ANG LENTE

𝑷𝒂𝒈𝒕𝒖𝒕𝒖𝒍𝒖𝒏𝒈𝒂𝒏 𝒏𝒈 𝒎𝒈𝒂 𝒈𝒖𝒓𝒐, 𝒎𝒂𝒈𝒖𝒍𝒂𝒏𝒈,𝒂𝒕 𝒎𝒈𝒂 𝒎𝒂𝒈-𝒂𝒂𝒓𝒂𝒍, 𝒊𝒔𝒂𝒏𝒈 𝒎𝒂𝒈𝒂𝒏𝒅𝒂𝒏𝒈 𝒑𝒂𝒔𝒊𝒎𝒖𝒍𝒂! 📰🤝

Matagumpay na naisagawa ang unang oryentasyon sa Pampaaralang Pahayagan kahapon, Hunyo 3, 2026, upang bigyan ng paunang kaalaman ang mga mag-aaral at magulang kung gaano ito kahalaga sa paghahatid ng balitang may katotohanan at makabuluhan. Pinangunahan ito ni Gng. Carmina C. Tabamo- School Paper Adviser ng Ingles at Filipino katuwang ang mga g**o na nagsisilbing Journalism Trainers sa patnubay ni Dr. Jeffrey C. Doguiles, punongg**o ng Samaria SHS. Sa naturang oryentasyon, ipinakilala rin ang mga g**ong tagapagsanay sa ibat ibang kategorya, at mga patnugot sa pampaaralang pahayagan. Sinundan ito ng pagpili sa mga bagong opisyal ng GSPTA na pinangasiwaan ng mga Grade Level Chairman kasama ang mga g**ong tagapayo mula Baitang 7-9, 11 at 12 na magsisilbing tulay sa pagitan ng ating paaralan, mga magulang, at mga mag-aaral tungo sa pagkakaisa at pagkakabuklod-buklod ng lahat.
Pinatunayan lamang na kung magtutulungan at magsasama-sama ang lahat ay mas matatamo natin ang maayos na pamumuno tungo sa kaayusan at kaunlaran ng paaralan.
Samantala, maging boses tayo ng katotohanan at maglilingkod nang may puso para sa ating komunidad! ✨

"𝘿𝙚𝙥𝙀𝙙 4𝙃 𝙁𝙧𝙖𝙢𝙚𝙬𝙤𝙧𝙠, 𝙗𝙞𝙣𝙞𝙜𝙮𝙖𝙣𝙜-𝙙𝙞𝙞𝙣 𝙨𝙖 𝙎𝙘𝙝𝙤𝙤𝙡-𝙗𝙖𝙨𝙚𝙙 𝙇𝙚𝙖𝙧𝙣𝙞𝙣𝙜 𝘼𝙘𝙩𝙞𝙤𝙣 𝘾𝙚𝙡𝙡"

Matagumpay na isinagawa ang School-based Learning Action Cell (SLAC) Session noong Martes, Hunyo 30, 2026, sa Samaria Senior High School sa pangunguna ni Dr. Archie J. Azucenas, Public Schools District Supervisor (PSDS) In-charge, katuwang ang punongg**o na si Dr. Jeffrey C. Doguiles.
Nakasentro ang talakayan sa 𝗗𝗲𝗽𝗘𝗱 4𝗛 𝗙𝗿𝗮𝗺𝗲𝘄𝗼𝗿𝗸 na binubuo ng 𝘏𝘢𝘯𝘥𝘢, 𝘏𝘢𝘺𝘰, 𝘏𝘪𝘯𝘢𝘺, 𝘢𝘵 𝘏𝘪𝘯𝘵𝘰. Ito ay magsisilbing gabay ng paaralan sa pagbibigay ng naaangkop na mga gawaing pampagkatuto sa gitna ng kalamidad at krisis na maaaring maranasan ng bawat isa. Mahalaga na maging maalam ang buong pamunuan ng paaralan kung paano pangangasiwaan ang iba't ibang sitwasyon na maaaring maranasan ng buong komunidad ng paaralan.
Patunay lamang ito na ang Samaria SHS ay patuloy na itinataguyod ang matibay nitong pangako sa pagsusulong ng kahandaan, kaligtasan, at katatagan ng bawat Samarian tungo sa mas mabisa at de-kalidad na edukasyon para sa mga mag-aaral.

Gandang Malapitan, binigyang-sigla ang Samaria Senior High School Mula sa pamunuan ng Samaria Senior High School, sa pangunguna ng aming mahal na punongg**o na si Dr. Jeffrey C. Doguiles, taos-puso po kaming nagpapasalamat sa ating butihing Ama ng Lungsod ng Caloocan, Mayor Dale Gonzalo "Along Malapitan," sa kanyang patuloy na suporta sa ating paaralan sa pamamagitan ng programang "Gandang Malapitan."
Sa pamamagitan ng programang ito, naipagkakaloob ang libreng gupit bilang isang serbisyo na naglalayong mapangalagaan at mapanatili ang kaayusan at kalinisan ng panlabas na anyo ng ating mga mag-aaral at ng komunidad.
Patuloy nating isabuhay ang diwa ng pagkakaisa at malasakit, sapagkat para sa bawat Batang Kankaloo, sama-sama nating itinataguyod ang de-kalidad na serbisyo tungo sa mas magandang kinabukasan ng ating mga kabataan.

Lubos na nagpapasalamat ang pamunuan, mga magulang at mga mag-aaral ng Samaria Senior High School sa walang sawang pagtulong at suporta sa Brigada Eskwela 2026 ng ating Mayor Along Malapitan, at Congressman Dean Asistio, kasama ang Office of Architectural Planning and Design. Patunay na ang kanilang pakikiisa ay makapagbibigay ng isang kahanga-hangang hakbang para sa isang mas ligtas, mas maayos, at mas kaaya-ayang kapaligiran tungo sa pagkatuto at magandang kinabukasan ng mga mag-aaral.

Maraming salamat Kagawad John Paul Mercado, Sk Hiel Achebutche, at Gng. Luz Amlon sa inyong pakikiisa at suporta sa Brigada Eskwela 2026 mula sa pamunuan ng Samaria Senior High School. Sa patuloy na pagtulong sa aming paaralan, ito ay may malaking ambag upang matiyak na malinis, maayos, at ligtas na paaralan para sa aming mag-aaral.

Brigada Eskwela 2026
📚🏫 "Bayanihan sa Paaralan: Nagkakaisa para sa Kaayusan at Kaalaman" Magkaroon ng malinis, maayos, ligtas, at handang paaralan—isang adhikaing isinasapuso at isinasabuhay hindi lamang ng buong pamunuan, mga g**o, mga magulang, at mga mag-aaral ng Samaria Senior High School kundi maging ng mga katuwang nito sa komunidad. Muli itong pinatunayan sa ikatlong araw ng Brigada Eskwela ngayong Miyerkules, Hunyo 3, 2026. Taos-pusong pasasalamat sa mga kawani ng Brgy. 187 sa pangunguna ni Kap. Ferdinand E. Marcos, Sr. , Bureau of Fire Protection (BFP) at Dr. Jose Rodriguez Memorial Hospital sa kanilang pakikiisa at walang sawang suporta sa Brigada Eskwela. Sa kabilang banda, nagsagawa ng Brigada Pagbasa para sa mga mag-aaral ng Baitang 8 at 9 na pinangasiwaan nina Dr. Marissa T. Estrada-Filipino Coordinator, at Gng. Leziel G. Fernandez-JHS Literacy Coordinator katuwang ang mga tagapayo sa mga nasabing baitang.
Tunay ngang walang hamong hindi malalampasan at walang layuning hindi maaabot kapag nagkakaisa ang bawat isa.