103.3 Radyo Bandera Bislig

103.3 Radyo Bandera Bislig RADIO BANDERA BISLIG, OLD BOWLING ALLEY , ESTRELLA BUILDING, BOGAC DISTRICT, MANGAGOY, BISLIG CITY.

ATM
09/10/2026

ATM

08/10/2026

KURYENTE SA LINGIG, TAGBINA UG UBANG LUGAR, PUTLON KARONG SABADO; PUBLIKO, GIPAANDAM SA SURSECO-I!

GIPAHIMANGNOAN ang mga residente sa pipila ka lugar sa Surigao del Sur nga adunay gikatakdang pagputol sa suplay sa kuryente karong Sabado, Oktubre 10, 2026, tungod sa nagkadaiyang maintenance ug construction activities sa Surigao del Sur Electric Cooperative Incorporated o SURSECO-I.

Sumala sa public advisory, magsugod alas-8 sa buntag hangtod alas-5 sa hapon ang power interruption sa Feeder 10, nga moapekto sa Marca Hill paingon sa Lawigan, Labisma, Pamaypayan, San Jose ug sa tibuok lungsod sa Lingig.

Kini tungod sa pag-ilis sa mga daan ug nagkadaot nang poste sa kuryente sa Km. 3, Tabon ug Paradise sa Lingig.

Samtang, alas-9 sa buntag hangtod alas-5 sa hapon ang posibleng pagkawala sa kuryente sa bahin sa Barangay Burboanan, tungod sa bayanihan right-of-way clearing activity.

Aduna usab gikatakdang power interruption sa Poblacion, Tagbina, gikan alas-6 hangtod alas-8 sa buntag alang sa pagtukod sa tapping point sa primary line extension padulong sa Tagbina New Municipal Gym.

Gipasabot sa SURSECO-I nga gibanabana lamang ang mga oras sa power interruption ug mahimong mausab depende sa dagan sa mga trabaho ug sa aktuwal nga pagbalik sa suplay sa kuryente.

Tungod niini, giawhag ang mga residente ug mga establisemento sa apektadong lugar nga mag-andam daan, ilabina kadtong nagsalig sa kuryente sa ilang negosyo, trabaho ug adlaw-adlaw nga panginahanglan.

Pahimangno sa publiko: I-charge daan ang mga cellphone ug emergency lights, siguroha ang kaluwasan sa mga pagkaon nga kinahanglan og refrigeration, ug andama ang mga alternatibong pamaagi sa suga ug komunikasyon.

Alang sa dugang detalye, ang publiko mahimong mosubay sa opisyal nga mga pahibalo sa SURSECO-I.

SOURCE: SURSECO-I Public Advisory

Update : MINING MANAGER SA CARRASCAL, SURIGAO DEL SUR, GIPUSIL-PATAY; KAPULISAN , GIPALAWMAN PA ANG IMBESTIGASYONNagpada...
05/10/2026

Update : MINING MANAGER SA CARRASCAL, SURIGAO DEL SUR, GIPUSIL-PATAY; KAPULISAN , GIPALAWMAN PA ANG IMBESTIGASYON

Nagpadayon ang imbestigasyon sa kapulisan sa pagpatay sa usa ka mining manager sa Carrascal, Surigao del Sur, aron matubag ang dakong pangutana—kinsa ang responsable ug unsa ang tinuod nga motibo sa krimen

Ang biktima giila nga 48-anyos nga si Philip Engbino, manager sa Strong Group Mining Corporation o SGMC, nga temporaryong nagpuyo sa compound sa kompanya sa Purok Kaayongan, Barangay Adlay

Nakaplagan ang iyang patay’ng lawas pasado alas-sais sa buntag sa national highway sa Barangay Bacolod
sa lugar, nakit-an usab ang puting pick-up nga gipanag-iya sa mining company, nga adunay marka sa pinusilan sa windshield, ilabina sa bahin sa driver

Base sa inisyal nga police investigation, gitan-aw karon ang timeline sa mga panghitabo human migawas si Engbino sa compound sa kompanya pasado alas-4:34 sa hapon sa miaging adlaw

Sumala sa rekord sa kompanya, si Engbino mismo ang nagmaneho sa sakyanan sa paggawas niini sa Gate 2

Usa usab sa gitan-aw sa mga imbestigador mao ang mga naunang insidente diin giingong nakiglalis ang biktima sa pipila ka empleyado sa kompanya, human sa pagkunhod o pagputol sa ilang mga benepisyo

Apan gipasiugda sa kapulisan nga wala pa kini mahimong kumpirmadong motibo sa pagpatay, ug wala pa usab mailhe ang responsable sa pagpamusil

Kasamtangan, gisubay sa mga imbestigador ang posibleng mga saksi, CCTV footage, mga rekord sa kompanya ug uban pang forensic evidence aron matukod ang eksaktong nahitabo gikan sa paggawas ni Engbino hangtod sa pagkakaplag sa iyang lawas

Hangtud ning panahuna, wala pay gipagawas sa kapulisan nga pinal nga motibo ug wala pa usab napanganli ang suspek

Panawagan sa kapulisan sa mga nakakita o adunay impormasyon kabahin sa insidente, nga makig-coordinate kanila, ang bisan unsang impormasyon mahimong importante aron masulbad ang kaso ug mapanubag ang responsable sa pagpatay.

pctto

CONSUMER WELFARE MONTH, GISUGDAN NA SA DAKBAYAN SA BISLIG BISLIG CITY — Pormal nang gisugdan ning bulan sa Oktubre ang ...
02/10/2026

CONSUMER WELFARE MONTH, GISUGDAN NA SA DAKBAYAN SA BISLIG

BISLIG CITY — Pormal nang gisugdan ning bulan sa Oktubre ang Consumer Welfare Month Celebration dinhi sa Bislig City, isip pahinumdom sa publiko sa kahinungdanon sa pagkahibalo, pagkamatngon ug pagkaresponsableng konsumidor

Dili lang kay mamalit ang usa ka konsumidor apan aduna usab siyay katungod nga maprotektahan, mahatagan ug hustong impormasyon, ug makadawat ug produkto ug serbisyo nga luwas ug patas ang presyo

Sa maong selebrasyon, gihatagan ug gibug-aton ang panawagan nga mahimong “wise buyer” ang mga Bisliganon diin, susihon una ang presyo, kalidad ug impormasyon sa produkto sa dili pa mopalit, ug dili mahadlok nga mosumbong kung adunay makita nga paglapas sa katungod sa konsumidor

Importante usab ang papel sa mga negosyante sa pagmintinar sa patas ug transparent nga merkado, diin maprotektahan ang interes sa konsumidor samtang girespeto usab ang lehitimong negosyo

Ang DTI, isip usa sa mga ahensiya nga adunay mandato sa consumer protection, nagpatuman sa mga balaod batok sa substandard nga produkto, unfair trade practices ug dili makatarunganong presyo

Ang Consumer Welfare Month, nagadasig sa publiko nga ang kahibalo usa ka proteksyon, kay sa matag pamalit, dili lang kwarta ang atong gigasto apil usab niini ang atong katungod, kaluwasan ug kaayohan isip konsumidor.

ELDERLY FILIPINO WEEK, GISUGDAN SA BISLIG CITYBISLIG CITY — Pormal nang giablihan kagahapong adlawa ang Elderly Filipino...
02/10/2026

ELDERLY FILIPINO WEEK, GISUGDAN SA BISLIG CITY

BISLIG CITY — Pormal nang giablihan kagahapong adlawa ang Elderly Filipino Week Celebration sa Bislig City, diin usa ka kalihokan nga naghatag og dakong pagtagad ug pagpasidungog sa mga senior citizen nga nahimong kabahin sa pagtukod ug paglambo sa komunidad

Dili lamang sila mga tigulang nga nanginahanglan ug pag-atiman—sila usab mga ginikanan, lolo ug lola, mga magtutudlo sa kinabuhi, ug mga saksi sa daghang kausaban sa atong katilingban

Sa opening ceremony, gipasiugda ang kamahinungdanon sa paghatag ug respeto, proteksyon, pag-atiman ug mga oportunidad alang sa senior citizens aron magpabilin silang aktibo ug produktibo sa komunidad

Gidasig usab ang mga pamilya ug komunidad nga dili pasagdan ang atong mga katigulangan, ilabina sa ilang panglawas, seguridad ug emosyonal nga panginahanglan

Ang pag-atiman sa atong mga senior citizen dili lang obligasyon, apan usa kini ka pagpasalamat sa ilang mga sakripisyo ug kontribusyon nga nahatag alang sa sunod nga henerasyon

Lantawa: BASTE DUTERTE, GIDEKLARANG HOSTILE WITNESSGideklarang “hostile witness” sa Senate impeachment court si Davao C...
29/09/2026

Lantawa: BASTE DUTERTE, GIDEKLARANG HOSTILE WITNESS

Gideklarang “hostile witness” sa Senate impeachment court si Davao City Mayor Sebastian “Baste” Duterte atol sa impeachment trial ni Vice President Sara Duterte karong Setyembre 29, 2026

Sumala sa ruling ni Senate Impeachment Court Presiding Officer Sen. Francis “Chiz” Escudero, napamatud-an sa prosecution ang adverse interest ni Mayor Baste

Lakip sa ilang gipunto ang iyang relasyon sa bise presidente, mga nangaging pahayag bahin sa impeachment case, ug ang kamatuoran nga mitunga siya tungod sa subpoena sa korte

Isip hostile witness, mas dako ang latitude sa prosecution sa ilang pagpangutana kang Baste, ilabina sa mga isyu nga may kalabotan sa GenCorp Industries ug sa Article II sa impeachment complaint nga naghisgot sa alegasyon sa unexplained wealth batok kang VP Sara,

Si Baste padayong nagtestigo atubangan sa impeachment court karong adlawa.

VICE MAYOR CEJOCO, NANGULO SA MINDANAO DELEGATES SA TRAINING SA SOUTH KOREAUsa ka dakong dungog alang kang Bislig City V...
29/09/2026

VICE MAYOR CEJOCO, NANGULO SA MINDANAO DELEGATES SA TRAINING SA SOUTH KOREA

Usa ka dakong dungog alang kang Bislig City Vice Mayor Atty. Conrad C. Cejoco ang pagserbisyo isip Head of Delegation sa mga delegado gikan sa Mindanao nga miapil sa training sa South Korea

Ang maong training nagtutok sa Capacity Building for Mindanao Development on Sustainable Regional Development, diin gitun-an ang mga pamaagi ug estratehiya alang sa mas lig-on, organisado ug malungtarong pagpalambo sa mga komunidad

Alang sa Bise Mayor , dili lang kini oportunidad nga makakat-on, kundili usa usab ka higayon nga makigbinayloay ug kahibalo ingon man kasinatian sa ubang mga delegado, ug madala ang mga maayong ideya balik sa Mindanao

Isip usa ka Bisliganon ug lider sa lokal nga kagamhanan, dala niya ang tumong nga ang mga nakat-onan sa maong international training mahimong makatampo sa mas maayong serbisyo ug malungtarong kalamboan sa Dakbayan sa Bislig ug sa tibuok Mindanao.

photo credit to Atty VM Conrad Cejoco

Para sa mga gustong lumigaya at magpaligaya! BIRAMAX ADULT COFFEE... BIRA TO THE MAX!
28/09/2026

Para sa mga gustong lumigaya at magpaligaya!

BIRAMAX ADULT COFFEE... BIRA TO THE MAX!

LANTAWA : BSKE, GI-POSTPONE SA 2028 NA!Gipirmahan na ni Presidente Ferdinand Marcos Jr. ang Republic Act No. 12326 nga n...
25/09/2026

LANTAWA : BSKE, GI-POSTPONE SA 2028 NA!

Gipirmahan na ni Presidente Ferdinand Marcos Jr. ang Republic Act No. 12326 nga nag-postpone sa Barangay ug Sangguniang Kabataan Elections

November 13, 2028 na ipahigayon ang sunod regular nga BSKE, imbes nga 2026

Gitakda usab sa bag-ong balaod nga lima na ka tuig ang termino sa barangay ug SK officials.

BPOC UG BADAC SA MANGAGOY, NAGTIGOM ALANG SA KALINAW UG KAHAPSAY SA BARANGAYNagtigom ang Barangay Peace and Order Counci...
24/09/2026

BPOC UG BADAC SA MANGAGOY, NAGTIGOM ALANG SA KALINAW UG KAHAPSAY SA BARANGAY

Nagtigom ang Barangay Peace and Order Council o BPOC ug Barangay Anti-Drug Abuse Council o BADAC sa Barangay Mangagoy, Bislig City, aron hisgutan ang mga lakang alang sa pagpalig-on sa kalinaw, kahapsay ug pagbatok sa illegal nga droga sa komunidad

Gipunting sa tigum ang pagpalig-on sa koordinasyon tali sa barangay officials, kapulisan, mga nagkadaiyang ahensya ug mga residente, ilabi na sa pag-monitor sa peace and order concerns ug pagpatuman sa mga programa batok sa drug abuse

Gipasiugda usab ang importansya sa partisipasyon sa komunidad, tungod kay ang pagmintinar sa malinawon ug luwas nga barangay dili lamang responsibilidad sa mga awtoridad, kundili usa ka hiniusang buluhaton sa tanang katawhan

Pinaagi sa padayon nga koordinasyon ug preventive programs, gilauman nga mas mapalig-on pa ang Barangay Mangagoy isip luwas, malinawon ug drug-free nga komunidad.

Address

Bislig
8311

Website

Alerts

Be the first to know and let us send you an email when 103.3 Radyo Bandera Bislig posts news and promotions. Your email address will not be used for any other purpose, and you can unsubscribe at any time.

Shortcuts

Share