19/07/2026
"Lintik na passion 'yan, puro passion, hindi tayo mapapakain ng passion na 'yan!"
Eto ang mga salitang karaniwang naririnig ng mga taong piniling mabuhay sa sining tulad ng mga manunulat, mangangawit, at pintor.
Lintik na passion talaga, parang apoy na nagliliyab sa dibdib.
Kaso... apoy na hindi nakakapagluto ng pagkain.
Kaya kahit pa ilang beses nilang sabihin na gawin ang gusto, magdadalawang-isip ka talaga kasi paano kung nais kong mabuhay na may pera?
Siguro nga, hindi talaga ako mapapakain ng lintik na passion na 'yan.
Pero hindi naman siguro masamang mabusog tuwing nakakarinig ako ng mga simpleng salita tulad ng "ang ganda" o "ang galing mo" tuwing may nakakakita ng mga likha ko, hindi ba?
Kaya at the end of the day, hindi man ako mapakain ng lintik na passion na 'yan, ipagpapatuloy ko parin.
Dahil ayos lang kung hindi busog ang aking tiyan at bulsa, basta busog ang aking kaluluwa.
At ayun lang ang nakikitang kong dahilan para bumangon at lumaban sa buhay.
—Knite
