12/06/2026
आज यहीँ मिति २०८३-०२-२९ गतेका दिन हाम्रो यस विद्यालयमा खेलाडी सम्मान तथा कक्षा ११ काे वार्षिक परीक्षाकाे नतिजा प्रकाशन र कक्षा ६- १० कक्षा सम्मका विद्यार्थी भाईबहिनीहरूका अभिभावक र शिक्षक बिच अन्तरक्रिया कार्यक्रम गरी दुईवटा महत्त्वपूर्ण कार्यक्रम सम्पन्न भएकाे छ ।
कार्यक्रममा १६ औ राष्ट्रपति रनिङ्ग शिल्ड प्रतियाेगितामा स्वर्ण पदक ,रजत पदक र कास्य पदक प्राप्त गर्ने खेलाडीहरूलाई नगद पुरूस्कार सहित सम्मान गरिएकाे छ । साथमा जिल्ला र प्रदेशमा समेत छनाैट भएर पदक प्राप्त गर्ने विद्यार्थीहरूलाई केही नगद रकमका साथमा मायाकाे चिनाे समेत प्रदान गरिएकाे छ । त्यसै गरी कक्षा ११ मा स्थान प्राप्त गर्ने विद्यार्थी भाई बहिनीहरूलाई पुरस्कृत गरी आगामी दिनमा विद्यालयकाे शैक्षिक गतिविधि कसरी प्रभावकारी बनाउने शैक्षिक गुणस्तर कायम राख्न के कस्ता रणनीति अपनाउने भन्ने जस्ता महत्त्वपूर्ण विषयमा छलफल गरिएकाे छ । साथै आजकाे खेलाडी सम्मान कार्यक्रमकाे लागि वि. व्य. स. अध्यक्ष गणेश बि. क .ज्युले रू ९००० रूपियाँ,शि. अ. संघ अध्यक्ष कमल राई ज्युले रू ८००० रूपियाँ, वि. व्य. स.सदस्य जाङ्बु राई (पारूहाङ्) ज्युले ८००० रूपियाँ र हाम्रो अभिभावक बुुद्विजीवी मिङमार राई ज्युले रू ३००० रूपियाँ सहयाेग गरी खेलाडी सम्मान कार्यक्रमकाे लागि महत्त्वपूर्ण सहयाेग गर्नु भएकाेले उहाँहरूलाई विद्यालय परिवार हार्दिक धन्यवाद ज्ञापन गर्दछाै ।
साथै सम्पूर्ण पदक विजेता खेलाडीभाई बहिनीहरूलाई हार्दिक बधाईका साथमा भावी दिनमा अझ थप प्रगतिकाे कामना सहित उज्जवल भविष्यकाे कामना गर्दछाैँ । साथै आजकाे कार्यक्रममा प्रत्यक्ष उपस्थित भएर कार्यक्रमलाई सफल बनाईदिने वि.व्य. स. शि. अ. संघका साथै सम्पूर्ण अभिभावक ज्युहरू सबैलाई विद्यालय परिवार हार्दिक धन्यवाद व्यक्त गर्दछाैँ।
विद्यालय परिवार
श्री हिमालय माध्यमिक विद्यालय
माप्य दुधकाेशी गाउँपालिका -३ खास्ताप,साेलुखुम्बु
