23/06/2026
FYI
MAHALAGANG PAALALA: ALAMIN ANG MGA DAPAT GAWIN KUNG MAY SCHOOL VIOLENCE (LOCKDOWN)
Walang puwang ang karahasan sa ating mga paaralan. Ngunit sa oras na hindi inaasahang banta sa seguridad ng lahat o school violence, mahalagang handa, kalmado, at alerto ang bawat g**o at mag-aaral upang matiyak ang kaligtasan ng lahat.
Narito ang 9 na Hakbang sa Pag-Lockdown na dapat nating tandaan at isapuso:
1️⃣ Maging Alerto - Kung may nakitang away, barilan o anumang banta, agad na ipaalam sa pinakamalapit na g**o.
2️⃣ Pakinggan ang Anunsyo - Sundin agad ang anunsyo ng g**o o school personnel. Huwag magtanong. Huwag magpaloko.
3️⃣ Pumasok at Mag-Lockdown - Pumasok o manatili sa loob ng silid-aralan. Isara, at i-lock ang pinto. Harangan kung maari gamit ang mesa o upuan.
4️⃣ Manatiling Tahimik at Huwag Makialam - Manatiling tahimik. Huwag sumigaw, tumakbo, at huwag lumabas. Huwag makialam sa nangyayari sa labas.
5️⃣ Manatiling Nakatago at Lumayo sa Bintana - Lumayo sa pinto, bintana at labas ng silid. Yumuko o magtago sa ligtas na lugar.
6️⃣ Wag Gamitin ang Cellphone Maliban kung Kailangan - Huwag mag-video o mag-post. Manatiling tahimik at huwag makipag-ugnayan maliban kung inutusan ng g**o o pulis.
7️⃣ Maghintay ng Utos - Manatiling kalmado at hintayin ang karagdagang anunsyo ng g**o o mga awtoridad.
8️⃣ Ligtas na Paglabas - Kapag sinabing ligtas na, lumabas nang maayos, nakapila, at sumunod sa g**o.
9️⃣ Mag-ulat at Mag-ingat para sa Lahat - Ipaalam sa g**o ang nakita o nalaman. Tandaan, ang kaligtasan ng lahat ay responsibilidad nating lahat!
Magkasama tayo. Maging matalino. Manatiling ligtas.
Ibahagi ang impormasyong ito sa ating mga kasamahang g**o, magulang, at mga mag-aaral. Ang kahandaan ay susi sa ligtas na paaralan!
