The Rising English Secondary Boarding school - Biratchowk

📚 कक्षा ९ का विद्यार्थीहरूको शैक्षिक तथा औद्योगिक भ्रमणका केही झलकहरू
आज The Rising School ,कक्षा ९ का विद्यार्थीहरूले शैक्षिक तथा औद्योगिक भ्रमण (Educational & Industrial Visit) अन्तर्गत विभिन्न खाद्य उद्योगहरूको अवलोकन गरेका छन्।
यस क्रममा विद्यार्थीहरूले बिस्कुट, नुडल्स/चाउचाउ तथा चिजबल उत्पादन लगायतका प्रक्रियाहरू प्रत्यक्ष रूपमा अवलोकन गर्दै उद्योगमा प्रयोग हुने प्रविधि, मेसिनरी, उत्पादन प्रक्रिया, गुणस्तर नियन्त्रण तथा प्याकेजिङसम्बन्धी व्यावहारिक ज्ञान हासिल गरे।
कक्षाकोठामा सिकेको सैद्धान्तिक ज्ञानलाई वास्तविक औद्योगिक वातावरणसँग जोड्ने यस भ्रमणले विद्यार्थीहरूको व्यावहारिक ज्ञान, जिज्ञासा, सिर्जनशीलता तथा सिकाइप्रतिको रुचि बढाउन महत्वपूर्ण भूमिका खेलेको छ।
शैक्षिक तथा औद्योगिक भ्रमणका केही झलकहरू...
“Learning Beyond the Classroom!”
- The Rising School

द राइजिङ इङ्ग्लिस बोर्डिङ स्कुलमा माध्यमिक तह अन्तरविद्यालय फुटसल प्रतियोगिता सम्पन्न

सुन्दरहरैंचा, मोरङ, साउन १७ — मोरङको सुन्दरहरैंचा–१० स्थित द राइजिङ इङ्ग्लिस बोर्डिङ स्कुल को आयोजनामा आज माध्यमिक तह अन्तरविद्यालय फुटसल प्रतियोगिता–२०८३ उत्साहपूर्वक सम्पन्न भएको छ।

प्रतियोगितामा क्षेत्रका १२ विद्यालयको सहभागिता रहेको थियो। नकआउट प्रणालीमा सञ्चालन गरिएको प्रतियोगितामा विद्यार्थीहरूले उत्कृष्ट खेल प्रदर्शन गर्दै अनुशासन, खेल भावना, आपसी सहकार्य र प्रतिस्पर्धात्मक क्षमता प्रस्तुत गरेका थिए। दिनभर सञ्चालन भएका खेलहरूले विद्यालयस्तरको खेलकुद गतिविधिलाई थप उत्साहजनक बनाएको थियो।

विद्यालयका प्रिन्सिपल गोपाल पाठक ले विद्यार्थीको सर्वाङ्गीण विकासका लागि शैक्षिक गतिविधिसँगै खेलकुद पनि उत्तिकै आवश्यक रहेको बताउनुभयो। उहाँले यस्ता प्रतियोगिताले विद्यार्थीमा नेतृत्व क्षमता, आत्मविश्वास, अनुशासन र समूहमा काम गर्ने संस्कारको विकास गर्ने उल्लेख गर्दै आगामी दिनमा पनि विद्यालयले यस्ता कार्यक्रमलाई निरन्तरता दिने जानकारी दिनुभयो।

प्रतियोगितामा सुकुना होटल म्यानेजमेन्ट, के.यू. एकेडेमी, एसआईईबीएस, महर्षि, बाल प्रतिभा, द राइजिङ इङ्ग्लिस बोर्डिङ स्कुल, हरैँचा मोडल, सिद्धार्थ, ब्राइट फ्युचर, हिमशिखर, रेड स्टार र शिक्षा सन्देश विद्यालयका टोलीहरूको सहभागिता रहेको थियो।
प्रतियोगिता सफलतापूर्वक सम्पन्न भएको भन्दै आयोजकले सहभागी विद्यालय, खेलाडी, प्रशिक्षक, निर्णायक तथा सहयोगी सबैप्रति आभार व्यक्त गरेको छ।