Pamilyang Filipino - SDO Cam. Sur

Malugod naming binabati sina John Mark G. Bermal, Trixia Lianne M. Argarin, at Faith P. Kirsten, mga mag-aaral, at si Alexis Rey D. Follosco, tagasanay mula sa Nabua National High School, sa kanilang kahanga-hangang tagumpay bilang Unang Gantimpala sa Regional Festival of Talents 2026 sa larangan ng DokyuWento Filipino.

Sa bawat eksena ng kanilang kuwento ay sumibol ang talino, pagkamalikhain, at dedikasyon—mga katangiang tunay na sumasalamin sa husay at kakayahan ng kabataang Pilipino. Ang kanilang tagumpay ay hindi lamang medalya ng karangalan kundi isang inspirasyong nagliliwanag sa landas ng iba pang mag-aaral na nangangarap at nagsusumikap.

Taos-pusong pasasalamat kina Norma B. Samantela, Tagapamanihalang Pansangay; ASDS Maria Flora T. Pandes; Mariben D. Berja, Hepe ng CID; Sonny Taugan Tagamasid Pansangay sa Filipino at Lili Beth B. Fajardo, Punong-g**o IV, sa patuloy na paggabay at suporta sa mga programang nagpapayabong sa talento at kakayahan ng mga mag-aaral.

Higit sa lahat, papuri at pasasalamat sa Panginoon na siyang patuloy na gumagabay at nagbibigay-lakas upang maabot ang mga pangarap at makamit ang mga tagumpay.

✨ Isang pagpupugay sa husay, sipag, at talento ng mga kabataang patuloy na nagbibigay dangal sa edukasyon! ✨

𝐈𝐋𝐀𝐇𝐎𝐊 𝐍𝐀 𝐀𝐍𝐆 𝐈𝐍𝐘𝐎𝐍𝐆 𝐓𝐀𝐍𝐀𝐆𝐀! 𝐒𝐔𝐌𝐀𝐋𝐈 𝐍𝐀 𝐒𝐀 𝐓𝐔𝐋𝐀 𝐓𝐀𝐘𝐎 𝟐𝟎𝟐𝟔!

Ilagay ang inyong lahok sa Google form link na ito: https://forms.gle/soxnHEEukLzoedpx6
---

Ang Tulâ Táyo ay isang onlayn na timpalak sa pagsulat ng katutubong tulâ. Pangunahing layunin nito na palaganapin ang talino sa pamamagitan ng paglikha ng tulâ na nakasulat sa wikang Filipino na nagpapamalas ng maiglang partisipasyon ng makakata sa ibang rehiyon ng bansa. Bukás ang timpalak sa mga dalít, diyóna, at tanagà na nakasulat sa wikang Filipino na pumapaksa tungkol sa tema ng Buwan ng Panitikan 2026 na Bekët (Bigkis) Panitikan sa Katwiran at Kalikasan.

Mga Tuntúnin:

Ipapaskil ang mga tulâ—diyóna, dalít, o tanagà—sa seksiyon ng mga komento at sa google form link (gagawin pa lámang) ng nakatalagang poster ng bawat anyo ng tulâ upang maging opisyal na lahok ito. Susundin ang sumusunod na iskedyul para sa pagpapaskil:

𝐏𝐄𝐓𝐒𝐀 𝐍𝐆 𝐏𝐀𝐆𝐓𝐀𝐍𝐆𝐆𝐀𝐏 𝐍𝐆 𝐋𝐀𝐇𝐎𝐊 𝐀𝐍𝐘𝐎
23–27 Pebrero 2026 Dalít
2–6 Marso 2026 Diyóna
9–13 Marso 2026 Tanagà

Magiging opisyal ang mga lahok kapag ipinasok ito sa google form link na matatagpuan sa opisyal na page ng Komisyon sa Wikang Filipino.

Tatanggap ng mga orihinal na tulâ na nakasulat sa wikang Filipino at nása antas tudlikan. Gawing tema ng tula ang tungkol sa tema ng Buwan ng Panitikan 2026.

Tatanggap ng isang libong piso (PHP1,000.00) ang unang sampung (10) magwawagi sa bawat anyo. Ipapaskil sa opisyal na website at social media ng KWF ang mga magwawagi sa bawat anyo ng tula.

Pinal at hindi na mababago ang magiging pasiya ng mga hurado ng timpalak.

---

Isinagawa ang Pampurok na Pagsasanay sa ELLN Filipino sa Purok Minalabac 2 noong 7 Pebrero 2026. Layunin ng gawaing ito na higit pang mapalakas ang kakayahan ng mga g**o sa pagtuturo ng pagbasa at pagsulat sa Filipino para sa mas makabuluhang pagkatuto ng mga mag-aaral. 📚✨

Kilalanin natin si Dr. Fe T. Otanes, ang tampok na babaeng dalubwika sa araw na ito!

May babaeng dalubwika o manunulat ba kayong nais itampok? Magkomento lang sa post na ito.

Pilipina, manguna tulad ng mga babaylan!

Nais naming pagpugayan ngayong Biyernes si lsmaelita Floro-Luza, isang haligi ng panitikang Hiligaynon.

May babaeng manunulat o dalubwika ba kayong nais itampok? Magkomento lang sa post na ito.

Pilipina, manguna tulad ng mga babaylan!

Pansangay na Tagisan ng Talento sa Filipino Dokyuwento 2026 | 24 Pebrero 2026 | Pambansang Mataas na Paaralan ng Rodriguez

Nagkamit ng Unang Puwesto
🅘🅚🅐🅛🅘🅜🅐🅝🅖
Konggresyunal na Distrito•
𝙋𝙖𝙢𝙗𝙖𝙣𝙨𝙖𝙣𝙜 𝙈𝙖𝙩𝙖𝙖𝙨 𝙣𝙖 𝙋𝙖𝙖𝙧𝙖𝙡𝙖𝙣 𝙣𝙜 𝙉𝙖𝙗𝙪𝙖🎉🎊

Mga Kalahok:
Bermal, John Mark G.
Argarin, Trixia Lianne M.�
Prima, Kirsten Faith P.

Tagasanay| Alexis Rey Follosco
Punong-g**o | Dr. Lilibeth Moralde

Taos-pusong pasasalamat sa Tagapagsanay at mga kalahok mula sa Una hanggang Ikalimang Konggresyunal na Distrito, mga Fasiliteytors, pamunuan ng Host School Dr. Nelson Españo, Tagaugnay sa Filipino ng Host School Sir Gilmar Baran, Tagamasid Pampurok ng Kanlurang Pili Dr. Baby Carlos Fajardo, mga Pangkonggresyunal na Tagaugnay sa Filipino, Pansangay na Tagaugnay sa Filipino Ma'am Dyeysel Laurente at Tagamasid Pansangay sa Filipino Dr. Sonny Taugan.

Ang tagumpay na ito ay bunga ng sama-samang pagsisikap, dedikasyon, at pagtutulungan ng bawat isa.
Nawa’y magsilbi itong inspirasyon upang higit pang paunlarin ang ating kakayahan at patuloy na itaguyod ang kahalagahan ng wikang Filipino sa larangan ng edukasyon.

Maraming salamat sa lahat ng naging bahagi ng tagumpay na ito.

Tagumpay sa Pagsasanay ELLN📚✨

Salamat sa lahat ng nakilahok at nagsikap para sa mas mataas na antas ng pagkatuto.

Patuloy tayong magtulungan para sa mas maliwanag na bukas! 💛