal na simulation.
STAGE 2 – Protective Actions and Drill Activation
Noong Setyembre 3, 2026, isinagawa ang aktuwal na drill sa pakikilahok ng mga piling Senior High School learners na may pahintulot ng kanilang mga magulang o guardian at may learner assent.
Isinagawa ang tamang protective actions upang masanay ang mga kalahok na manatiling kalmado, sumunod sa mga tagubilin, at kumilos nang tama sa panahon ng emergency.
STAGE 3 – Evacuation and Movement to Safety
Matapos ang drill activation, isinagawa ang maayos at ligtas na paglikas patungo sa itinakdang evacuation area. Binigyang-diin ang pagiging kalmado, pagsunod sa evacuation routes, at pag-iwas sa pagtulakan at pagtakbo.
STAGE 4 – Accountability, Communication and Coordination
Sa evacuation area, isinagawa ang headcount at accountability upang matiyak na ligtas at kumpleto ang mga kalahok. Isinagawa rin ang maayos na communication at coordination ng paaralan kasama ang mga katuwang na responders at ahensya.
STAGE 5 – Evaluation, Feedback and Continuous Improvement
Matapos ang drill, isinagawa ang evaluation at assessment upang matukoy ang mga naging maayos at ang mga bahagi na kailangan pang pagbutihin. Ang mga naging obserbasyon at rekomendasyon ay gagamitin upang higit pang mapahusay ang School Contingency Plan at emergency preparedness ng DDNHS.
Taos-pusong pasasalamat sa PNP-Capalonga, MDRRMO-Capalonga, SPTA, Barangay Council of Itok, BPSO-Itok, BERT, SSLG, School Incident Management Team, mga g**o, mag-aaral, at lahat ng school personnel at stakeholders sa kanilang suporta at aktibong pakikiisa.
Ang layunin ng bawat hakbang ay hindi lamang matagumpay na maisagawa ang drill, kundi higit sa lahat ay matiyak na ang bawat isa ay handa, may tamang kaalaman, at marunong kumilos nang ligtas sa oras ng emergency.
DDNHS — Laging Handa, Laging Ligtas! 🛡️🚨💪
