https://www.facebook.com/747342998472328/

Ylang Tanao, Anao (2026)

12/08/2026

𝗣𝗮𝗻𝗶𝗯𝗮𝗴𝗼𝗻𝗴 𝗴𝗮𝗯𝗮𝘆, 𝗽𝗮𝗻𝗶𝗯𝗮𝗴𝗼𝗻𝗴 𝗸𝗮𝗮𝗴𝗮𝗽𝗮𝘆! 🦸

Matagumpay na isinagawa ang Parent Orientation ng Tara, Kaya! Program para sa taong panuruan 2026-2027 sa Community Learning Center (CLC) ng Dolores Ongsiako Central Elementary School (DOCES).

Nakasentro ang oryentasyon sa pag-unawa sa layunin ng TKP, pagbubukas ng rehistrasyon ng Gabay sa Bata (GSB) Workshop, at ang pagkakaroon ng Reflection Circle na naging espasyo ng pagpapaabot ng mga pag-aalinlangan o iba pang paglilinaw ng mga magulang sa partisipasyon ng anak sa programa.

Hinikayat din ng Punongguro ng paaralan, Dr. Maria Cristina Dugay sa kaniyang pambungad na mensahe ang mga dumalong magulang ukol sa higit na kahalagahan ng “partnership” sa pagitan ng paaralan at magulang.

Lubos na pasasalamat po sa bawat magulang na dumalo at naglaan ng kanilang oras sa ating oryentasyon!

Tunay na sa ating pagtutulungan, maiiaangat natin ang kalidad na edukasyon para sa bata at bayan!

11/08/2026

𝗬𝗼𝗼𝗵𝗼𝗼! 𝗗𝗶𝘁𝗼 𝗮𝗻𝗴 𝘁𝗶𝗻𝗴𝗶𝗻! 👀

Handang-handa na ang mga learning kit at workbooks na ipamamahagi sa mga mag-aaral na magiging bahagi ng Tara, Kaya! Program (TKP) ngayong taong panuruan!📚✏️🖍️🗒️

Bahagi ng programa ang pamimigay ng libreng school supplies sa mga mag-aaral bilang pantulong sa pag-aaral at workbooks bilang lunsaran ng mga gawain sa pagbabasa (Literacy) at pagbibilang (Numeracy).

Abangan ang aming pagsisimula ng klase na puno ng kaalaman, kasiyahan, at paglago sa Tara, Kaya! Program. 👋🏼

Ready na? Ready na! 🌟

05/08/2026

𝗞𝗶𝗹𝗮𝗹𝗮𝗻𝗶𝗻 𝗮𝗻𝗴 𝗶𝗻𝘆𝗼𝗻𝗴 𝗺𝗴𝗮 𝗴𝘂𝗿𝗼! 🧑‍🏫🌟

Walang 1, 2, 3 go! kaniya-kaniya na 'to! rito, dahil handang-handa na ang inyong mga teacher na makilala ang mga bagong mag-aaral at magulang na magiging bahagi ng Tara, Kaya! Program!

Samahan ninyo kami sa isang panibagong taon na puno ng pangarap at paglago sa ating mga klase sa pagbasa at pagbilang, mga workshop sa Socio-Emotional Learning (SEL), at Gabay sa Bata (GSB).

Ready na? Ready na?

Mas kayang-kaya sa Year 2! ✊🏽

31/07/2026

𝗦𝗮 𝗺𝗮𝘀𝘂𝘀𝗶𝗻𝗴 𝗽𝗮𝗸𝗶𝗸𝗶𝗻𝗶𝗴, 𝗺𝗮𝘀 𝗮𝗻𝗴𝗸𝗼𝗽 𝗮𝗻𝗴 𝗽𝗮𝗴𝘁𝘂𝗴𝗼𝗻. 💬

Nagbahagi ang Punongguro ng Dolores Ongsiako Central Elementary School (DOCES), Dr. Maria Cristina A. Dugay, ng mga kuwento ng karanasan, hamon, at oportunidad na kinahaharap ng paaralan bilang lider nito sa isinagawang panayam kasama ang mga Teacher Fellow.

Kasama rin sa isinagawang panayam ang mga Master Teacher na sina Sir John Patrick Tabifranca at Ma'am Gennefer Tabile, na nagbahagi ng kanilang mahahalagang pananaw at karanasan sa pagtuturo, gayundin ng mga pangangailangan at prayoridad ng paaralan batay sa kanilang malawak na karanasan sa larangan ng edukasyon.

Sa hiwalay na panayam, masusi ring ibinahagi ng Public School District Superintendent (PSDS) ng Anao District, Dr. Lailani Junio, ang mahahalagang detalye hinggil sa mga hamon at prayoridad na nararapat tugunan sa mga paaralan sa distrito.

Ang mga panayam na ito ang nagsilbing huling yugto ng pagkalap ng impormasyon at mas malalim na pag-unawa sa konteksto ng paaralan, isang mahalagang pundasyon sa pagbuo ng proyektong sama-samang isasakatuparan ng Teach for the Philippines at DOCES.

30/07/2026

Happy birthday po, Ma’am Kris! 🎉

Taos-pusong pagbati at pasasalamat po mula sa aming mga Teacher Fellow kasama ang buong komunidad ng Dolores Ongsiako Central Elementary School! 🫂

Ang inyong dedikasyon at pagmamahal sa serbisyo ay tunay na inspirasyon at kayamanan ng bawat bata, paaralan, at komunidad na inyong pinaglilingkuran.

Tungo sa mas makabuluhan at mabungang panibagong taon, maligayang kaarawan po, Dr. Dugay!

28/07/2026

𝗪𝗮𝗹𝗮𝗻𝗴 𝗯𝗮𝘁𝗮𝗻𝗴 𝗺𝗮𝗶𝗶𝘄𝗮𝗻 𝗸𝘂𝗻𝗴 𝗮𝗻𝗴 𝗲𝗱𝘂𝗸𝗮𝘀𝘆𝗼𝗻 𝗮𝘆 𝗯𝘂𝗻𝗴𝗮 𝗻𝗴 𝗽𝗮𝗴𝘁𝘂𝘁𝘂𝗹𝘂𝗻𝗴𝗮𝗻.

Ibinahagi ng mga Teacher Fellow ng Dolores Ongsiako Central Elementary School (DOCES) ang mga kuwento ng pag-asa, pangarap, at paglago sa pagpapatupad ng Tara, Kaya! Program (TKP) para sa Taong Panuruan 2025–2026 sa pamamagitan ng Accomplishment Report na iniharap sa Sangguniang Bayan ng Anao.

Sa pangunguna ni Vice Mayor Concepcion Almazan, PhD, kasama ang mga miyembro ng Sangguniang Bayan at sa pakikipagtulungan ng Chairperson on Education na si Councilor Nathan Macayanan, naging makabuluhan ang presentasyon at talakayan tungkol sa mga naging bunga ng programa at sa mga susunod pang hakbang upang higit na mapalakas ang edukasyon sa bayan.

Higit pa sa mga datos at resulta, binigyang-diin sa presentasyon ang halaga ng matibay na ugnayan at sama-samang pagkilos ng DOCES, Teach for the Philippines, at ng Lokal na Pamahalaan ng Anao sa pagsusulong ng de-kalidad na edukasyon para sa bawat batang Anaoeño.

Taos-pusong pasasalamat ang ipinaaabot ng Teach for the Philippines sa Lokal na Pamahalaan ng Anao para sa patuloy na suporta, tiwala, at pakikipagtulungan. 💚💛

Sa ating higit pang pinagtitibay na ugnayan, sama-sama nating iaangat ang antas ng edukasyon—para sa bawat bata at para sa bayan. 🇵🇭✊🏽

23/07/2026

𝗕𝗼𝘀𝗲𝘀 𝗻𝗴 𝗸𝗼𝗺𝘂𝗻𝗶𝗱𝗮𝗱, 𝗴𝗮𝗯𝗮𝘆 𝘀𝗮 𝗯𝗮𝘄𝗮𝘁 𝗵𝗮𝗸𝗯𝗮𝗻𝗴. 💬

Aktibong ibinahagi ng mga piling lider-estudyante mula sa SELG at YES-O ang kanilang mga karanasan, pananaw, at mungkahi sa isinagawang Focus Group Discussion (FGD) bilang kinatawan ng boses ng mga mag-aaral ng Dolores Ongsiako Central Elementary School (DOCES).

Sa isinagawang FGD, nakapagbalik-tanaw ang mga mag-aaral sa iba’t ibang danas, hamon, at oportunidad sa paaralan na nagsilbing kabuoang representasyon at boses ng mga mag-aaral sa DOCES.

Nakiisa rin ang mga piling Gabay ng Tara, Kaya! Program at Dating Pangulo ng SPTA, Stephanie Gonzales sa hiwalay na Focus Group Discussion ng mga magulang na nakasentro sa pagtalakay ng mga kakulangan, pagbuo ng Problem Tree, at mga napipisil na proyekto para sa higit na kapakinabangan ng mga mag-aaral.

Ang mga nasabing gawain ay bahagi ng patuloy na pangangalap ng mga kongkretong impormasyon bilang pundasyon ng bubuoing Community Project ng DOCES katuwang ang Teach for the Philippines.

17/07/2026

Ready na? Ready na? 🙌📚

Sumailalim sa baseline assessment ang mga piling mag-aaral mula sa Key Stage 1 at 2 ng Dolores Ongsiako Central Elementary School (DOCES) bilang paghahanda sa ikalawang taon ng Tara, Kaya! Program (TKP).

Layunin ng pagtatayang ito na matukoy ang kasalukuyang antas ng kasanayan ng mga mag-aaral sa literacy at numeracy upang makapagbigay ng angkop na suporta sa kanilang pagkatuto sa pagsisimula ng programa ngayong Agosto.

Taos-pusong nagpapasalamat ang mga Teacher Fellow sa mga Learning Area Coordinators at Advisers ng paaralan sa kanilang maagap na pakikipagtulungan at suporta sa pagtukoy ng mga mag-aaral na magiging bahagi ng programa.

Ilang linggo na lamang at makikilala na natin ang panibagong batch ng mga batang ating sasamahan sa kanilang paglalakbay sa pagkatuto.

Sama-sama nating abangan ang kanilang mga kuwento, pangarap, at paglago. Hangad nating sa bawat hakbang, mas marami pa silang matutunan, matuklasan, at mapagtagumpayan. ✨

10/07/2026

𝗘𝘃𝗲𝗿𝘆 𝘃𝗼𝗶𝗰𝗲 𝗺𝗮𝘁𝘁𝗲𝗿𝘀. 𝗘𝘃𝗲𝗿𝘆 𝘀𝘁𝗼𝗿𝘆 𝗰𝗼𝘂𝗻𝘁𝘀. ✊

Bilang unang hakbang sa pagbuo ng Community Engagement Project, nakiiisa ang buong komunidad ng Dolores Ongsiako Central Elementary School (DOCES) sa isinagawang Community Assessment ng mga Teacher Fellow mula ika-6 hanggang ika-10 ng Hulyo.

Sa pamamagitan ng survey, nabigyan ng pagkakataon ang mga mag-aaral, magulang, at kawani na maibahagi ang kanilang mga karanasan, pangangailangan, at mga mungkahing makatutulong sa patuloy na pagpapaunlad ng paaralan at ng komunidad.

Layunin ng Community Assessment na makakalap ng makatotohanan at napapanahong datos na magsisilbing batayan sa pagdidisenyo ng Community Engagement Project—isang inisyatibong bunga ng kolaborasyon ng TFP at ng DOCES na tumutugon sa tunay na pangangailangan ng komunidad.

Sa gawaing ito, sama-sama nating pinagtitibay ang paniniwalang ang komunidad mismo ang higit na nakaaalam sa kanilang mga karanasan at pangangailangan. Sa pakikinig sa bawat tinig, mas makabubuo tayo ng mga programang makabuluhan, angkop, at may pangmatagalang epekto—tungo sa isang mas epektibo, inklusibo, at ligtas na paaralan.

Ylang Tanao

12/08/2026

11/08/2026

05/08/2026

31/07/2026

30/07/2026

28/07/2026

23/07/2026

17/07/2026

10/07/2026

Address

Website

Alerts

Shortcuts

Share

Category

Listing takedown request