Ang Alab: Ang Opisyal na Pahayagan sa Filipino ng Bagong Silang High School

Sa bawat patak ng tinta, may kwentong isinilang; sa bawat pahina, may pangarap na umusbong. ✍️🔥

Ang Alab Campus Journalists ay nagningning sa landas ng karangalan—
✨ 𝗠𝗮𝘆 𝗞𝗮𝗿𝗮𝗻𝗴𝗮𝗹𝗮𝗻
✨ 𝗠𝗮𝘆 𝗠𝗮𝘁𝗮𝗮𝘀 𝗻𝗮 𝗞𝗮𝗿𝗮𝗻𝗴𝗮𝗹𝗮𝗻
✨ 𝗠𝗮𝘆 𝗣𝗶𝗻𝗮𝗸𝗮𝗺𝗮𝘁𝗮𝗮𝘀 𝗻𝗮 𝗞𝗮𝗿𝗮𝗻𝗴𝗮𝗹𝗮𝗻

Ngunit higit pa sa mga titulong ito ang tunay na tagumpay: ang patuloy na pagpili na magsulat para sa katotohanan, tumindig para sa tama, magbigay-boses sa mga hindi naririnig, at pagpansin sa mga bagay na hindi nakikita.

Sa likod ng bawat pagkilala ay mga gabing walang pahinga, pusong hindi sumuko, at alab na patuloy na nagliliyab.

At sa patuloy na paglalakbay, dala namin ang pangakong hindi kailanman hihinto ang alab ng katotohanan. 🔥

✍🏻: Lharra Mae Lopez
🖼️: Client Mark Candole

Bawat patak ng gasolina ay may katumbas na kuwento—mga sakripisyong hindi nakikita sa kalsada. Sa gitna ng tumataas na presyo at kakulangan ng suplay, hindi lang makina ang nahihirapang umandar kundi pati pangarap. Sa bawat estudyanteng naglalakad na lang pauwi para makatipid at sa bawat pamilyang nagbabawas ng gastusin, malinaw: ang krisis sa langis ay hindi lang usapin ng enerhiya—ito ay usapin ng buhay. 💔

Sa loob ng silid-aralan, tila malayo ang usaping ito, ngunit ramdam ito sa pamasahe, sa baon, at sa pagod ng biyahe. Ang dating simpleng pagpasok ay nagiging desisyong kailangang pag-isipan. Ngunit sa kabila nito, may kapangyarihan ang kabataan—sa simpleng paraan tulad ng pagpaplano ng biyahe, pakikisabay sa carpool, pagtitipid sa kuryente, at pagsuporta sa lokal at sustainable na produkto, unti-unti nating nababawasan ang konsumo. Maliit man, mahalaga ang bawat hakbang.🌱✨

Higit pa rito, maaaring gamitin ng mga estudyante ang kanilang boses—sa pagsusulat, diskusyon, at pagpapalaganap ng kamalayan. Sa huli, ang bawat patak na natitipid ay hindi lang gasolina ang nababawasan—ito ay hakbang tungo sa mas maingat at matatag na kinabukasan. Sa bawat sakripisyo ngayon, may pag-asang mas maayos ang bukas. 🗣️✨

🖼️: Johncel Sta Romana
✍🏻: Jermaine Kate Lee

DUNONG NG LINGGO

🖋️✨Mula sa labi ng ninuno
hanggang sa tinta ng panitikan, mga pagsusuri ng salitang hinubog ng hininga ng panahon...

🍃Narito na ang salitang umusbong
mula sa ugat ng kahapon,
isinilang sa lakbo ng wika,
hinubog ng hininga ng panahon...

✨📜DALUMAT📜✨
Pangngalan [Noun]
[da-LOO-mat]

Isang paraan ng malalim, masusi, at kritikal na pag-iisip upang makabuo ng konsepto o teorya. Ipinapakita nito ang mataas na antas ng panghihiraya at pag-uunawa sa mga konseptong abstrakto at pilosopikal na paksa. Isa itong malalim na salitang Tagalog na tumutukoy sa ngalan ng isang ideya o kaisipan. Ang pagdadalumat ay pundasyon ng kaalamang pangkasaysayan na naglalayong palawakin ang kamalayan at kakayahan ng isang tao upang maging mapanuri at lumikha ng mga bagong ideya. Kaya, sa paraan ng pagdadalumat, laging alalanin na hindi lamang ito basta pag-iisip, bagkus ito ay isang paraang may layuning bumuo ng bagong diskurso, usapin, konsepto, teorya at iba pa.✨



✍️: Larrilyn Jane G. Dela Cruz
🖼️: Client Mark R. Candole

MAY NANALO NA
‎Silangians wagi sa RSPC 2026
‎
‎Nakuha ng mga kinatawan ng Bagong Silang High School ang mahahalagang parangal sa nakaraang Regional Schools Press Conference (RSPC) 2026, pagkatapos nilang dominahin ang Division Schools Press Conference (DSPC). 🎉
‎
‎Ayon sa opisyal na resulta, sina Amber Shanylle Y. Flores at Jermaine Kate B. Lee ng Ang Alab, at Laidy Clouie D. Salvador at Jean Devaughn G. Viñas ng The Blaze ang nakatanggap ng unang puwesto sa kanilang mga kategorya sa DSPC 2026. Dahil dito, naging kinatawan sila ng Lungsod ng Caloocan sa RSPC. 📚
‎
‎Ipinagdiriwang naman ngayon ang pagkapanalo nila Jermaine Kate B. Lee na ikalawang puwesto sa Pagsulat ng Balitang Agham at Teknolohiya, at Jean Devaughn G. Viñas na nanguna sa Editorial Writing, na nagkukwalipika sa kanya para sa National Schools Press Conference (NSPC).
‎
‎Ang mga tagumpay na ito ay nagpapakita ng kahusayan ng mga estudyante ng Bagong Silang High School sa journalism, na kinikilala na ngayon hindi lamang sa lungsod kundi sa buong rehiyon.🔥

✍🏻: Rewen Joseph Mayuga
🖼️: Client Mark Candole

‎HOHGP: Bagong Liwanag sa SNED learners
‎
‎Ngiti at bagong pag-asa ang iniwang bakas ng Hard of Hearing Group Philippines, Inc. (HOHGP) sa mga mag-aaral ng Special Needs Education (SNED) matapos silang mabigyan ng tulong at serbisyong pangkalusugan sa pandinig.
‎
‎Binisita ng HOHGP ang Bagong Silang High School bilang bahagi ng pagdiriwang ng World Hearing Day na may temang “From Communities to Classrooms: Hearing Care for All Children.” Layunin ng kanilang pagbisita na magsagawa ng libreng audiological assessment para sa mga SNED learners upang matukoy at matulungan ang mga mag-aaral na may suliranin sa pandinig.
‎
‎Sa pahintulot ng punongg**o ng paaralan na si Dr. Alvin Angus, isinagawa ang aktibidad noong Marso 10, 2026. Pinangunahan ito ni Vincent S. Balingan, Pangulo ng HOHGP, kasama si MaryGrace Belen, Accessibility Officer ng HOHGP, at si Joyce Rodvie M. Sagun, isa sa mga espesyalista ng grupo.
‎
‎Bukod sa libreng hearing assessment, nagbigay rin ng grupo ng libreng hearing aids bilang sorpresa sa 18 na mag-aaral na nangangailangan nito, 6 pang mag-aaral na sumailalim sa hearing assessment lamang, at 10 g**o na sinuri ang tainga at leeg.
‎
‎Ipinakita ng aktibidad na ito na sa pamamagitan ng pagtutulungan ng mga organisasyon at paaralan, mas mapapalawak ang oportunidad ng mga batang may kapansanan sa pandinig. Ang bawat tulong at serbisyong naibibigay ay hindi lamang nagdudulot ng ngiti sa kanilang mga mukha, kundi nagbibigay rin ng bagong pag-asa para sa mas inklusibo at mas maliwanag na kinabukasan para sa lahat ng mag-aaral.
‎
✍🏻: Janna Claire Lovendino &
Rewen Joseph Mayuga

🖼️: Client Mark Candole

𝐒𝐞𝐥𝐲𝐨 𝐧𝐠 𝐒𝐢𝐩𝐚𝐠, 𝐊𝐮𝐰𝐞𝐧𝐭𝐨 𝐧𝐠 𝐊𝐚𝐫𝐮𝐧𝐮𝐧𝐠𝐚𝐧 📚

May mga pangarap na hindi isinisigaw—tahimik lamang na nabubuo sa pagitan ng mga pahinang binabasa at sa katahimikan ng aklatan.

Sa bawat pagbisita, may selyong nadadagdag.
Sa bawat selyo, may kaalamang naipon.
Hanggang sa ang maliit na card ay mapuno—
hindi lamang ng marka, kundi ng 𝘀𝗶𝗽𝗮𝗴, 𝘁𝗶𝘆𝗮𝗴𝗮, 𝗮𝘁 𝗽𝗮𝗴𝗺𝗮𝗺𝗮𝗵𝗮𝗹 𝘀𝗮 𝗽𝗮𝗴𝗯𝗮𝗯𝗮𝘀𝗮.

Isang pagbati kay 𝗣𝗿𝗶𝗻𝗰𝗲𝘀𝘀 𝗘𝗺𝗷𝗵𝗮𝘆 𝗘. 𝗠𝗶𝗿𝗮𝗻𝗱𝗮 ng Grade 𝟳– 𝗟𝗼𝘃𝗶𝗻𝗴 sa matagumpay na pagkumpleto ng 10 stamps sa proyektong “𝗥𝗲𝗮𝗱, 𝗥𝗲𝗮𝗱 𝗡𝗼𝘄 𝗮𝗻𝗱 𝗦𝘂𝗿𝗽𝗿𝗶𝘀𝗲 𝗚𝗶𝗳𝘁 𝗟𝗮𝘁𝗲𝗿.”

Ngunit higit pa sa sorpresa ang tunay na gantimpala—
sapagkat sa bawat aklat na binubuksan, may mundong natutuklasan at may kinabukasang unti-unting nagliliwanag, daan patungo sa malinaw na hakbang.

✍🏻: Lharra Mae Lopez
🖼️: Client Mark Candole

📖DUNONG NG LINGGO

🖋️✨Mula sa labi ng ninuno
hanggang sa tinta ng panitikan, ang lungkot at kagandahan ng salitang hinubog ng hininga ng panahon...

🍃Narito na ang salitang umusbong
mula sa ugat ng kahapon,
isinilang sa lakbo ng wika,
hinubog ng hininga ng panahon...

✨📜SIPHAYO📜✨
Pangngalan [Noun]
[si-PA-yo]

Ang salitang siphayo ay nagmula sa ugat na salitang Tagalog na "hayo" na may kaugnayan sa paglayo, pag-alis, o pagkawala. Sa paglipas ng panahon, nabuo ang anyong “siphayo” upang ilarawan ang damdaming dulot ng pagkawala o pagkabigo. Ito'y isang malalim at matinding lungkot o dalamhati na nararamdaman kapag nakaranas ng kabiguan, pagkawala, o pagkadismaya. Ito ay sakit ng damdaming tila mabigat sa puso at hindi agad nawawala. Karaniwan itong ginagamit sa mga panitikan upang ipakita ang matinding kalungkutan, kabiguan, at pagdurusa ng mga tauhan. ✨



✍️: Larrilyn Jane G. Dela Cruz
🔎: Prince Naithan H. Baybayon
🖼️: Client Mark R. Candole

𝗔𝗻𝗴 𝗔𝗹𝗮𝗯 𝗕𝗦𝗛𝗦! Nagliyab sa Pinakamahusay na Publikasyon sa Division Level, kwalipakado sa Regional Level 🔥✨

Isang karangalang ipagdiwang ang tagumpay ng Ang Alab na itinanghal na isa sa Outstanding School Publications in Filipino sa Caloocan! 🏅

🏆 Outstanding School Publications in Filipino – 10th Place Ang Alab

📰 Pinakamahusay sa Pahinang Balita – 10th Place

🖋️ Pinakamahusay sa Pahinang Editoryal – 10th Place

📚 Pinakamahusay sa Pahinang Lathalain – 10th Place

🔬 Pinakamahusay sa Pahinang Agham at Teknolohiya – 10th Place

🏀 Pinakamahusay sa Pahinang Pampalakasan – 6th Place

🎨 Pinakamahusay sa Pag-aanyo at Pagdidisenyo ng Pahina – 8th Place

Ang bawat pagkilalang ito ay bunga ng sipag, tiyaga, at dedikasyon ng mga studyanteng mamamahayag ng Ang Alab. Patunay ito na ang husay sa pagsusulat at pagdidisenyo ay tunay na nagliliyab sa puso ng bawat mamamahayag.
Patuloy tayong magningning at mag-alab para sa katotohanan at kahusayan! 🔥🙌

Special Thanks to our SPA- Ma'am Mary Jane De Vera

✍🏻: Lovendino, Janna Claire C.
🖼️: Candole Clientmark

Narito ang pasilip sa bagong pahayagan ng ating publikasyon ngayong taong panuruan 2025-2026.👀📰 🔥

Ngayong taon, napuno ng mga nakabubusog na artikulo, malilikhaing imahen 📸 🖼️ at larawang guhit ng mga mahuhusay na mga mamamahayag🖌️ang bawat pahina na sumasalamin sa mga balitang nagpapahayag ng kwento ng bawat mag-aaral.

Patuloy nating suportahan ang mga balitang nagbabaga, nag-aALAB at nagliliyab sa pagbasa ng mga laman nito upang maging maalam sa mga balita sa loob at labas ng ating paaralan.🔥🔥🔥



Rewen Joseph Mayuga| Punong Patnugot
Client Mark Candole| Tagapamahala ng FB Page

📖DUNONG NG LINGGO

🖋️✨Mula sa labi ng ninuno
hanggang sa tinta ng panitikan, ang hangarin at pangarap na hinubog ng hininga ng panahon...

🍃Narito na ang salitang umusbong
mula sa ugat ng kahapon,
isinilang sa lakbo ng wika,
hinubog ng hininga ng panahon...

✨📜HIRAYA📜✨
Pangngalan [Noun]
[hi-RAH-ya]

Ang kakayahan ng isipan na lumikha ng mga larawan, ideya, at konseptong hindi pa umiiral sa realidad—bunga ng guniguni at malikhaing pag-iisip ng tao na nagiging pundasyon ng mga pangarap, adhikain, at mga gawaing nagbibigay-daan sa paglikha, pagbabago, at pag-unlad. Isa itong tradisyonal na ekspresyon na may katumbas na kahulugan sa salitang "sana" o sa modernong panahon na "sana all," na umusbong sa henerasyon ng Gen Z. Isa ring palatandaan na ang Hiraya ay nagsisilbing pundasyon ng mga hangarin at dalisay na pangarap, sapagkat, ayon nga sa kasabihan "hindi masamang mangarap." ✨

Kaya kayo Silangians, ano ang kwento ninyo na nagpapakita ng Hiraya?



✍️: Larrilyn Jane G. Dela Cruz
🔎: Prince Naithan H. Baybayon
🖼️: Client Mark R. Candole