DYCI - College of Education

Magandang Buhay! 🌿

Narito ang TALASALITAAN #18

SALUMPUWIT (Pangngalan)
Kahulugan: Upuan

Ang salitang "salumpuwit" ay tumutukoy sa isang upuan. Ito ay hango sa salitang "salo", o tagasalo ng likuran o hulihan. Ang salitang ito ay madalang na gamitin dahil sa mga katumbas nitong mga salitang Espanyol na "silya" o "bangko".

Bilang mga g**o, tayo ang aasahan sa loob ng silid-aralan. Trabaho nating ayusin ang mga upuan at linisin ang mga silid, at kailangan nating maging ligtas na malalapitan at masasandalang mga g**o ng ating mga mag-aaral. Dahil kailangan nating tila maging salumpuwit sa kabila ng pagod na kanilang haharapin upang mapanatiling angkop ang ating mga silid at sarili para sa kanilang pag-aaral.

💬 Ikaw, paano mo gagamitin ang salitang “salumpuwit” sa isang pangungusap? Ibahagi ang iyong sagot sa comment section!

Magandang Buhay! 🌿

Narito ang TALASALITAAN #17

ORAGON (Bicol, pang-uri)
Kahulugan: Matapang, mahusay, o kahanga-hanga

Ang salitang "oragon" ay isang Bicolanong alitang tumutukoy sa pagiging matapang, mahusay, o kahanga-hanga ng isang tao. Ito ay may kasaysayan din sa gamit ng mga Espanyol, ngunit binago at isinapuso na ito upang magamit sa mas angkop na konotasyon. Ito ngayon ay sumasalamin na sa katatagan sa harap ng problema, at sa galing at dunong na mayroon ang isa.

Bilang mga g**o, marami tayong mga mag-aaral na makakasalamuha at tuturuan. May iba na ang galing ay labis na maipapakita sa loob ng silid, ngunit may iba rin na hindi pa lubos na nahuhubog ang kanilang mga talento. Trabaho natin bilang mga g**o na maniwala sa kahusayan ng ating mga mag-aaral, at maging instrumento na bubuo lalo upang sila'y mas maging oragon na mga mag-aaral.

💬 Ikaw, paano mo gagamitin ang salitang “oragon” sa isang pangungusap? Ibahagi ang iyong sagot sa comment section!

Magandang Buhay! 🌿

Narito ang TALASALITAAN #16

GUGMA (Bisaya, pangngalan)
Kahulugan: Pagmamahal

Ang salitang "gugma" ay isang salitang Bisaya na nangangahulugang pagmamahal. Tulad lamang ng ating salitang "mahal", ito ay nagpapakita ng malapit na damdamin para sa kapwa, o sa matibay na pagbuklod ng isang samahan, kaibigan, pamilya, o kabiyak.

Bilang mga g**o, importanteng mayroon tayong pagmamahal sa pagtuturo na nakaugat sa ating puso't isip. Kailangan matutunan nating mahalin ang ating propesyon, at mahalin ang paghahangad ng kaalaman bago natin simulang mahalin at maging pangalawang magulang sa ating mga mag-aaral. Ipakita natin ang ating gugma sa pagiging g**o, at simulan nang magbago para sa ating hinaharap.

💬 Ikaw, paano mo gagamitin ang salitang “gugma” sa isang pangungusap? Ibahagi ang iyong sagot sa comment section!

Magandang Buhay! 🌿

Narito ang TALASALITAAN #15

SUGID (Pandiwa)
Kahulugan: Pagpapahayag o pagbabahagi ng isang karanasan o damdamin.

Ang salitang "sugid" ay tumutukoy sa pagpapahayag ng isang karanasan o damdamin. Ito ay ang pagkukuwento ng isang pangyayari para sa paglalahad ng impormasyon, pag-amin sa isang bagay, o simpleng pagbabahagi lamang tungkol sa isang bagay.

Bilang mga g**o, tayo ang pakikinggan ng ating mga mag-aaral tungkol sa iba't ibang mga paksa. Tayo ang magbubukas sa kanilang mga isip tungkol sa mga bagay at balita. Kaya kailangan natin siguraduhin na anumang isusugid natin sa ating mga mag-aaral ay naglalaman ng katotohanan at birtud na makatutulong sa kanilang paglalakbay.

💬 Ikaw, paano mo gagamitin ang salitang “sugid” sa isang pangungusap? Ibahagi ang iyong sagot sa comment section

CONGRATULATIONS TO OUR FUTURE EDUCATORS!

As one College of Education family, let us all honor and congratulate our Via Ad Sapientiam - President's Listers for the 2nd Semester of A.Y. 2025-2026!

Throughout your student journey, you have all reflected what is expected of a true teacher, to be strong in rough patches, to be wise in times of crisis, and to stay determined despite everything. And in your sacrifice, all of you have proven that you are indeed worthy of excellence.

May you continue to serve as an example of greatness for all learners, and may you be the shining light that shapes the future of your future students.

From all of our department's students and teachers, we congratulate you all in this massive achievement.

Magandang Buhay! 🌿

Narito ang TALASALITAAN #14

MARAHUYO (Pandiwa)
Kahulugan: Nabighani o lubos na naakit

Ang salitang "marahuyo" ay nangangahulugang nabighani o lubos na pagkaakit. Ito ay ang malalim na pagkahumaling ng isang tao para sa isang bagay o tao, dulot ng matinding pagnanais o engganyong makuha o makita ito. Ito rin ay maaaring tumukoy sa pagkabighani ng isang tao sa mga bagay na kaakit-akit sa kaniya.

Bilang mga g**o, trabaho nating mapanatiling masaya at kaakit-akit ang ating mga leksyong ituturo sa ating mga mag-aaral. Kailangan nating ipakita sa kanila na hindi lamang ang mga aral ang makukuha nila sa atin, ngunit ang kasiyahan at kasabikan na maaari ring makuha sa kanilang pag-aaral. Tandaan natin na bilang mga g**o, sana ay tayo ang maging daan na marahuyo ang ating kabataan sa pag-aaral.

💬 Ikaw, paano mo gagamitin ang salitang “marahuyo” sa isang pangungusap? Ibahagi ang iyong sagot sa comment section!

Magandang Buhay! 🌿

Narito ang TALASALITAAN #13

DALUMAT (Pangngalan)
Kahulugan: Malalim na pag-unawa o konsepto

Ang salitang "dalumat" ay tumutukoy sa malalim na pag-unawa o pagkokonsepto ng isang bagay sa pamamagitan ng malalim na repleksyon. Ito ay ang paglilirip o panghihiraya ng kritikal at replektibo, upang masuri ang isang kaisipan o konsepto.

Bilang mga g**o, tayo ay inaasahang maging kritikal sa mga itinuturo at sinasabi natin sa harap ng ating mga mag-aaral. Ganoon din, ang maging replektibo sa paraan ng ating pagtuturo. Sapagkat mahalaga na magkaroon tayo ng dalumat na pag-iisip upang matiyak na ang kaalamang naibabahagi natin sa ating mga mag-aaral ay nagdudulot sa kanila ng malalim na pag-unawa sa mga aralin.

💬 Ikaw, paano mo gagamitin ang salitang “dalumat” sa isang pangungusap? Ibahagi ang iyong sagot sa comment section!

Magandang Buhay! 🌿

Narito ang TALASALITAAN #12

DUNGOG (Cebuano, pangngalan)
Kahulugan: Reputasyon

Ang salitang Cebuano na "dungog" ay nangangahulugang reputasyon o karangalan ng isang tao o grupo. Ito ay ang pagiging prestihiyoso ng isang tao o grupo dala-dala ng kanilang mga tagumpay o impluwensiya sa iba. Maaari rin itong gamiting pandiwa na katumbas ng salitang "narinig".

Bilang mga g**o, natural lamang na mataas ang inaasahan ng mga tao sa atin. Dahil ang mga g**o ay may reputasyong maging matalino, may sapat na kaalaman, at may kamalayan sa mga nangyayari sa ating lipunan. Kaya dahil dito, tayo ang inaasahang magtuturo sa mga kabataan. Kinakailangan nating mapanatili ang mataas na dungog na dala ng pagiging g**o upang turuan sila ng mga leksyon na magdadala sa kanila sa mabuting hinaharap.

💬 Ikaw, paano mo gagamitin ang salitang “dungog” sa isang pangungusap? Ibahagi ang iyong sagot sa comment section!

Happy Birthday to our Vice Governor, Kyla Nicole Ejoc Sescon🎉

On this day, we honor our dutiful Vice Governor who have led us behind the scenes throughout the many hardships our organization has faced, and have guided our department to greater heights. We hope you continue your journey as one of our student leaders, and we wish you keep on thriving here in DYCI.

Thank you for your service, and a happy birthday to you!

Magandang Buhay! 🌿

Narito ang TALASALITAAN #11

TAGHOY (Pangngalan)
Kahulugan: Pagtangis o pag-iyak

Ang salitang “taghoy” ay tumutukoy sa pagtangis ng dalamhati sa pag-iyak o pagdaing dahil sa matinding pighati. Ito ay hindi lamang pag-iyak, ngunit ito ay nagpapakita ng malalim na emosyon na dala-dala ng matinding sakuna o hinanakit ng damdamin.

Bilang mga g**o, kailangang kilalalanin natin maigi ang ating mga mag-aaral, di lamang upang malaman kung papaano silang tuturuan ng wasto, ngunit upang tayo’y maging ligtas na mapagsasabihan ng ating mga estudyante. Ang mabuting g**o ay hindi nagbubulag-bulagan sa taghoy ng kaniyang mga mag-aaral.

💬 Ikaw, paano mo gagamitin ang salitang “taghoy” sa isang pangungusap? Ibahagi ang iyong sagot sa comment section!