https://www.facebook.com/648027588391825/

Ang Sulong-Sulong, San Jose, Bombon (2026)

25/08/2026

𝗞𝗔𝗟𝗜𝗚𝗧𝗔𝗦𝗔𝗡 𝗡𝗚 𝗞𝗔𝗕𝗔𝗧𝗔𝗔𝗡, 𝗨𝗡𝗔𝗡𝗚 𝗛𝗔𝗞𝗕𝗔𝗡𝗚
𝗢𝗿𝘆𝗲𝗻𝘁𝗮𝘀𝘆𝗼𝗻 𝘀𝗮 𝗔𝗰𝘁𝗶𝘃𝗲 𝗦𝗵𝗼𝗼𝘁𝗲𝗿 𝗥𝗲𝘀𝗽𝗼𝗻𝘀𝗲, 𝗜𝗻𝗶𝗮𝗻𝘂𝗻𝘀𝘆𝗼 𝘀𝗮 𝗙𝗹𝗮𝗴 𝗖𝗲𝗿𝗲𝗺𝗼𝗻𝘆

Pinangunahan ng mga mag-aaral mula sa Ikalawang Baitang ang ginanap na Flag Ceremony nitong ikaapat na linggo ng Agosto, kung saan opisyal na inianunsyo ang nakatakdang oryentasyon para sa simulation ng Active Shooter School Incident Response.

Ang mahalagang pagsasanay na ito ay pamumunuan ni School Disaster Risk Reduction and Management (DRRM) Coordinator Jaycel N. Cea sa pakikipagtulungan ng PNP Bombon, upang magbigay ng sapat na kaalaman at kahandaan sa buong komunidad ng paaralan sa pagresponde sa mga ganitong uri ng emergency at matiyak ang kaligtasan ng bawat isa.

25/08/2026

𝐒𝐄𝐆𝐔𝐑𝐈𝐃𝐀𝐃 𝐀𝐓 𝐊𝐀𝐀𝐘𝐔𝐒𝐀𝐍 | 𝐏𝐚𝐠𝐩𝐚𝐩𝐚𝐤𝐚𝐥𝐚𝐭 𝐧𝐠 𝐓𝐚𝐧𝐨𝐝 𝐬𝐚 𝐒𝐚𝐧 𝐉𝐨𝐬𝐞 𝐚𝐭 𝐒𝐚𝐧 𝐈𝐬𝐢𝐝𝐫𝐨, 𝐈𝐧𝐢𝐡𝐚𝐧𝐚𝐲 𝐧𝐚 𝐏𝐚𝐫𝐚 𝐬𝐚 𝐒𝐞𝐭𝐲𝐞𝐦𝐛𝐫𝐞

Nagsama-sama sa isang mahalagang koordinasyong pagpupulong ang mga Kapitan ng Barangay San Jose at Barangay San Isidro kasama ang Chief Tanod upang pormal na pagkasunduan ang pagpapakalat (deployment) ng barangay tanod na magiging epektibo ngayong Setyembre 1, 2026.

Layunin ng nasabing pag-uusap na tiyakin ang seguridad ng mga mag-aaral at g**o sa paaralan, mas maipatupad nang maayos ang rondahan sa paligid nito, mapalakas ang pagpapanatili ng kapayapaan sa mga karatig-pook, at matugunan agad ang anumang usaping pangkatahimikan sa pagsisimula ng susunod na buwan.

22/08/2026

𝗣𝗔𝗚𝗦𝗔𝗡𝗜𝗕-𝗣𝗪𝗘𝗥𝗦𝗔 𝗦𝗔 𝗣𝗔𝗠𝗔𝗠𝗔𝗛𝗔𝗬𝗔𝗚
𝗧𝗵𝗲 𝗖𝗼𝗹𝗹𝗲𝗴𝗶𝗮𝗻, 𝗻𝗮𝗸𝗶𝗽𝗮𝗴𝘀𝗮𝗻𝗶𝗯-𝗽𝘄𝗲𝗿𝘀𝗮 𝘀𝗮 𝗺𝗴𝗮 𝗺𝗮𝗻𝘂𝗻𝘂𝗹𝗮𝘁 𝗻𝗴 '𝗔𝗻𝗴 𝗦𝘂𝗹𝗼𝗻𝗴-𝗦𝘂𝗹𝗼𝗻𝗴' 𝗮𝘁 '𝗧𝗵𝗲 𝗟𝗲𝗮𝗻𝗶𝗻𝗴 𝗧𝗼𝘄𝗲𝗿' 𝗽𝗮𝗿𝗮 𝘀𝗮 𝗣𝗿𝗼𝗷𝗲𝗰𝘁 𝗧𝗔𝗟𝗨𝗕𝗢

Upang mas palakasin ang kasanayan ng mga batang mamamahayag, nakipagsanib-pwersa ang The Collegian ng Bicol State College of Applied Science and Technology (BISCAST) sa mga manunulat ng Ang Sulong-Sulong at The Leaning Tower, ang mga opisyal na publikasyon ng Bombon Central School para sa isinagawang "Project TALUBO" ngayong Agosto 22 at susundan sa Agosto 29.

Ang naturang pagsasanay o Training for Aspiring Learners to Uphold Basic On-Campus Journalism ay naglalayong linangin ang husay ng mga mag-aaral sa iba't ibang kategorya tulad ng News, Editorial, Feature, Sports, at Science Writing, pati na rin sa Photojournalism, Editorial Cartooning, Copyreading, at Radiobroadcasting.

Sa pamamagitan ng gabay ng mga kasapi ng The Collegian, sumailalim ang mga campus journalists ng dalawang publikasyon sa mga specialized lectures, hands-on workshops, at aktuwal na pagsulat at ebalwasyon ng mga awtput.

Samantala, sa pagtatapos ang dalawang araw na aktibidad ay gagawin ang pagsusuri ng mga nalikhang akda, paggawad ng mga sertipiko,at simulasyon.

Layunin ng gawaing ito na hubugin ang mga mamamahayag na magiging boses at gabay sa paglalahad ng katotohanan at paghahanda na din sa nalalapit ng Press Conference.

22/08/2026

𝐒𝐀𝐘𝐀 𝐀𝐓 𝐊𝐀𝐒𝐀𝐍𝐀𝐘𝐀𝐍
𝟐𝟑 𝐒𝐓𝐀𝐑𝐬𝐜𝐨𝐮𝐭𝐬, 𝐧𝐚𝐤𝐢𝐢𝐬𝐚 𝐬𝐚 𝐆𝐒𝐏-𝐒𝐭𝐚𝐫 𝐑𝐞𝐯𝐞𝐥 𝐬𝐚 𝐑𝐨𝐛𝐢𝐧𝐬𝐨𝐧𝐬 𝐏𝐥𝐚𝐜𝐞 𝐍𝐚𝐠𝐚

Ipinamalas ng 23 Starscouts at limang Troop Leaders ang kanilang sigla at disiplina sa masayang pakikiisa sa GSP-Star Revel at Twinkler Play Day na ginanap sa Robinsons Place Naga ngayong araw, Agosto 22.

Sa pamumuno ni School Star Scout Coordinator Krista Marie C. Callada at sa gabay ng ilang mag-aaral mula sa primary level, naging puno ng saya ang kaganapan sa pamamagitan ng iba't ibang interactive na palaro at kapaki-pakinabang na programa na naglalayong patatagin ang samahan at linangin ang leadership at kakayahan ng mga batang scouts.

22/08/2026

𝗕𝗔𝗚𝗢𝗡𝗚 𝗬𝗨𝗚𝗧𝗢 𝗡𝗚 𝗣𝗔𝗥𝗔𝗡𝗚𝗔𝗟!
𝗚𝗿𝗮𝗱𝗲 𝟰, 𝗡𝗮𝗴𝗵𝗮𝗿𝗶 𝘀𝗮 𝗠𝘂𝘁𝘆𝗮 𝗮𝘁 𝗟𝗮𝗸𝗮𝗻 𝟮𝟬𝟮𝟲; 𝗣𝗮𝗿𝗮𝗻𝗴𝗮𝗹 𝗮𝘁 𝗞𝗼𝗿𝗼𝗻𝗮𝘀𝘆𝗼𝗻, 𝗜𝗱𝗮𝗱𝗮𝗼𝘀 𝘀𝗮 𝗔𝗴𝗼𝘀𝘁𝗼 𝟮𝟳

Buong-tagumpay na idinaos ang una at huling canvassing para sa Mutya at Lakan kung saan opisyal na nasungkit ng mga kinatawan mula sa Ikaapat na Baitang ang itinampok na titulo matapos manguna sa mahigit 52 na kalahok mula Kindergarten hanggang Baitang 6.

Ang malilikom na pondo mula sa naturang aktibidad ay ilalaan para sa mga patuloy na programa ng paaralan, tulad ng pagkukumpuni ng mga sirang pasilidad at ang pagpapataas ng seguridad at kaayusan sa buong kampus.

Samantala, gaganapin naman ang opisyal na gabi ng koronasyon para sa mga nagwaging lakan at mutya ngayong Agosto 27 sa bulwagan ng paaralan upang pormal na ipatong ang korona at parangalan ang kanilang malaking ambag sa buong komunidad.

22/08/2026

𝗕𝗨𝗢𝗡𝗚 𝗦𝗜𝗚𝗟𝗔 𝗔𝗧 𝗛𝗨𝗦𝗔𝗬
𝗕𝗖𝗦 𝗚𝗶𝗿𝗹 𝗦𝗰𝗼𝘂𝘁𝘀, 𝗡𝗮𝗸𝗶𝗶𝘀𝗮 𝘀𝗮 𝗺𝗴𝗮 𝗖𝗼𝗻𝘁𝗲𝘀𝘁 𝘀𝗮 𝟮𝟬𝟮𝟲 𝗚𝗦𝗣 𝗝𝘂𝗻𝗶𝗼𝗿𝘀 𝗚𝗮𝘁𝗵𝗲𝗿𝗶𝗻𝗴 𝘀𝗮 𝗥𝗼𝗯𝗶𝗻𝘀𝗼𝗻𝘀 𝗣𝗹𝗮𝗰𝗲

Buong siglang nakiisa ang mga kasapi ng BCS Girl Scouts, kasama ang kanilang troop leaders, sa ginanap na 2026 GSP Juniors Gathering noong Agosto 16 sa Robinsons Place Naga City.

Ipinamalas ng mga kabataang scouts ang kanilang angking galing at talino sa paglahok sa iba't ibang contest at interactive na aktibidad na naglalayong linangin ang kanilang kakayahan sa pamumuno, disiplina, at pakikipagkapwa-tao.

Naging masigla at makabuluhan ang buong kaganapan habang buong-puso nilang ipinapakita ang kanilang kahandaan at sigasig sa bawat paligsahan upang maitaguyod ang mga mithiin ng Girl Scouts of the Philippines.

17/08/2026

𝗦𝗢𝗥𝗣𝗥𝗘𝗦𝗔 𝗣𝗔𝗚𝗞𝗔𝗧𝗔𝗣𝗢𝗦 𝗡𝗚 𝗠𝗔𝗡𝗖𝗢𝗠
𝗠𝗮𝗶𝗸𝗹𝗶𝗻𝗴 𝗣𝗿𝗼𝗴𝗿𝗮𝗺𝗮 𝘀𝗮 𝗞𝗮𝗮𝗿𝗮𝘄𝗮𝗻 𝗻𝗶 𝗦𝗶𝗿 𝗝𝗼𝗲𝗹

Agad na napalitan ng tawanan at galak ang pormal na kapaligiran sa BCS Conference Hall nang ihain ng mga g**o ang isang sorpresang programa para sa kaarawan ng punong g**o na si G. Joel Claron matapos ang ginanap na School MANCOM Meeting.

Naging mas makabuluhan at masaya ang simpleng pagdiriwang sa personal na pagdalo ni G. Rey G. Avila, ang Tagamasid Pampurok ng Bombon, kasama ang buong kapisanan ng mga g**o na nagpaulan ng mga taos-pusong pagbati.

Samantala, binigyan din ng pagkilala an mga g**o na may Kaarawan din ngayong Agosto at kabila ng maikling oras ng palatuntunan, nag-uumapaw na saya, tawanan, at matibay na samahan ang namayani sa bulwagan habang ipinagdiriwang ng paaralan ang panibagong taon ng buhay ng kanilang pagtuturo at pamumuno.

17/08/2026

𝐏𝐀𝐆𝐃𝐈𝐑𝐈𝐖𝐀𝐍𝐆 𝐀𝐓 𝐓𝐀𝐆𝐔𝐌𝐏𝐀𝐘!
𝐁𝐚𝐢𝐭𝐚𝐧𝐠 𝟏, 𝐩𝐢𝐧𝐚𝐧𝐠𝐮𝐧𝐚𝐡𝐚𝐧 𝐚𝐧𝐠 𝐟𝐥𝐚𝐠 𝐜𝐞𝐫𝐞𝐦𝐨𝐧𝐲; 𝐤𝐚𝐚𝐫𝐚𝐰𝐚𝐧 𝐧𝐠 𝐏𝐮𝐧𝐨𝐧𝐠 𝐆𝐮𝐫𝐨 𝐚𝐭 𝐭𝐚𝐠𝐮𝐦𝐩𝐚𝐲 𝐬𝐚 𝐆𝐢𝐫𝐥 𝐒𝐜𝐨𝐮𝐭𝐬 𝐚𝐭 𝐀𝐋𝐒𝐘𝐌𝐏𝐈𝐂𝐒, 𝐤𝐢𝐧𝐢𝐥𝐚𝐥𝐚

Naging masigla at makabuluhan ang ginanap na flag ceremony noong ikatlong linggo ng Agosto matapos itong pangunahan ng mga g**o mula sa Baitang 1.

Tampok sa nasabing palatuntunan ang pagbibigay-galang at pagkilala sa kaarawan ng Punong G**o na si G. Joel J. Claron, kasama ang iba pang mga g**ong nagdiriwang din ng kaarawan ngayong buwan na sina Teacher Alili, Sir Jay, at Teacher Jean.

Bukod sa pagdiriwang ng kaarawan, binigyang-dangal din sa nasabing pagtitipon ang mga lumahok sa ginanap na Girl Scout gathering noong nakaraang linggo, gayundin ang mga atleta at kalahok sa ALSYMPICS kung saan marami sa kanila ang matagumpay na nag-uwi ng panalo.

Puno ng kagalakan at pagmamalaki na ipinaabot ng buong paaralan ang kanilang mainit na pagbati at pagkilala sa dedikasyon ng mga g**o at tagumpay ng mga mag-aaral.

16/08/2026

𝐒𝐀𝐑𝐈𝐖𝐀𝐍𝐆 𝐀𝐍𝐈, 𝐁𝐔𝐍𝐆𝐀 𝐍𝐆 𝐁𝐀𝐘𝐀𝐍𝐈𝐇𝐀𝐍
𝐁𝐚𝐢𝐭𝐚𝐧𝐠 𝟏 𝐚𝐭 𝟐, 𝐌𝐚𝐬𝐚𝐠𝐚𝐧𝐚𝐧𝐠 𝐏𝐚𝐠-𝐚𝐧𝐢 𝐬𝐚 '𝐆𝐮𝐥𝐚𝐲𝐚𝐧 𝐬𝐚 𝐏𝐚𝐚𝐫𝐚𝐥𝐚𝐧' 𝐬𝐚 𝐓𝐮𝐥𝐨𝐧𝐠 𝐧𝐠 𝐦𝐠𝐚 𝐌𝐚𝐠𝐮𝐥𝐚𝐧𝐠

Masaganang sinimulan ng mga magulang at g**o mula sa Baitang 1 at 2 ang pag-aani ng mga sariwang gulay tulad ng pechay, talong, sili, at okra sa ilalim ng programang Gulayan sa Paaralan.

Naging matagumpay ang unang pag ani ng mga pananim dahil sa walang-sawang suporta at sipag ng mga magulang, na aktibong nakipagtulungan sa pag-aalaga, pagdidilig, at pagpapanatili ng kalinisan ng kanilang grade-level garden plots.

Bukod sa pagbibigay ng masustansyang pagkain para sa kalusugan ng mga bata, ang tagumpay na ito ay nagsisilbing patunay ng matatag na bayanihan at magandang ugnayan sa pagitan ng paaralan at ng mga pamilya sa komunidad.

16/08/2026

𝗞𝗔𝗟𝗜𝗗𝗔𝗗 𝗡𝗚 𝗣𝗔𝗚𝗧𝗨𝗧𝗨𝗥𝗢, 𝗡𝗔𝗞𝗔𝗧𝗨𝗧𝗢𝗞
𝗠𝗮𝘀 𝗣𝗶𝗻𝗮𝗶𝗴𝘁𝗶𝗻𝗴 𝗻𝗮 𝗖𝗹𝗮𝘀𝘀𝗿𝗼𝗼𝗺 𝗠𝗼𝗻𝗶𝘁𝗼𝗿𝗶𝗻𝗴 𝗮𝘁 𝗧𝗲𝗰𝗵𝗻𝗶𝗰𝗮𝗹 𝗔𝘀𝘀𝗶𝘀𝘁𝗮𝗻𝗰𝗲, 𝗜𝘀𝗶𝗻𝗮𝗴𝗮𝘄𝗮 𝗡𝗴𝗮𝘆𝗼𝗻𝗴 𝗔𝗴𝗼𝘀𝘁𝗼

Mas lalong pinaigting ngayong buwan ng Agosto ang buwanang Monitoring and Supervision sa mga g**o upang masig**o ang tuloy-tuloy na pag-angat ng kalidad ng edukasyon sa bawat silid-aralan ng pinangunahan ng Punong g**o na si G. Joel Claron

Sa pamamagitan ng mga obserbasyon sa klase, personal na nabisita ang mga pamamahala sa pagtuturo nina April Sumangid, Maricar Blanco, Jean Javier, Meldy Rio Olitan, Fidel Asiao, at Euzel Mallari.

Layunin ng inisyatibong ito na magkaloob ng direktang teknikal na tulong (technical assistance) sa mga g**o upang lalo pang mapahusay ang kanilang mga estratehiya sa pagtuturo, kasabay ng masusing pagsubaybay sa tunay na antas ng pagkatuto at pag-unlad ng mga mag-aaral.

Ang Sulong-Sulong

25/08/2026

25/08/2026

22/08/2026

22/08/2026

22/08/2026

22/08/2026

17/08/2026

17/08/2026

16/08/2026

16/08/2026

Address

Website

Alerts

Shortcuts

Share

Category

Listing takedown request