01/04/2025
आदरणीय अभिभावकज्यूहरु,
हार्दिक मस्कार !
शेक्षिक सत्र २०८१ को वार्षिक(अन्तिम) परीक्षा आज मिति २०८१ साल चैत्र १९ गते समाप्त भइ भोली मिति २०८१ साल चैत्र २० गतेबाट विद्यार्थीहरुलाई विदा दिइएको ब्यहोरा यहाँहरुमा सादर जानकारी गराउँदछौँ । यस अवधिमा विद्यालय प्रशासन शाखा र लेखा शाखा भने दैनिक खुला रहेने कुरा पनि यहाँहरुमा जानकारी गराउँदछौँ। यस वार्षिक परीक्षाको नतिजा प्रकाशन सम्बन्धमा समयमै सूचना सम्प्रेषण गरि यहाँहरुमा जानकारीका गराइने छ। नयाँ शैक्षिक सत्र २०८२ वैशाक ४ बाट प्रारम्भ हुने कुरा पनि यहाँहरुमा सहर्ष जानकारी गराउँदछौँ ।
विदाको समयमा नानीबाबुहरुलाई एक्लै खोला नाला, जङ्गल र सवारी साधनहरु बारम्बर गुडिरहने बाटाहरुमा खेल्न दौडन नदिनुहोला।नानीबाबुहरुलाई दैनिक घरायसी कामहरु जस्तै घर-आगन बढारकुडार गर्ने,पानी भर्ने, गमलामा पानी हाल्ने,फूल गोड्ने, करेसाबारीमा पानी हाल्ने, आफुले खाएको प्लेट कचौरा आफै सफा गर्ने, सुत्ने र पढ्ने कोठा सफा गर्ने र सजाउने जस्ता कार्यमा सम्लग्न रहन उत्प्रेरणा जगाइदिनुहोला। कविता,कथा तथा उपन्यास जस्ता पुस्तकहरु पढ्ने वातावरण बनाई दिनुहोला। यस बाहेक यहाँहरुले आफ्ना नानीबाबुहरुलाई आफ्नो-आफन्तहरु संग भेटघाट गराउन , सामाजिक तथा साँस्कृतिक कार्य तथा शुभउत्सवहरुमा उपस्थित गराउन सहजिकरण गरिदिनुहोला। मौसम राम्रो भए आफ्नै स्थानीय क्षेत्रका पर्यटकीय,धार्मिक,सांस्कृतिक, औद्योगिक र ऐतिहासिक स्थलहरुको भ्रमण गराई भरपुर मनोरञ्जन गराउनुहोला । अन्त्यमा, विद्यालय परिवार सधैँ यहाँहरुको सृजनात्मक सल्लाह र सुझावको अपेक्षा राख्द छ। यहाँहरुको दिनचार्य रमणीय,स्मरणीय र फालदायी रहोस्-शुभेच्छा !!
प्रिन्सिपल तथा विद्यालय परिवार
