14/11/2021
๐๐๐ฆ๐๐๐๐ก | ๐๐ฒ๐ฝ๐๐ฑ, ๐ฝ๐ถ๐ป๐ฎ๐ป๐ด๐ฎ๐น๐ฎ๐ป๐ฎ๐ป ๐ฎ๐ป๐ด ๐ญ๐ฌ๐ฌ ๐ฝ๐ฎ๐บ๐ฝ๐๐ฏ๐น๐ถ๐ธ๐ผ๐ป๐ด ๐ฝ๐ฎ๐ฎ๐ฟ๐ฎ๐น๐ฎ๐ป ๐ฝ๐ฎ๐ฟ๐ฎ ๐๐ฎ ๐ฝ๐ถ๐น๐ผ๐ ๐ณ๐ฎ๐ฐ๐ฒ-๐๐ผ-๐ณ๐ฎ๐ฐ๐ฒ ๐ฐ๐น๐ฎ๐๐๐ฒ๐ ๐๐ฎ ๐ก๐ผ๐ฏ๐๐ฒ๐บ๐ฏ๐ฟ๐ฒ ๐ญ๐ฑ
Nobyembre 12, 2021 โ Noong Miyerkules, pormal na inihayag ng Kagawaran ng Edukasyon (DepEd) ang 100 pampublikong paaralan sa buong bansa na lalahok sa paunang implementasyon ng limitadong face-to-face classes simula sa Nobyembre 15.
โAll set na for November 15. Nabuo na natin โyong 100 public schools at binubuo na ngayon ang 20 private schoolsโฆ Nakuha natin ang consent ng local governments. Ni-require din natin na ang mga parents ay dapat magbigay ng kanilang written consent,โ ani Kalihim ng DepEd Leonor Magtolis Briones sa Laging Handa Public Briefing.
Base sa pinakabagong impormasyon sa Field Operations strand ng DepEd, mayroong 10 lalahok na mga paaralan mula sa Ilocos Region, 10 mula sa Central Luzon, lima mula sa CALABARZON, at siyam mula Bicol Region.
Samantala, tatlong pampublikong paaralan mula Western Visayas ang lalahok sa pilot implementation, walo mula Central Visayas, at 10 paaralan mula Eastern Visayas.
Sa kabilang banda, kakatawanin ang Zamboanga Peninsula, ng walong pampublikong paaralan, 10 mula Northern Mindanao, walo mula Davao Region, lima mula SOCCSKSARGEN, at 14 mula CARAGA.
Dinagdag ni Kalihim Briones na si Pangalawang Kalihim at Chief of Staff Nepomuceno Malaluan ang personal na nangangasiwa sa mga paghahanda sa implementasyon, dalawang linggo bago magsimula ang pilot stage.
Habang binibigyang-diin sa shared responsibility framework, sinig**o ni Briones sa publiko na ang Kagawaran, sa tulong ng mga lokal na pamahalaan, mga pambansang ahensya ng gobyerno, at mga lokal na stakeholders, ay magiging strikto sa pagpapatupad ng mga health and safety measures na itinakda para sa pilot.
โKami naman, for our part sa DepEd, ini-inspect namin ang mga napipiling eskwelahan na kailangang handa ang facilities, masisig**o ang social distancing, mayroong tubig at gamot, at malapit sa health stations,โ ani Kal. Briones.
Dagdag pa rito, sinabi ni Briones na ang DepEd ay may mataas na bilang ng nabakunahan na mga school staff sa buong bansa, kasama rito ang mga g**o at kawani ng mga lalahok na paaralan.
โVery high ang vaccination status. Napakataas kasi summer pa, wala pa iyong approval ng President [for face-to-face], ay sinabihan na namin ang aming teachers na makikilahok sila,โ aniya.
Iniulat din ng Kawaksing Kalihim ng DepEd at National Academy of Sports Malcolm Garma na ang pinal na listahan ng mga pribadong paaralan ay kasalukuyan pang pinoproseso, at 57 na mga aplikante ay nasa ebalwasyon pa. Ang ahensya ay maglalabas ng opisyal na listahan ng mga pribadong paaralan sa Nobyembre 15.
[Full article (English): https://www.deped.gov.ph/2021/11/12/deped-names-100-public-schools-for-pilot-face-to-face-classes-on-november-15/]
