https://www.facebook.com/101691455042905/

𝚃𝚑𝚎 𝚃𝙲𝙲 𝚂𝚙𝚎𝚌𝚝𝚛𝚞𝚖, Trapiche 1, Tanauan City, Batangas (2026)

05/09/2026

🎥 𝐁𝐀𝐋𝐈𝐊𝐀𝐍 | 𝐁𝐈𝐍𝐈𝐁𝐈𝐍𝐈 𝐀𝐓 𝐆𝐈𝐍𝐎𝐎𝐍𝐆 𝐓𝐂𝐂 𝟐𝟎𝟐𝟔: 𝐈𝐒𝐀𝐍𝐆 𝐆𝐀𝐁𝐈𝐍𝐆 𝐇𝐈𝐍𝐃𝐈 𝐌𝐀𝐋𝐈𝐋𝐈𝐌𝐔𝐓𝐀𝐍! 👑✨

Noong 𝐀𝐠𝐨𝐬𝐭𝐨 𝟐𝟖, 𝟐𝟎𝟐𝟔, naging tampok ang 𝐤𝐚𝐠𝐚𝐧𝐝𝐚𝐡𝐚𝐧, 𝐤𝐮𝐦𝐩𝐢𝐲𝐚𝐧𝐬𝐚, 𝐭𝐚𝐥𝐞𝐧𝐭𝐨, at 𝐤𝐚𝐫𝐢𝐬𝐦𝐚 ng mga natatanging kandidato sa 𝐁𝐢𝐧𝐢𝐛𝐢𝐧𝐢 𝐚𝐭 𝐆𝐢𝐧𝐨𝐨𝐧𝐠 𝐓𝐂𝐂 𝟐𝟎𝟐𝟔!

Mula sa kanilang makukulay na pagpapakilala hanggang sa mga nakakabilib na pagtatanghal at makabuluhang sagutan, ipinakita ng bawat kandidato na ang tunay na korona ay hindi lamang nasusukat sa panlabas na anyo, kundi sa 𝐭𝐚𝐩𝐚𝐧𝐠, 𝐭𝐚𝐥𝐢𝐧𝐨, 𝐩𝐞𝐫𝐬𝐨𝐧𝐚𝐥𝐢𝐝𝐚𝐝, at 𝐩𝐮𝐬𝐨𝐧𝐠 𝐡𝐚𝐧𝐝𝐚𝐧𝐠 𝐦𝐚𝐠𝐛𝐢𝐠𝐚𝐲-𝐢𝐧𝐬𝐩𝐢𝐫𝐚𝐬𝐲𝐨𝐧.

Isang gabing puno ng 𝐬𝐚𝐲𝐚, 𝐤𝐚𝐛𝐚, 𝐩𝐚𝐥𝐚𝐤𝐩𝐚𝐤𝐚𝐧, at 𝐡𝐢𝐧𝐝𝐢 𝐦𝐚𝐥𝐢𝐥𝐢𝐦𝐮𝐭𝐚𝐧𝐠 𝐦𝐠𝐚 𝐬𝐚𝐧𝐝𝐚𝐥𝐢 ang naging bahagi ng makasaysayang okasyong ito.

𝐃𝐈𝐒𝐂𝐋𝐀𝐈𝐌𝐄𝐑: May ilang bahagi ng programa na hindi naisama sa video coverage dahil sa naganap na technical difficulties habang isinasagawa ang broadcasting. Humihingi kami ng paumanhin at maraming salamat sa inyong pang-unawa.

✍️: John Denrick Noriel
Videographer: Ralph Soriano, Ehryll Pelaez
Broadcaster: Sarah Melendrez, Juan Miguel Flores, Angel Vibar, Alaica Mae Arellano
Video Editor: Christian Maranan, Princess Rodavia

02/09/2026

𝐓𝐀𝐍𝐀𝐔𝐀𝐍 𝐂𝐈𝐓𝐘 𝐂𝐎𝐋𝐋𝐄𝐆𝐄, 𝐈𝐏𝐈𝐍𝐀𝐆𝐃𝐈𝐖𝐀𝐍𝐆 𝐀𝐍𝐆 𝐈𝐊𝐀-𝟏𝟑 𝐀𝐍𝐈𝐁𝐄𝐑𝐒𝐀𝐑𝐘𝐎; 𝐌𝐀𝐘𝐎𝐑 𝐂𝐎𝐋𝐋𝐀𝐍𝐓𝐄𝐒, 𝐍𝐀𝐍𝐆𝐔𝐍𝐀 𝐒𝐀 𝐏𝐀𝐆𝐁𝐔𝐁𝐔𝐊𝐀𝐒

Pinangunahan ni Tanauan City Mayor 𝐇𝐨𝐧. 𝐍𝐞𝐥𝐬𝐨𝐧 “𝐒𝐨𝐧𝐧𝐲” 𝐏. 𝐂𝐨𝐥𝐥𝐚𝐧𝐭𝐞𝐬 ang unang araw ng pagdiriwang ng 𝐢𝐤𝐚-𝟏𝟑 𝐚𝐧𝐢𝐛𝐞𝐫𝐬𝐚𝐫𝐲𝐨 ng 𝐓𝐚𝐧𝐚𝐮𝐚𝐧 𝐂𝐢𝐭𝐲 𝐂𝐨𝐥𝐥𝐞𝐠𝐞 na ginanap sa 𝐏𝐫𝐞𝐬. 𝐉.𝐏. 𝐋𝐚𝐮𝐫𝐞𝐥 𝐆𝐲𝐦𝐧𝐚𝐬𝐢𝐮𝐦, 𝐁𝐚𝐫𝐚𝐧𝐠𝐚𝐲 𝟏, 𝐓𝐚𝐧𝐚𝐮𝐚𝐧 𝐂𝐢𝐭𝐲, 𝐁𝐚𝐭𝐚𝐧𝐠𝐚𝐬 noong 𝐋𝐮𝐧𝐞𝐬, 𝐀𝐠𝐨𝐬𝐭𝐨 𝟐𝟒, 𝟐𝟎𝟐𝟔

Sa kanyang mensahe, ipinahayag ni Mayor Collantes ang patuloy na suporta ng pamahalaang lungsod sa TCC, partikular sa pagpapaunlad ng mga pasilidad at sa paghahanda sa kinabukasan ng mga kabataang Tanaueño.

Binigyang-diin ng alkalde na ang TCC ay hindi lamang isang institusyong pang-edukasyon, kundi nagsilbi rin bilang tahanan ng mga pangarap, pag-asa, at oportunidad para sa mga kabataan at kanilang mga pamilya.

“𝑨𝒏𝒈 𝑻𝒂𝒏𝒂𝒖𝒂𝒏 𝑪𝒊𝒕𝒚 𝑪𝒐𝒍𝒍𝒆𝒈𝒆 𝒂𝒚 𝒉𝒊𝒏𝒅𝒊 𝒍𝒂𝒏𝒈 𝒑𝒂𝒂𝒓𝒂𝒍𝒂𝒏, 𝒊𝒕𝒐 𝒂𝒚 𝒕𝒂𝒉𝒂𝒏𝒂𝒏 𝒏𝒈 𝒎𝒈𝒂 𝒑𝒂𝒏𝒈𝒂𝒓𝒂𝒑, 𝒑𝒂𝒈-𝒂𝒔𝒂 𝒂𝒕 𝒎𝒈𝒂 𝒑𝒂𝒈𝒌𝒂𝒌𝒂𝒕𝒂𝒐𝒏𝒈 𝒎𝒂𝒈𝒃𝒖𝒃𝒖𝒌𝒂𝒔 𝒏𝒈 𝒎𝒂𝒔 𝒎𝒂𝒈𝒂𝒏𝒅𝒂𝒏𝒈 𝒌𝒊𝒏𝒂𝒃𝒖𝒌𝒂𝒔𝒂𝒏 𝒔𝒂 𝒂𝒕𝒊𝒏𝒈 𝒎𝒈𝒂 𝒌𝒂𝒃𝒂𝒕𝒂𝒂𝒏 𝒂𝒕 𝒑𝒂𝒓𝒂 𝒔𝒂 𝒂𝒕𝒊𝒏𝒈 𝒎𝒈𝒂 𝒑𝒂𝒎𝒊𝒍𝒚𝒂,” saad ni Mayor Collantes.

Hinimok din ng alkalde ang buong komunidad ng TCC na ipagpatuloy ang pagtutulungan sa paghubog ng mga indibidwal na may kakayahan, malasakit sa kapwa, at dedikasyon sa paglilingkod sa lungsod at bansa.

“𝑰𝒑𝒂𝒈𝒑𝒂𝒕𝒖𝒍𝒐𝒚 𝒏𝒂𝒕𝒊𝒏 𝒏𝒂 𝒎𝒂𝒈𝒕𝒖𝒍𝒖𝒏𝒈𝒂𝒏 𝒑𝒂𝒓𝒂 𝒃𝒖𝒖𝒊𝒏 𝒂𝒏𝒈 𝑻𝒂𝒏𝒂𝒖𝒂𝒏 𝑪𝒊𝒕𝒚 𝑪𝒐𝒍𝒍𝒆𝒈𝒆 𝒏𝒂 𝒎𝒂𝒌𝒂𝒑𝒂𝒈𝒍𝒊𝒌𝒉𝒂 𝒏𝒈 𝒎𝒈𝒂 𝒊𝒏𝒅𝒊𝒃𝒊𝒅𝒘𝒂𝒍 𝒏𝒂 𝒎𝒂𝒚 𝒌𝒂𝒌𝒂𝒚𝒂𝒉𝒂𝒏, 𝒎𝒂𝒚 𝒑𝒂𝒈𝒌𝒂𝒎𝒂𝒉𝒂𝒃𝒂𝒈𝒊𝒏 𝒔𝒂 𝒌𝒂𝒑𝒘𝒂, 𝒂𝒕 𝒎𝒂𝒚 𝒕𝒂𝒌𝒐𝒕 𝒔𝒂 𝑫𝒊𝒚𝒐𝒔 𝒖𝒑𝒂𝒏𝒈 𝒎𝒂𝒈𝒌𝒂𝒓𝒐𝒐𝒏 𝒔𝒊𝒍𝒂 𝒏𝒈 𝒎𝒂𝒌𝒂𝒃𝒖𝒍𝒖𝒉𝒂𝒏𝒈 𝒌𝒐𝒏𝒕𝒓𝒊𝒃𝒖𝒔𝒚𝒐𝒏 𝒔𝒂 𝒂𝒕𝒊𝒏𝒈 𝒍𝒖𝒏𝒈𝒔𝒐𝒅 𝒂𝒕 𝒔𝒂 𝒂𝒕𝒊𝒏𝒈 𝒃𝒂𝒏𝒔𝒂,” dagdag ni Mayor Collantes.

Naging bahagi ng pagdiriwang ang iba’t ibang aktibidad na nagbigay-diin sa 13 taon ng TCC sa pagbibigay ng edukasyon, oportunidad, at pag-asa sa mga kabataang Tanaueño.

✍️: Juan Miguel Flores
Layout: Jerome Javier

31/08/2026

𝐏𝐀𝐋𝐀𝐊𝐏𝐀𝐊

May mga palakpak
na hindi para sa pagkapanalo.

May mga kamay
na hindi lamang pumapalakpak—
kundi nagsasalaysay
ng mga panahong
walang ibang nakasaksi.

Sa bawat pagdampi ng palad,
may mga gabing nilabanan ang takot,
mga luhang nilunok,
mga pangambang pinatahimik
bago pa man ako humarap
sa liwanag.

Hindi ko alam
kung ilang ulit niyang
binuo ang aking pangalan,
kung ilang ulit niya akong binanggit
sa kaniyang mga panalangin
habang ako’y natutulog;
ni kung ilang pagkakataong
pinili niyang mangamba
nang palihim
upang ako’y makapangarap
nang malaya.

Kaya sa gitna ng mga ilaw
at dagundong ng tambol,
habang ako’y tinatanaw ng marami
sa gitna ng entablado,
may isang pares ng kamay
na tila tahimik na nagsasabing—

Hindi ka nag-iisa.

At marahil,
iyon ang tunay na korona:

ang malaman na bago pa man
ako humarap sa mundo,
may isang taong
buong-buo nang nakatayo
sa likuran ko.

Isang taong
hindi kailanman humingi ng palakpak,
ngunit siya ang dahilan
kung bakit natuto akong
humarap sa entablado.

Mga kamay na hindi napapagod maglapat,
muling magtagpo,
at bumuo ng pinakamalakas na palakpak.

At sa bawat hiyawan ng mga taga-suporta,
sa bawat tinig na umaalingawngaw
sa buong paligid,
may isang palakpak
na higit sa lahat
ang aking naririnig.

Hindi dahil ito ang pinakamalakas—
kundi dahil alam ko
kung gaano karaming pagod,
pangamba, sakripisyo,
at panalangin
ang nakapaloob dito.

At sa likod ng bawat palakpak,
may isang pusong
matagal nang pumapalakpak
para sa akin,
kahit wala pang entabladong
maaari kong tayuan.

At kung sakaling dumating ang araw
na ang lahat ng ilaw
ay tuluyan nang mamatay,
ang mga hiyawan
ay maging alaala,
at ang palakpak ng mundo
ay tuluyang manahimik—

alam kong may isang pares pa rin
ng kamay na mananatiling nakataas,
hindi upang ipagdiwang lamang
ang aking pagkapanalo,
kundi upang ipaalala sa akin
na sa bawat laban
na aking sinuong,
may isang taong
hindi kailanman nagsawang
maniwala sa akin.

At sa lahat ng palakpak
na narinig ko sa gabing iyon,
may isa
na higit kong iingatan.

Dahil sa bawat pagdampi ng dalawang palad,
naroon ang mga gabing
hindi ko nakita,
ang mga luhang
hindi ko nasaksihan,
ang mga panalanging
hindi ko narinig,
at ang pagmamahal
na hindi kailanman nanghingi
ng pagkilala.

At kung may isang palakpak
na tunay kong iuuwi mula sa entabladong ito,
iyon ay ang palakpak
ng taong unang naniwala
na kaya kong makarating dito.

Mga kamay na hindi napapagod maglapat—
upang bumuo ng malakas na palakpak.

At sa bawat hiyawan
ng mga taong sumusuporta sa akin,
may isang tinig,
isang palakpak,
isang pagmamahal
na higit sa lahat
ang nangingibabaw.

At iyon—
ay mga kamay ng aking ina at ang nagmamalaki niyang sigaw na “anak ko ‘yan!”

#

✍️: Jenny Jallores
📸: Miyaka Aira Braza
Edited by: Ella Diane Amatorio, John Denrick Noriel

31/08/2026

𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐆𝐀 𝐁𝐀𝐘𝐀𝐍𝐈𝐍𝐆 𝐏𝐈𝐋𝐈𝐏𝐈𝐍𝐎! 🇵🇭🙌

Ngayong 𝐍𝐚𝐭𝐢𝐨𝐧𝐚𝐥 𝐇𝐞𝐫𝐨𝐞𝐬 𝐃𝐚𝐲, ating ginugunita at pinararangalan ang mga bayaning nag-alay ng kanilang tapang, sakripisyo, at pagmamahal para sa ating bayan.

“Ang buhay na inialay sa bayan ay buhay na hindi nasayang.”
— Emilio Jacinto

Ang kanilang mga sakripisyo ay patuloy na nagpapaalala sa atin na ang pagmamahal sa bayan ay naipapakita sa iba’t ibang paraan—sa pagtulong, paglilingkod, at paggawa ng tama.

𝐒𝐚𝐥𝐮𝐝𝐨 𝐬𝐚 𝐥𝐚𝐡𝐚𝐭 𝐧𝐠 𝐦𝐠𝐚 𝐛𝐚𝐲𝐚𝐧𝐢𝐧𝐠 𝐏𝐢𝐥𝐢𝐩𝐢𝐧𝐨! 🇵🇭

✍️: Marie Casipong
Layout: Renalyn Terrones

30/08/2026

𝐏𝐀𝐍𝐔𝐋𝐀𝐓 𝐍𝐆 𝐊𝐀𝐁𝐀𝐓𝐀𝐀𝐍, 𝐁𝐎𝐒𝐄𝐒 𝐍𝐆 𝐊𝐀𝐓𝐎𝐓𝐎𝐇𝐀𝐍𝐀𝐍! 📰✍️

Sa loob ng campus, hindi lamang aralin ang hinahabol—𝐤𝐚𝐭𝐨𝐭𝐨𝐡𝐚𝐧𝐚𝐧 𝐝𝐢𝐧.

Ngayong 𝐍𝐚𝐭𝐢𝐨𝐧𝐚𝐥 𝐏𝐫𝐞𝐬𝐬 𝐅𝐫𝐞𝐞𝐝𝐨𝐦 𝐃𝐚𝐲, kinikilala natin ang kalayaang magsulat, magtanong, maglahad, at manindigan. Dahil ang campus journalism ay higit pa sa pagsusulat ng balita—ito ay pagsisilbi sa kapwa estudyante at pagbibigay-boses sa mga kuwentong nararapat marinig.

Sa bawat headline, bawat artikulo, at bawat salitang inilalathala, 𝐤𝐚𝐭𝐨𝐭𝐨𝐡𝐚𝐧𝐚𝐧 𝐚𝐧𝐠 𝐚𝐭𝐢𝐧𝐠 𝐩𝐚𝐧𝐢𝐧𝐢𝐧𝐝𝐢𝐠𝐚𝐧.

𝐌𝐚𝐠𝐬𝐮𝐥𝐚𝐭. 𝐌𝐚𝐠𝐭𝐚𝐧𝐨𝐧𝐠. 𝐌𝐚𝐧𝐢𝐧𝐝𝐢𝐠𝐚𝐧.

Happy National Press Freedom Day, campus journalists!

✍️: John Denrick Noriel
Layout: Jenny Jallores

30/08/2026

📸 𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 (𝐁𝐀𝐇𝐀𝐆𝐈 𝟑) | 𝐁𝐈𝐍𝐈𝐁𝐈𝐍𝐈 𝐀𝐓 𝐆𝐈𝐍𝐎𝐎𝐍𝐆 𝐓𝐂𝐂 𝟐𝟎𝟐𝟔

Isang entablado, maraming kuwento, at dalawang bagong koronang sumisimbolo sa ganda, talino, at kumpiyansa.

Congratulations sa mga bagong mukha ng 𝐁𝐢𝐧𝐢𝐛𝐢𝐧𝐢 𝐚𝐭 𝐆𝐢𝐧𝐨𝐨𝐧𝐠 𝐓𝐂𝐂 𝟐𝟎𝟐𝟔! 👑

✍️: John Denrick Noriel
📸: Mark Vincent Villanueva, Kim Valinado, Diana Nicole Petate, Rhian Ramos, Lea Terrible, Russel Pamplona, Jhiasmen Escobido
Layout: Renalyn Terrones

30/08/2026

📸 𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 (𝐁𝐀𝐇𝐀𝐆𝐈 𝟐) | 𝐊𝐎𝐑𝐎𝐍𝐀𝐒𝐘𝐎𝐍 𝐀𝐓 𝐏𝐀𝐍𝐈𝐍𝐈𝐍𝐃𝐈𝐆𝐀𝐍

Dumating na ang pinakahihintay.

Upang matukoy kung sino ang tunay na karapat-dapat sa korona, sumabak ang 𝐓𝐎𝐏 𝟓 sa pinakamatinding pagsubok ng gabi — ang 𝐐𝐮𝐞𝐬𝐭𝐢𝐨𝐧 𝐚𝐧𝐝 𝐀𝐧𝐬𝐰𝐞𝐫 𝐏𝐨𝐫𝐭𝐢𝐨𝐧.

Isa-isang tinawag ang mga pinalista upang humarap at sumagot sa mga tanong na sumusubok hindi lang sa kanilang talino, kundi sa kanilang 𝐩𝐫𝐢𝐧𝐬𝐢𝐩𝐲𝐨 𝐚𝐭 𝐩𝐚𝐧𝐢𝐧𝐢𝐧𝐝𝐢𝐠𝐚𝐧 bilang Iskolar ng Tanauan.

Matapos ang mabibigat na sagutan, ginawaran ng 𝐒𝐞𝐫𝐭𝐢𝐩𝐢𝐤𝐨 𝐧𝐠 𝐏𝐚𝐠𝐤𝐢𝐥𝐚𝐥𝐚 ang mga hurado na naging gabay sa pagpili ng mga magwawagi. Sila ang tumayo bilang saksi at tagahatol sa husay at galing ng bawat kandidato.

At sa wakas, narinig na ng buong TCC ang mga pangalang mag-uwi ng korona.

𝐌𝐆𝐀 𝐍𝐀𝐆𝐖𝐀𝐆𝐈 𝐍𝐆 𝐁𝐈𝐍𝐈𝐁𝐈𝐍𝐈 𝐀𝐓 𝐆𝐈𝐍𝐎𝐎𝐍𝐆 𝐓𝐂𝐂 𝟐𝟎𝟐𝟔

𝐆𝐈𝐍𝐎𝐎𝐍𝐆 𝐓𝐂𝐂 𝟐𝟎𝟐𝟔
1st Runner Up: #8 - BSE
2nd Runner Up: #1 - BTVTED
3rd Runner Up: #7 - CPE
4th Runner Up: #9 - BPA

𝐁𝐈𝐍𝐈𝐁𝐈𝐍𝐈𝐍𝐆 𝐓𝐂𝐂 𝟐𝟎𝟐𝟔
1st Runner Up: #6 - BPA
2nd Runner Up: #7 - BSE
3rd Runner Up: #4 - CPE
4th Runner Up: #9 - BPA

𝐀𝐓 𝐀𝐍𝐆 𝐍𝐀𝐆-𝐔𝐖𝐈 𝐍𝐆 𝐊𝐀𝐌𝐏𝐄𝐎𝐍𝐀𝐓𝐎:

👑 𝐆𝐢𝐧𝐨𝐨𝐧𝐠 𝐆𝐢𝐨𝐯𝐚𝐧𝐞 𝐈𝐚𝐧 𝐋𝐨𝐩𝐞𝐳 𝐦𝐮𝐥𝐚 𝐬𝐚 𝐃𝐞𝐩𝐚𝐫𝐭𝐚𝐦𝐞𝐧𝐭𝐨 𝐧𝐠 𝐁𝐚𝐜𝐡𝐞𝐥𝐨𝐫 𝐨𝐟 𝐏𝐮𝐛𝐥𝐢𝐜 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐨𝐧

👑 𝐁𝐢𝐧𝐢𝐛𝐢𝐧𝐢𝐧𝐠 𝐈𝐫𝐞𝐬𝐡 𝐌𝐚𝐞 𝐆𝐨𝐦𝐞𝐳 𝐦𝐮𝐥𝐚 𝐬𝐚 𝐃𝐞𝐩𝐚𝐫𝐭𝐚𝐦𝐞𝐧𝐭𝐨 𝐧𝐠 𝐁𝐚𝐜𝐡𝐞𝐥𝐨𝐫 𝐨𝐟 𝐒𝐜𝐢𝐞𝐧𝐜𝐞 𝐢𝐧 𝐄𝐧𝐭𝐫𝐞𝐩𝐫𝐞𝐧𝐞𝐮𝐫𝐬𝐡𝐢𝐩.

Sa gabing ito, napatunayan ng mga Titan na ang tunay na korona ay hindi nasusukat sa ganda lamang. Ito ay para sa mga may 𝐛𝐨𝐬𝐞𝐬, 𝐭𝐚𝐥𝐢𝐧𝐨, 𝐚𝐭 𝐦𝐚𝐲 𝐩𝐢𝐧𝐚𝐠𝐥𝐚𝐥𝐚𝐛𝐚𝐧.

𝐌𝐚𝐛𝐮𝐡𝐚𝐲 𝐚𝐧𝐠 𝐓𝐚𝐧𝐚𝐮𝐚𝐧 𝐂𝐢𝐭𝐲 𝐂𝐨𝐥𝐥𝐞𝐠𝐞! 𝐏𝐚𝐝𝐚𝐲𝐨𝐧, 𝐦𝐠𝐚 𝐈𝐬𝐤𝐨𝐥𝐚𝐫 𝐧𝐠 𝐋𝐮𝐧𝐠𝐬𝐨𝐝!

✍️: Samantha Kim Tengco
📸: Mark Vincent Villanueva, Kim Valinado, Diana Nicole Petate, Rhian Ramos, Lea Terrible, Russel Pamplona, Jhiasmen Escobido
Layout: Renalyn Terrones

30/08/2026

📸 𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 𝐁𝐀𝐇𝐀𝐆𝐈 𝟏.𝟐 | 𝐁𝐁. 𝐀𝐓 𝐆𝐈𝐍𝐎𝐎𝐍𝐆 𝐓𝐂𝐂

Pinuno ng emosyon at galing ang entablado matapos ang nakaaantig na pagtatanghal ng 𝐇𝐢𝐦𝐢𝐠 𝐇𝐢𝐫𝐚𝐲𝐚.

Kasunod nito, ipinamalas ng mga kalahok ang kanilang 𝐒𝐜𝐡𝐨𝐨𝐥 𝐔𝐧𝐢𝐟𝐨𝐫𝐦 bilang simbolo ng pagkilala at pagmamahal sa sintang paaralan — ang 𝐓𝐚𝐧𝐚𝐮𝐚𝐧 𝐂𝐢𝐭𝐲 𝐂𝐨𝐥𝐥𝐞𝐠𝐞, hindi lang ganda ang nangingibabaw, kun'di dangal at disiplina.

𝐆𝐈𝐍𝐀𝐖𝐀𝐃 𝐀𝐍𝐆 𝐌𝐆𝐀 𝐌𝐈𝐍𝐎𝐑 𝐀𝐖𝐀𝐑𝐃:
- Photogenic: 𝐆𝐢𝐧𝐨𝐨 #7 | 𝐁𝐢𝐧𝐢𝐛𝐢𝐧𝐢 #9
- Congeniality: 𝐆𝐢𝐧𝐨𝐨 #4 | 𝐁𝐢𝐧𝐢𝐛𝐢𝐧𝐢 #7
- Barefaced King and Queen: 𝐆𝐢𝐧𝐨𝐨 #7 | 𝐁𝐢𝐧𝐢𝐛𝐢𝐧𝐢 #6
- Best in Production Number: 𝐆𝐢𝐧𝐨𝐨 #6 | 𝐁𝐢𝐧𝐢𝐛𝐢𝐧𝐢 #9
- Best in Uniform: 𝐆𝐢𝐧𝐨𝐨 #6 | 𝐁𝐢𝐧𝐢𝐛𝐢𝐧𝐢 #7

Pinakulog muli ng hiyawan ang gym sa intermission number ng mga kampeon ng 𝐓𝐂𝐂 𝐏𝐎𝐏 𝐈𝐃𝐎𝐋 at muling nagpatingkad ng damdamin ang isa pang pagtatanghal ng 𝐇𝐢𝐦𝐢𝐠 𝐇𝐢𝐫𝐚𝐲𝐚.

Nagbalik ang mga kandidato sa entablado suot ang kanilang 𝐂𝐮𝐥𝐭𝐮𝐫𝐚𝐥 𝐌𝐲𝐡𝐭 𝐂𝐮𝐬𝐭𝐨𝐦𝐞𝐬, lalong pinaganda ng mga piling mananayaw mula sa 𝐁𝐚𝐜𝐡𝐞𝐥𝐨𝐫 𝐨𝐟 𝐓𝐞𝐜𝐡𝐧𝐢𝐜𝐚𝐥 𝐕𝐨𝐜𝐚𝐭𝐢𝐨𝐧𝐚𝐥 𝐓𝐞𝐚𝐜𝐡𝐞𝐫 𝐄𝐝𝐮𝐜𝐚𝐭𝐢𝐨𝐧. Isang pagdiriwang ng kultura at pagkamalikhain.

Pagbaba nila, ipinakita naman ang 𝐭𝐨𝐩 𝟑 𝐀𝐝𝐯𝐨𝐜𝐚𝐜𝐲 𝐕𝐢𝐝𝐞𝐨 ng mga kalahok — patunay na sa TCC, ang korona ay may kasamang layunin.
𝐍𝐎𝐌𝐈𝐍𝐄𝐄𝐒:
𝐆𝐢𝐧𝐨𝐨 - #9, #6, #4
𝐁𝐢𝐧𝐢𝐛𝐢𝐧𝐢 - #2, #9, #6

Muling pagrampa ng mga kandidato suot ang kanilang 𝐋𝐨𝐧𝐠 𝐆𝐨𝐰𝐧 𝐚𝐭 𝐅𝐨𝐫𝐦𝐚𝐥 𝐀𝐭𝐭𝐢𝐫𝐞.

𝐌𝐆𝐀 𝐌𝐀𝐉𝐎𝐑 𝐀𝐖𝐀𝐑𝐃:
- Best in Advocacy: 𝐆𝐢𝐧𝐨𝐨 #4 | 𝐁𝐢𝐧𝐢𝐛𝐢𝐧𝐢 #6
- Best Mythical Creature Costume: 𝐆𝐢𝐧𝐨𝐨 #9 | 𝐁𝐢𝐧𝐢𝐛𝐢𝐧𝐢 #9
- Best Designer: Ranjit Gil
(Designer ng Kandidato #9)
- Best in Long Gown at Formal Attire: 𝐆𝐢𝐧𝐨𝐨 #6 | 𝐁𝐢𝐧𝐢𝐛𝐢𝐧𝐢 #7

𝐏𝐚𝐠-𝐚𝐚𝐧𝐮𝐧𝐬𝐢𝐲𝐨 𝐧𝐠 𝐓𝐎𝐏 𝟓:
𝐆𝐢𝐧𝐨𝐨: #1, #8, #7, #6, #9
𝐁𝐢𝐧𝐢𝐛𝐢𝐧𝐢: #7, #8, #6, #4, #9

At sa huling pagkakataon, muling naglakad sa entablado ang reyna at hari ng nakaraang taon, kasunod ang pinal na paglalakad ng Top 5 — puno ng kaba, pag-asa, at karangalan.

𝐃𝐢𝐭𝐨 𝐧𝐚𝐠𝐬𝐢𝐦𝐮𝐥𝐚 𝐚𝐧𝐠 𝐭𝐮𝐧𝐚𝐲 𝐧𝐚 𝐥𝐚𝐛𝐚𝐧 𝐩𝐚𝐫𝐚 𝐬𝐚 𝐤𝐨𝐫𝐨𝐧𝐚.

✍️: Samantha Kim Tengco
📸: Mark Vincent Villanueva, Kim Valinado, Diana Nicole Petate, Rhian Ramos, Lea Terrible, Russel Pamplona, Jhiasmen Escobido
Layout: Renalyn Terrones

30/08/2026

📸 𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 (𝐁𝐀𝐇𝐀𝐆𝐈 𝟏.𝟏) 𝐇𝐔𝐋𝐈𝐍𝐆 𝐘𝐔𝐆𝐓𝐎, 𝐏𝐈𝐍𝐀𝐊𝐀𝐌𝐀𝐓𝐈𝐍𝐃𝐈𝐍𝐆 𝐋𝐀𝐁𝐀𝐍: 𝐁𝐢𝐧𝐢𝐛𝐢𝐧𝐢 𝐚𝐭 𝐆𝐢𝐧𝐨𝐨𝐧𝐠 𝐓𝐂𝐂 𝟐𝟎𝟐𝟔

Sa huling kabanata ng 𝐢𝐤𝐚-𝟏𝟑 𝐚𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐓𝐚𝐧𝐚𝐮𝐚𝐧 𝐂𝐢𝐭𝐲 𝐂𝐨𝐥𝐥𝐞𝐠𝐞, muling pinatunayan ng mga Iskolar ng Bayan na ang kagandahan ay may lalim, at ang tapang ay may tinig.

Nagsimula ang gabi sa panalangin at sa pag-awit ng Pambansang Awit, Himno ng Tanauan, at Himno ng TCC. Mula rito, binati ng 𝐎𝐒𝐀 𝐃𝐢𝐫𝐞𝐜𝐭𝐨𝐫 𝐁𝐛 𝐒𝐡𝐚𝐫𝐚 𝐌𝐚𝐲 𝐉. 𝐋𝐨𝐠𝐚𝐧 ang lahat, at nag-iwan ng inspirasyon ang 𝐎𝐈𝐂 ng TCC na si 𝐆. 𝐌𝐚𝐫𝐜𝐢𝐚𝐥 𝐕. 𝐆𝐨𝐠𝐮𝐚𝐧𝐜𝐨, 𝐉𝐫. sa kanyang espesyal na mensahe.

Sa mahusay na paggabay nina 𝐆. 𝐀𝐧𝐭𝐡𝐨𝐧𝐲 𝐀𝐥𝐚𝐠𝐨𝐧 𝐚𝐭 𝐁𝐛. 𝐍𝐢𝐜𝐡𝐨𝐥𝐞 𝐉𝐨𝐲𝐜𝐞 𝐋𝐚𝐧𝐝𝐢𝐜𝐡𝐨, suniklab ang entablado sa pagrampa at pagpapakilala sa mga huradong kikilatis at magiging gabay sa pagpili. Kasunod nito ang production number ng mga kandidato at kandidata, kasabay ang 𝐈𝐧𝐝𝐚𝐤 𝐇𝐢𝐫𝐚𝐲𝐚. Kasabay nito ang pormal nilang pagpapakilala sa TCCians.

Bago pa man humarap sa mga hurado, pinanood muna ang kanilang mga teaser video na kinunan sa 𝐏𝐥𝐚𝐧𝐭𝐚𝐜𝐢𝐨𝐧 𝐃𝐞𝐥 𝐒𝐨𝐜𝐨𝐫𝐫𝐨—sang sulyap sa kanilang puso at adbokasiya.

Dito, napatunayan: Hindi lang ito laban ng mukha. Ito ay laban ng may 𝐩𝐫𝐢𝐧𝐬𝐢𝐩𝐲𝐨, 𝐭𝐚𝐥𝐢𝐧𝐨, 𝐚𝐭 𝐦𝐚𝐲 𝐢𝐩𝐢𝐧𝐚𝐠𝐥𝐚𝐥𝐚𝐛𝐚𝐧.

✍️: Samantha Kim Tengco
📸: Mark Vincent Villanueva, Kim Valinado, Diana Nicole Petate, Rhian Ramos, Lea Terrible, Russel Pamplona, Jhiasmen Escobido
Layout: Renalyn Terrones, Princess Jane Rodavia

29/08/2026

📸 𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 | 𝐒𝐄𝐋𝐄𝐁𝐑𝐀𝐒𝐘𝐎𝐍 𝐏𝐀𝐑𝐀 𝐒𝐀 𝐌𝐆𝐀 𝐁𝐀𝐆𝐎𝐍𝐆 𝐈𝐒𝐊𝐎𝐋𝐀𝐑

Pagbati para sa aming mga pinakabagong sibol na Iskolar!

Sa huling parte ng mga kaganap sa ika-apat na araw na pag diriwang ng ika-labing tatlong selebrasyon ng Tanauan City College. Ganap na kayong Iskolars sa pamamagitan ng Binyag Iskolars. Nabasa man at napuno ng dumi, kapalit nito ang walang hanggang saya at opurtunidad. Muli, maligayang pagbati Iskolars!

✍️: Renalyn Terrones
📸: Ralph Reynald Soriano, Kim Valinado, Diana Nicole Petate, Lea Terrible, Iyah Natividad
Layout: Diana Nicole Petate

𝚃𝚑𝚎 𝚃𝙲𝙲 𝚂𝚙𝚎𝚌𝚝𝚛𝚞𝚖

05/09/2026

02/09/2026

31/08/2026

31/08/2026

30/08/2026

30/08/2026

30/08/2026

30/08/2026

30/08/2026

29/08/2026

Address

Website

Alerts

Contact The School

Shortcuts

Share

Category

Listing takedown request