Army of Mary

19/08/2026

18/08/2026

Naisipan ni Father na magdasal . 🙏🏻

Father: “Lord, bigyan mo ako ng isang malusog na kambing at ipagbibili ko. Ang pagkakakitaan ay paghahatian natin ng pantay. Kalahati sa 'yo at kalahati sa akin.” 🐐 😌

Laking pagkagulat niya ng pag-uwi niya ay nakakita siya ng malusog na kambing sa harap ng kanyang kombento.
😮
Tinalian niya ito at hinila at kataka-takang hindi ito umalma.

Father: “Ito na nga ang kambing na kaloob ng Diyos" 😁

Kayat dali-dali niya itong dinala sa palengke. Sa daan ay nakakita siya ng isang manok na payatot .

Father: “Ah pwede pa ito ibenta.”😏

Kaya hinuli niya ito at dinala rin sa palengke. Pagdating sa palengke ay nilagyan niya ng presyo ang kanyang mga paninda.

Ang lahat ng nakakita ay tumatawa.
Nakasulat:
Manok = 10,000 pesos, 🫨
Kambing = 20 pesos. 😵

Pero may pahabol na ganito ang sinasabi: "Puwede lang bilhin ang kambing kung bibilhin din ang manok!" 😬

Isang mayaman ang nagkainteres sa kambing kaya't napilitan din itong bilhin ang manok. 💰

Dali-daling bumalik sa simbahan si Father. . Dumukot sa kanyang wallet ng pera. 💨

Father. “Lord... eto na ang parte mo!" At naglabas siya ng 10 pesos at inilaglag sa collection box! Dahil 20 pesos ang benta ko sa kambing na binigay mo.” 🤭

Aral:
Minsan, buong puso tayong humihiling sa Diyos at nangangako na kapag pinagkalooban Niya tayo, gagamitin natin ang biyaya para sa Kanya at sa kapwa. Ngunit kapag dumating na ang tagumpay, pera, posisyon o pagkakataon, nakakalimutan natin ang pangako at inuuna ang sariling interes.

Sa halip na gamitin ito sa tama, minsan ay ginagamit pa natin ang ating kakayahan o katayuan upang manlamang, manloko o mag-take advantage sa iba.

Mas masakit, ginagamit pa minsan ang posisyon, pera o kakayahan upang manlamang at wina-waisan ang Diyos, na para bang maaari nating dayain o lokohin ang Maykapal.

Huwag nating kalimutan na ang lahat ng mayroon tayo ay biyayang ipinagkatiwala lamang sa atin ng Diyos.

Kaya gamitin natin ang ating kayamanan, talento, oras at kakayahan hindi lamang para sa sarili kundi upang makatulong at maging pagpapala sa iba.

Ang tunay na pagpapala ay hindi lamang nasusukat sa kung gaano karami ang ating natanggap, kundi sa kung paano natin ito ginamit nang may katapatan at malasakit.

Sapagkat “ang mapagkakatiwalaan sa maliit na bagay ay mapagkakatiwalaan din sa malaking bagay.” (Lucas 16:10).

Pls follow my page for more reflections:
https://www.facebook.com/PresenceofGodInside0711

16/08/2026

In 1961, during the filming of Barabbas in Italy, the crucifixion scene was captured during a real solar eclipse.

On February 15, the director timed the scene with the moment of total darkness, making it the only crucifixion film scene recorded during an actual eclipse.

The moment gave the scene a striking connection to the Gospels, which describe darkness covering the land during the Crucifixion of Christ.

16/08/2026

Tema: “Kailangan kong ibigay ang katawan ko para mahalin ako.”

Ang katawan ay kaloob ng Diyos—hindi bagay na gagamitin, itatapon, o ipagpapalit. Sa pamamagitan ng kalinisang-puri, natututuhan nating mahalin ang katawan bilang templo ng Diyos at igalang ang dignidad ng bawat tao.

Sa Ebanghelyo ngayong Linggo, lumapit kay Jesus ang isang babaeng Canaanita upang humingi ng kagalingan para sa kaniyang anak. Hindi siya agad pinansin. Tila may katahimikan at distansiya sa pagitan niya at ng Panginoon. Ngunit hindi siya sumuko. Patuloy siyang lumapit, lumuhod, at nagsabi:

“Panginoon, tulungan Mo ako.”

Sa kabila ng tila mahirap na sagot ni Jesus, nanatili siyang may pananampalataya at kababaang-loob. Nakita ng Panginoon ang lalim ng kaniyang pagtitiwala at sinabi:

“O babae, dakila ang iyong pananampalataya.”

Pansinin: hindi tiningnan ni Jesus ang babaeng ito bilang isang istorbo, banyaga, o taong walang halaga. Sa halip, nakita Niya ang kaniyang pagkatao, ang kaniyang pagdurusa, at ang kaniyang pananampalataya. Ang kaniyang katawan at buhay ay hindi disposable—hindi maaaring balewalain o ituring na walang halaga.

Ang salitang “disposable” ay tumutukoy sa isang bagay na ginagamit lamang at pagkatapos ay itinatapon. Ngunit ang tao ay hindi ganoon. Hindi tayo produkto. Hindi tayo kagamitan. Hindi tayo katawan lamang na maaaring gamitin para sa sariling kasiyahan, pagkatapos ay iwanan, pagsisihan, o itago na parang walang dignidad.

Ang katawan ay mahalagang bahagi ng buong pagkatao. Hindi tayo espiritung nakakulong lamang sa katawan. Tayo ay pagkakaisa ng katawan at kaluluwa. Dahil nilikha tayo ng Diyos, ang katawan ay mabuti at dapat igalang; ito rin ay nakatakdang ibangon sa muling pagkabuhay.

Mga tanong sa pagninilay:

• Kapag tinitingnan ko ang sarili kong katawan, nakikita ko ba itong kaloob ng Diyos o bagay na kinaiinisan at ginagamit lamang?
• May mga pagkakataon ba na itinuring ko ang katawan ng iba bilang kasangkapan para sa aking pagnanasa?
• May mga pagkakataon ba na hinayaan kong gamitin ako ng iba dahil sa takot na hindi ako tanggapin o mahalin?
• Naririnig ko ba ang panalangin ng babaeng Canaanita sa sarili kong buhay: “Panginoon, tulungan Mo ako”?

15/08/2026

“Pinagpala ka sa babaeng lahat”

Ang pananalitang “Bukod kang pinagpala sa babaeng lahat” ay hindi lamang isang papuri kay Maria. Ito ay pagkilala sa natatanging biyayang ipinagkaloob sa kanya ng Diyos. Sa kanyang buhay, nakita natin ang isang babaeng buong pusong tumugon sa kalooban ng Diyos—mula sa kanyang “Oo” sa Annunciation hanggang sa kanyang pakikiisa sa pagdurusa, kamatayan, at tagumpay ng kanyang Anak.

Sa Solemnity of the Assumption of the Blessed Virgin Mary, ipinagdiriwang natin ang katotohanang si Maria ay iniakyat sa langit, katawan at kaluluwa, matapos ang kanyang buhay sa lupa. Ang Assumption ay tanda na ang pangako ng Diyos sa mga sumusunod sa Kanya ay hindi nagtatapos sa kamatayan. Sa kay Maria, ipinakita na ng Diyos ang patutunguhan ng isang buhay na ganap na ipinagkatiwala sa Kanya.

Si Maria ay “pinagpala sa babaeng lahat” hindi dahil naging madali ang kanyang buhay. Sa halip, pinagpala siya sapagkat nanatili siyang tapat kahit mahirap ang daan. Tinanggap niya ang isang misyon na hindi niya lubos na nauunawaan. Naranasan niyang maglakbay nang may pangamba, manganak sa payak na kalagayan, tumakas patungong Egypt, at higit sa lahat, tumayo sa paanan ng krus habang pinagmamasdan ang paghihirap ng kanyang Anak.

At pagkatapos ng lahat ng iyon, dumating ang kaluwalhatian.

Ang Assumption ay paalala na ang katapatan ay may hantungan.
Ang luha ay hindi ang huling kabanata.
Ang paghihirap ay hindi ang huling salita.
Ang kamatayan ay hindi ang wakas.

Kay Maria, nakikita natin ang isang buhay na nagsimula sa isang simpleng “Oo, Panginoon” at nauwi sa walang hanggang pakikipag-isa sa Diyos.

Kaya kapag sinasabi natin, “Bukod kang pinagpala sa babaeng lahat,” hindi lamang natin siya pinararangalan. Tinitingnan din natin ang kanyang buhay bilang paanyaya sa atin: Kung magiging tapat din tayo sa Diyos, kahit hindi madali ang ating bokasyon, kahit maraming luha at sakripisyo, may naghihintay ding kaluwalhatian.

Maria, Ina ng Diyos at Ina natin, turuan mo kaming magsabi ng “Oo” sa Diyos tulad mo. Kapag hindi namin nauunawaan ang Kanyang plano, turuan mo kaming magtiwala. Kapag mabigat ang aming krus, turuan mo kaming manatiling nakatayo. At kapag dumating ang aming huling sandali, akayin mo kami patungo sa iyong Anak, upang makasama Ka namin sa kaluwalhatiang ipinangako Niya sa mga nananatiling tapat.

Bukod kang pinagpala sa babaeng lahat, O Maria. At sa iyong Assumption, ipinapaalala mong ang ating tunay na tahanan ay hindi dito sa lupa—kundi sa piling ng Diyos. 🙏🏻💙

Happy Solemnity of the Assumption of the Blessed Virgin Mary!
Mary assumed into Heaven, pray for us. 🌹

15/08/2026

Hindi sinasamba ng mga Katoliko si Maria. Iginagalang natin siya bilang Ina ng Diyos at Ina ng Simbahan, sapagkat siya ang babaeng buong pagpapakumbabang nagsabi ng “oo” sa kalooban ng Diyos.

Ang pagsamba ay para lamang sa Diyos—Ama, Anak, at Espiritu Santo. Ang mga banal naman ay ating pinararangalan dahil sa kanilang buhay na naging huwaran ng pananampalataya at pagsunod sa Diyos.

Kaya naman, tulad nina San Jose at Birheng Maria, iginagalang natin sila hindi bilang kapantay ng Diyos, kundi bilang mga taong buong buhay na naglingkod, sumunod, at nagtiwala sa Kanya.

Ang paggalang kay Maria ay hindi pag-agaw sa lugar ng Diyos. Sa halip, itinuturo tayo ni Maria patungo sa Diyos. Gaya ng sinabi niya sa Cana: “Gawin ninyo ang anumang sabihin niya sa inyo.” (Juan 2:5)

Kay Maria ang paggalang; sa Diyos lamang ang pagsamba.

15/08/2026

15/08/2026

ASCENSION at ASSUMPTION, ano nga ba ang pinagkaiba?