जनसेवा माध्यमिक विद्यालय, रमाइलो, मोरङ

सम्पर्क: ९८४२१२२१११/९८४२१०५१५४ ।

यसै सूचनाका आधारमा भोलि असार २ गते विद्यालय बिदा गरिएको जानकारी गराइन्छ ।

जरुरी सूचना

जेठ ३१ र असार १ गते आयोजना हुने पी. टी. तालिम (Physical Training)मा छनोट भएका भाइबहिनीहरूलाई आ-आफ्नो House Dress लगाई आउनका लागि जानकारी गराइन्छ ।

अति जरुरी सूचना ।

आज विद्यालयमा विद्यालय नेता (School Captain) / उपनेता (Vice-Captain) / सदन नेता / उपनेता चयन मात्र गरिएन बरु निर्वाचन कस्तो हुन्छ भनेर विद्यार्थीहरूलाई प्रयोगात्मक शिक्षण गरियो । निर्वाचनका सबै प्रकृया पूरा गरेर मतदान गराइयो । मतदाता नामावली बनाउने / उम्मेद्वारी दिने / फिर्ता लिने / प्रस्तावक र समर्थक राख्ने / प्रचारप्रसार गर्ने / आचारसंहिता लागु गर्ने / मतगणना प्रतिनिधि राख्ने / हस्ताक्षर गर्ने जस्ता सबै कुरा गरिए / सिकाइयो । मतदान अधिकृत मात्र शिक्षकहरू राखेर अरू सबै भूमिका विद्यार्थीहरूलाई दिइयो । सुरक्षाकर्मीको भूमिकामा स्काउटका विद्यार्थीहरू थिए । उनीहरूलाई आवश्यक परे कसरी बल प्रयोग गर्नुपर्छ भनेर सिकाइयो । हतियार (लाठी) सहितका सुरक्षकर्मीले हतियार चलाउनु परेन । मतदान अति शान्तिपूर्ण रह्यो । ८-१० कक्षाका उम्मेद्वारहरूलाई ६-१० का विद्यार्थीहरूले मतदान गरेका थिए । ६०० भन्दा बढी मतदाता रहेकामा ५१४ मत खसेको थियो । School Captain मा रश्मि लुङ्गेली मगर निर्वाचित भइन् भने School Vice-Captain मा चेसुङ लिम्बू चयन भइन् । रेड हाउस नेता / उपनेता क्रमश: सन्दीपा गुरुङ र शिक्षा काफ्ले, ग्रीनमा मनिष विक र समीर न्यौपाने (निर्विरोध), ब्लूमा सृष्टि न्यौपाने र आगमन यादव तथा येलोमा पूर्णिमा धिमाल र दीक्षा जिमी निर्वाचित भएका छन् । सामाजिक शिक्षण विभागको अगुवाइमा भएको यो निर्वाचनमा खट्ने सबै शिक्षकज्यूहरूमा विद्यालय परिवार आभार प्रकट गर्दछ । विजेता सबै १० जना भाइबहिनीहरूलाई हार्दिक बधाई ! (मध्यान्हको अति चर्को घामका कारण सबै कक्षाका भाइबहिनीहरूलाई एकैपटक लाइनमा लगाउन नसकिएका कारण कक्षागत रूपमा आलोपालो मतदान गराउनु पर्‍यो ।)

कक्षा ११ मा नन् ग्रेडेड (अनुत्तीर्ण) भएका विद्यार्थीहरूका लागि अति जरुरी सूचना ।

कक्षा ११ को नतिजा प्रकाशन गरिएको । कानेपोखरी गापा परीक्षा समितिको निर्णयअनुसार १ वा २ विषयमा नन् ग्रेडेड भएका वा अनुपस्थित भएका परीक्षार्थीहरूको ग्रेडवृद्धि परीक्षा जेठ २१ र २२ गते सञ्चालन हुनेछ । आफ्नो ग्रेड र GPA का बारेमा जानकारी लिन विद्यालयमा सम्पर्क गर्न सूचित गरिन्छ ।