𝗦𝗧𝗘𝗠 𝟭𝟮𝟬𝟰 - 𝐒𝐡𝐚𝐩𝐢𝐧𝐠 𝐓𝐨𝐦𝐨𝐫𝐫𝐨𝐰'𝐬 𝐄𝐬𝐬𝐞𝐧𝐭𝐢𝐚𝐥

𝐒𝐢𝐥𝐢𝐝 𝐧𝐠 𝐏𝐚𝐠𝐬𝐚𝐬𝐚𝐦𝐚: 𝐋𝐢𝐥𝐢𝐬𝐚𝐧𝐢𝐧 𝐧𝐚𝐧𝐠 𝐦𝐚𝐲 𝐀𝐥𝐚𝐚𝐥𝐚𝐧𝐠 𝐇𝐢𝐧𝐝𝐢 𝐊𝐮𝐤𝐮𝐩𝐚𝐬

Kung titingnan isa lamang itong silid-aralan na binubuo ng mga kagamitang pampaaralan—upuan, pisara, mesa ng mga g**o at mga panulat ng pisara. Ngunit, hindi lamang ito simpleng silid, ito'y espasyong mayroong maraming kuwento at ala-alang nabuo na kailanman hindi malilimutan ng puso't isipan.

Simula ng Kuwento ng Samahan

Sa unang apak sa silid tila nangangapa pa sa kapaligiran—walang gaanong kakilala at mga bagong mukhang tumambad sa mga mata. Bawat galaw kinakalkula sapagkat hindi pa lubos na kasundo ang mga bagong nakakasalamuha.

Dumating ang oras na kailangan na magpapakilala at ang bawat pagpapakilala malugod na tinanggap. Sa pagkakaintindihan sa isa't isa nabuo ang magandang samahan sa loob ng silid-aralan.

Ligaya at Halakhak

Maraming kasayahan at tawanan ang naganap sa pagpapatuloy ng samahan. Mga biruan at kulitang nagpapatanggal ng pagod at kalungkutan.

Mga pagligsahang pinagsaluhang harapin nang may puso at dedikasyon. Hindi basta lamang nakikibahagi, ibinibigay ang lahat ng makakaya makuha lamang ang pagkapanalo. Basta sama-sama at nagkakaisa magiging maligaya sapagkat titulong KAMPEON ang bunga.

Sandalan ang isa't isa

Hindi lamang sa kasiyahan nariyan ang presensya ng isa't isa kung hindi pati sa oras ng pagdududa at kalugmukan. Handang magbigay ng yakap at ipasandal ang ulo sa balikat sa panahong hindi na alam ang magiging galaw sa bagay bagay. Ipinaparamdam na may taong aalalay at handang makinig nang walang panghuhusga.

Saksi ang Silid sa Lahat

Kada sulok ng silid saksi sa lahat ngiti, luha at sakripisyong inialay sa pakikibaka. Tanaw nito ang mga talento at kakayahang ipinamalas sa loob nito kasama na ang mga paglago at nahubog na pagkakakilanlan bilang tao sa tulong na rin ng paggabay ng mga mabubuting g**o. Saksi ang silid sa samahang lumikha ng maraming alaalang hindi malilimutan at tumatak sa bawat puso ng isa't isa.

Hangganan ng Pagsasama

Nakakalungkot isipin subalit may hangganan ang pagsasama, masakit man isiping dumating na ang oras ng paghihiwalay ng magkakaklaseng kapatid na ang turingan—pero hindi maiiwan ang mga masasayang alaalang nabuo sa loob mga silid-aralan. Kung dati pasimula pa lang ang yugto bilang Senior High School, ngayon magbubulkat ang panibagong pahina upang harapin ang panibagong kabanata ng buhay.

Maraming salamat sa lahat, STEM 1204—sa pagkakaibigan at pagtuturingan bilang pamilya. Ang lahat ng labang ating hinarap at kaligayahang naukit sa ating puso ay paniguradong dadalhin sa susunod na yugto ng ating buhay. Tayo ay lilisan sa silid na tinuring tahanan, ngunit ang ating pinagsamahan ay hindi kailanman mawawala sa ating isipan.

✒ : Ralph Allen Atwel
📷 : Mark Epson Gulle

BYEE ACSHSIANS!!! 💗🥺😭