11/09/2025
Wikang Filipino Daan sa Pagkakaisa!
Ipinagdiwang ng Paaralang Elementarya ng Adoyunan ang Buwan ng Wika na may temang "Paglinag sa Filipino at Katutubong Wika: Makasaysayan sa Pagkakaisa ng Bansa" noong ika-22 ng Agosto 2025.
Naging makabuluhan at makulay ang pagdiriwang na ito dahil ipinamalas ng mga mag-aaral ang kani-kanilang talento at kakayahan sa iba't ibang larangan tulad ng pagsasadula, sabayang pagbigkas, pagbigkas ng tula, pag-awit ng mga awiting makabansa, at pagsayaw. Tinalakay din ni Gng. Lenie C. Olangcay na punong tagapagsalita ang mga pangyayaring nagbunsod para magkaroon ng Wikang Pambansa ang Pilipinas. Sinundan ito ng pagkakaroon ng quiz bee. Si Noriel O. Molintas ang nanalo sa Key Stage 1 at ang mga mag-aaral sa ikalimang baitang sa Key Stage 2.
Layunin ng gawaing ito na mahikayat ang mga mag-aaral na linangin ang kahusayan sa wika at panitikan, mapalalim ang pagpapahalaga sa kulturang Pilipino at sa wikang Filipino. Hinikayat ng mga g**o ang mga mag-aaral na palaging gamitin ang wikang Filipino sa pakikipagtalastasan.
