Del Carmen Elementary School - Lupi

12/08/2026

⚜️ BSP-DEL CARMEN ES | CLOSING CEREMONY 2026 ⚜️

Narito ang ilang mga larawan mula sa Closing Ceremony ng mga Boy Scouts na ginanap noong Agosto 9, 2026 sa Del Carmen Elementary School. 🏕️⚜️

Matapos ang mga makabuluhang gawain, pagsasanay, at masasayang karanasan sa kampo, pormal na nagtapos ang ating Scouting activities na puno ng pagkakaisa, disiplina, pagkakaibigan, at paglilingkod.

Maraming salamat sa lahat ng Scouts, Scout Leaders, g**o, magulang, at mga taong naging bahagi ng matagumpay na gawaing ito. Nawa'y patuloy nating isabuhay ang mga aral at pagpapahalagang natutuhan sa Scouting.

⚜️ Laging Handa! ⚜️

12/08/2026

12/08/2026

BSP - DEL CARMEN ES || TUNGKULIN SA DIYOS

Ang isinagawang Duty to God Activity noong Agosto 9, 2026 ay isa na namang makabuluhang pagkakataon para sa mga KID, KAB, at BOY Scouts ng Del Carmen Elementary School upang higit na mapatatag ang kanilang pananampalataya, mga pagpapahalaga, at paninindigan sa pagsasabuhay ng Panunumpa at Batas ng Scout.

Bilang mga Scout, patuloy tayong umuunlad hindi lamang sa ating mga kasanayan at kaalaman, kundi pati na rin sa ating pananagutan na maging matapat, disiplinado, at mahabaging indibidwal na handang maglingkod sa kapwa nang may katapatan at integridad.

𝗔𝗻𝗴 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝘀𝗮 𝗗𝗶𝘆𝗼𝘀 𝗮𝘆 𝗮𝗻𝗴 𝗽𝗶𝗻𝗮𝗸𝗮𝗺𝗮𝘁𝗮𝗮𝘀 𝗻𝗮 𝘁𝘂𝗻𝗴𝗸𝘂𝗹𝗶𝗻 𝗻𝗴 𝗯𝗮𝘄𝗮𝘁 𝗦𝗰𝗼𝘂𝘁. 🙏⚜️

12/08/2026

🌱⚜️ TREE PLANTING & CLEAN-UP DRIVE | BOY SCOUTS ⚜️🌿

Narito ang ilang mga larawan mula sa Tree Planting at Clean-Up Drive na isinagawa ng ating mga Boy Scouts noong August 9, 2026. 🌳🧹

Sa simpleng gawaing ito, ipinakita ng mga Scouts ang kanilang pagmamalasakit sa kalikasan, disiplina, pagtutulungan, at paglilingkod sa pamayanan. 💚

Maraming salamat po sa DENR-CENRO Sipocot sa libreng seedlings na ibinigay at pakikipagtulungan.

Munting pagkilos ngayon, malaking ambag para sa mas malinis at luntiang kinabukasan! 🌏🌱

#𝘾𝙡𝙚𝙖𝙣𝙐𝙥𝘿𝙧𝙞𝙫𝙚

12/08/2026

👑⚜️ THE SEARCH FOR LAKAN NG KAMPO 2026 ⚜️👑

Narito ang ilang mga larawan mula sa Lakan ng Kampo 2026 na nilahukan ng ating mga KAB at Boy Scouts. 🏕️✨

Ipinamalas ng bawat kalahok ang kanilang kumpiyansa, disiplina, at tunay na diwa ng Scouting. Higit sa isang patimpalak, ito ay naging pagkakataon upang maipakita ang pagkakaibigan, pagkakaisa, at pagiging huwarang Scout. ⚜️💚

👏 Congratulations sa lahat ng kalahok at sa ating Lakan ng Kampo 2026!

12/08/2026

🔥⚜️ CAMPFIRE | KAB & BOY SCOUTS ⚜️🔥

Narito ang ilang mga larawan mula sa masayang Campfire Activity ng ating mga KAB at Boy Scouts. 🏕️✨

Sa gitna ng ningas ng apoy, sama-samang nagbahagi ng awitan, saya, pagkakaibigan, at diwa ng pagkakapatiran ang bawat Scout. Isang gabing puno ng masasayang alaala at tunay na espiritu ng Scouting! 💚🔥

“Sa bawat ningas ng apoy, lalong nag-aalab ang diwa ng pagkakaisa at Scouting!” ⚜️

12/08/2026

🍽️⚜️ BOODLE FIGHT | KAB & BOY SCOUTS⚜️🍽️

Narito ang ilang mga larawan mula sa masayang Boodle Fight ng ating mga KAB at Boy Scouts! 🏕️

Sabay-sabay na pagkain, tawanan, at kuwentuhan—isang simpleng salu-salo na nagpatibay sa pagkakaisa, samahan, at diwa ng kapatiran sa Scouting. 💚⚜️

Mas masarap ang pagkain kapag sama-sama.

12/08/2026

🏕️ OBSTACLE COURSE | KAB & BOY SCOUTS ⚜️

Narito ang ilan sa mga kuhang puno ng sigla, saya, at teamwork mula sa Obstacle Course na nilahukan ng ating mga KAB at BOY Scouts noong Agosto 8, 2026.

Sa bawat hamon, ipinakita ng ating mga Scouts ang kanilang lakas, liksi, tapang, disiplina, at pagtutulungan. 💪⚜️

Isang masayang karanasan na tunay na sumasalamin sa diwa ng Scouting — Laging Handa!

12/08/2026

📢ONLINE LECTURE AND INFORMATION-AWARENESS ACTIVITY

Nakiisa ang Del Carmen Elementary School sa Online Lecture and Information-Awareness Activity ng Camarines Sur Police Provincial Office (CSPPO) upang mapalawak ang kaalaman ng mga kawani sa pagpapanatili ng isang ligtas, secure, at child-friendly na paaralan para sa lahat ng mag-aaral. 💙

"Safe Schools, Secure Schools, Child-Friendly Schools.”