LALIGURANS ACADEMY,ISHWORPUR-2,SARLAHI (NEPAL)

15/07/2026

सूचना !

11/07/2026

जब मोबाइल, ट्याबलेट वा अन्य उपकरणहरू बालबालिकाको बोर लाग्दा, तनाव हुँदा वा फुर्सदको समयमा स्वाभाविक रोजाइ बन्न थाल्छन्, तब उनीहरूको विकासका केही महत्त्वपूर्ण पक्षहरू बिस्तारै कमजोर हुन सक्छन्।

छिटो सन्तुष्टि दिने डिजिटल संसारमा बालबालिकाले लामो समयसम्म ध्यान केन्द्रित गर्ने क्षमता, सक्रिय कल्पनाशक्ति, गहिरो सोच-विचार गर्ने क्षमता र धैर्यका साथ सिक्ने आनन्द गुमाउने जोखिम हुन्छ।

यो किन महत्त्वपूर्ण छ?

विश्व स्वास्थ्य संगठन (WHO) ले साना बालबालिकाले स्क्रिनअगाडि कम समय बिताउन र सक्रिय खेल, पर्याप्त निद्रा तथा अभिभावकसँग बसेर पढ्ने र कथा सुनाउने जस्ता गतिविधिमा बढी समय दिन सिफारिस गरेको छ।

अमेरिकन एकेडेमी अफ पेडियाट्रिक्स (AAP) का अनुसार, सँगै बसेर पढ्दा पढ्ने सीप मात्र विकास हुँदैन, यसले अभिभावक र बालबालिकाबीचको भावनात्मक सम्बन्ध पनि बलियो बनाउँछ। साथै भाषा, सामाजिक, भावनात्मक र बौद्धिक विकासमा पनि महत्त्वपूर्ण योगदान पुर्‍याउँछ।

त्यसैगरी, नेशनल लिटरेसी ट्रस्ट का अनुसार, रमाइलोका लागि पढ्ने बानीले बालबालिकाको समग्र कल्याणमा ठूलो योगदान दिन्छ। यसले पढ्ने सीप मात्र सुधार्दैन, सहानुभूति, आत्मविश्वास र शैक्षिक उपलब्धि पनि बढाउँछ।

पढ्ने बानीले केवल स्क्रिनको समय घटाउँदैन। यसले बालबालिकालाई मस्तिष्कलाई सक्रिय बनाउने, सिर्जनात्मक र अर्थपूर्ण विकल्प प्रदान गर्छ।

बालबालिकामा पढ्ने बानी कसरी विकास गर्ने?

• कम समयबाट सुरु गर्नुहोस्:

हरेक दिन केवल १० देखि १५ मिनेट पढ्ने बानी बसाल्दा कुनै दबाब महसुस हुँदैन र बिस्तारै जीवनभर टिक्ने पढ्ने बानी विकास हुन्छ।

• सँगै पढ्नुहोस्:

बालबालिकालाई “पढ” भनेर मात्र भन्नुभन्दा उनीहरूसँगै बसेर पढ्नु धेरै प्रभावकारी हुन्छ। यसले सँगै बिताएका सुन्दर क्षणहरू सिर्जना गर्छ र अर्थपूर्ण संवादको अवसर पनि दिन्छ।

• छनोट गर्न दिनुहोस्:

कमिक्स, ग्राफिक उपन्यास, कविता र जानकारीमूलक (गैर-कथात्मक) किताबहरू पढाइतर्फ आकर्षित गर्ने उत्कृष्ट माध्यम हुन्।

• स्क्रिन-रहित समय र स्थान बनाउनुहोस्:

खाना खाने बेला, सुत्नुअघि र विद्यालयबाट फर्किएपछिको पहिलो एक घण्टालाई शान्त र स्क्रिन-रहित समयका रूपमा सुरक्षित राख्नुहोस्।

• आफैँ उदाहरण बन्नुहोस्:

बालबालिकाले अरुले नियमित रूपमा पढिरहेको देखे भने उनीहरू पनि पढ्ने सम्भावना धेरै हुन्छ।

• पढ्न अनुकूल वातावरण बनाउनुहोस्:

सभार

03/07/2026

कक्षा १२ को Transcript बनाउने बारेको जानकारी ।

१. कक्षा १२ उत्तीर्ण विद्यार्थीले TMP (Transcript, Migration, Provision Certificate) बनाउनु पर्ने हुन्छ ।
२. विद्यालयबाट दिने भनेको Character certificate हो जुन TMP बनाएर ल्याए पछि मात्र पाइन्छ ।
३. TMP विद्यालयमा आउदैन, विद्यार्थी आफैंले मगाउनु पर्छ ।
४. TMP बनाउन राष्ट्रिय परीक्षा बोर्ड, प्रदेश कार्यालय जानू पर्ने हुन्छ, राष्ट्रिय परीक्षा बोर्डले विद्यार्थी लिन जादा दिदैन विद्यालयले ल्याइदिनु पर्ने हुन्छ ।
५. विद्यालयले ती विद्यार्थीको मात्र TMP ल्याइदिन्छ जसले आवश्यक कागजात र TMP बापतको रकम विद्यालयमा जम्मा गरेका हुन्छन ।
६. परीक्षा बोर्डले निवेदन दिएको १० दिन पछि मात्र TMP दिन थाल्छ ।
७. विद्यालयले ७-१० दिन जतिमा विद्यार्थीको documents बुझेर लान्छ, अर्को ७ दिनमा TMP बन्छ र विद्यालयले फेरि गएर ल्याएर विद्यार्थीलाइ दिन अर्को ७ दिन जस्तो लाग्छ, यसरी हेर्दा विद्यार्थीले विद्यालयमा documents बुझाएको करीब १५ दिन पछि मात्र TMP पाउँछन् ।
८. विद्यार्थीलाई अब माथिल्लो तह पढन TMP अनिवार्य चाहिन्छ, त्यसैले यो बेलैमा बनाउनु पर्छ ।
९. जो विद्यार्थीलाइ TMP छिटो चाहिएको छ, उनिहरुले छिटो भन्दा छिटो विद्यालयमा documents हरु बुझाउनु पर्ने हुन्छ ।
TMP बनाउन के के चाहिन्छ ?
१. SEE को ग्रेडसीट प्रतिलिपी
२. कक्षा ११ को विद्यालयले दिएको ग्रेडसीट प्रतिलिपी
३. नेटबाट निकालेको कक्षा १२ को ग्रेडसीट
४. तोकिएको शुल्क

नोट: पुराना विद्यार्थीको हकमा अहिले सम्म दिएका कक्षा १२ को ग्रेडसीट प्रतिलिपी पनि आवश्यक हुन्छ ।
द्रष्टव्य: आफुलाई चाहिएको बेला तत्काल TMP नपाइन सक्छ त्यसैले बेलैमा विद्यालयमा सम्पर्क राखौं !

02/07/2026

30/06/2026

SEE Grade Sheets and Certificates aee ready for issue. Bearers may contact the account secion before 22nd of Asar with recent PP sized photo, Certificate charge and Pre-Dues[if any] . Thankyou.

School Admin.

28/06/2026

🏅 हार्दिक बधाई तथा शुभकामना! 🏅
मधेश प्रदेशस्तरीय आईटीएफ तेक्वान्दो प्रतियोगितामा ३ स्वर्ण, १ रजत तथा २ कास्य पदक हासिल गरी विद्यालयको गौरव बढाउनुहुने लालीगुराँस एकेडेमीका सम्पूर्ण प्रतिभाशाली विद्यार्थीहरूलाई हार्दिक बधाई तथा सफलताको शुभकामना।
तपाईंहरूको अथक मेहनत, अनुशासन र समर्पणले यो गौरवमय उपलब्धि सम्भव भएको हो। आगामी दिनहरूमा पनि यस्तै उत्कृष्ट प्रदर्शन गर्दै विद्यालय, परिवार र राष्ट्रको नाम अझ उज्ज्वल बनाउँदै जानुहोस् भन्ने शुभेच्छा व्यक्त गर्दछौँ।

**💐 धेरै धेरै बधाई! भविष्यका प्रतियोगिताहरूका लागि हार्दिक शुभकामना! 💐**

25/06/2026

अभिभावक भेला सम्बन्धी सूचना !

यस विद्यालयमा अध्ययनरत कक्षा ९ र १० का सम्पूर्ण विद्यार्थीहरूका अभिभावकज्यूहरूलाई सादर जानकारी गराइन्छ कि विद्यार्थीहरूको शैक्षिक प्रगति, अनुशासन, नियमितता तथा विद्यालयका आगामी कार्यक्रमहरूबारे छलफल गर्न अभिभावक भेला आयोजना गरिएको छ।
अतः सम्बन्धित सबै अभिभावकज्यूहरूलाई तोकिएको मिति, समय र स्थानमा अनिवार्य रूपमा उपस्थित भई कार्यक्रम सफल बनाउन हार्दिक अनुरोध गरिन्छ।

मिति : २०८३/०३/१२ शुक्रवार
समय : दिनको २ बजे
स्थान : विद्यालय सभा हल
लालिगुराँस एकेडेमी (१०+२)
ईश्वरपुर–६, बयलबास, सर्लाही
९८५४०३६८७१

23/06/2026

⚽🏆 लालीगुराँसमा पनि छायो FIFA World Cup 2026 को रोमाञ्च🌍🔥

विद्यार्थीदेखि शिक्षकसम्म, सबैको मनमा एउटै उत्साह, एउटै चर्चा— आफ्नो मनपर्ने टोलीको जितको कामना। 🇦🇷🇧🇷🇫🇷🇪🇸🇵🇹

फुटबलले हामीलाई केवल खेलको मनोरञ्जन मात्र होइन, अनुशासन, टोली भावना, सम्मान र विश्व एकताको सन्देश पनि दिन्छ। 💙🤝

आउनुहोस्, खेल भावना कायम राख्दै विश्व फुटबलको महाकुम्भको रोमाञ्च सँगै अनुभव गरौँ।

"गोलको खुसी, सपनाको उडान, विश्वकपको जोशसँगै लालीगुराँसको पहिचान!" ⚽✨