Shree Devi Basic School,Konjyosom-4

आज श्री देवी आधारभूत विद्यालय, कोन्ज्योसोम-४, नल्लुको आयोजनामा शैक्षिक सत्र २०८३ का लागि "विद्यार्थी भर्ना अभियान तथा घरदैलो कार्यक्रम" उत्साहजनक रूपमा सञ्चालन गरियो। टोल-टोलमा पुगेर अभिभावकहरूसँग भेटघाट गर्दै शिक्षाको महत्त्व र विद्यालयका सुविधाहरूबारे जानकारी गराइयो।
​हाम्रा मुख्य विशेषताहरू:
✅ दक्ष शिक्षकहरूद्वारा अध्यापन
✅ दिवा खाजाको व्यवस्था
✅ थप अतिरिक्त क्रियाकलापहरू
✅ पर्याप्त खेल मैदान र शैक्षिक वातावरण
✅ कम्प्युटर शिक्षाको व्यवस्था
​नानीबाबुहरूलाई आजै भर्ना गरी गुणस्तरीय शिक्षाको अवसर दिलाउनुहोस्।
​📍 स्थान: कोन्ज्योसोम-४, नल्लु
📞 सम्पर्क: ९८४३०५४८०६
​

कलिला ती कोपिलालाई ज्ञानको रङ्गले भर्नु छ,
अक्षर र अङ्कलाई अब चित्रमा उतार्नु छ ।
लुनिभाको साथ मिल्यो, श्री देवीका शिक्षक जुटे,
सिर्जनाका नयाँ मार्ग कोठाभित्रै आज फुटे ।।
​कागज र कैँचीका तालमा हातहरू नाचिरहे,
विद्यार्थीको भविष्यलाई सुन्दर रूपमा बाँचिरहे ।
जटिल ती पाठहरूलाई सजिलो पार्ने यो कसरत,
शिक्षकको यो जाँगर नै हो विद्यालयको असल थातथलो ।।
​दृश्यबाटै बुझाउने, बालकको मन लोभ्याउने,
सिकाइलाई रमाइलो र जीवनसँग जोभ्याउने ।
तस्बिरमा हेर्नुहोस् यी मिहिनेतका सुन्दर स्वरूप,
यही हो हाम्रो विद्यालयको बदलिँदो एउटा नयाँ रूप ।।
​व्यस्त रह्यौँ दिनभरि, तर थकान कतै छैन मनमा,
ज्ञानको ज्योति बलिरहोस् सधैँ यस्तै पावन क्षणमा ।
रङ्गीन सामग्री जस्तै रङ्गीन रहोस् नानीहरूको भविष्य,
हाम्रै यी हातले कोर्ने छौँ अब सफलताको महान दृश्य ।।
​

"मिहिनेतको पसिनाले जब अक्षरहरू भिज्छन्,
तब सफलताका फूलहरू यसरी नै फक्रिन्छन्।"
​आज श्री देवी माध्यमिक विद्यालयको प्राङ्गणमा एउटा सुन्दर शैक्षिक यात्राको सुखद समापन भएको छ। वर्षभरिको अनुशासन, धैर्यता र परिश्रमको प्रतिफल स्वरूप आज 'वार्षिक नतिजा प्रकाशन तथा पुरस्कार वितरण समारोह' भव्यताका साथ सम्पन्न भयो। 📖🏆
​कलिला हातहरूमा सफलताको प्रमाणपत्र र मनमा आगामी यात्राको सपना बोकेका हाम्रा प्यारा विद्यार्थीहरूको उत्साहले विद्यालयको वातावरण अझै उज्यालो देखिन्थ्यो। यस विशेष घडीमा विद्यालय व्यवस्थापन समितिका अध्यक्ष श्री सलकुमार घलान ज्यूले आफ्ना ममतामयी हातहरूबाट विद्यार्थीहरूलाई पुरस्कार तथा उपहार प्रदान गरी उनीहरूको हौसला बढाउनुभयो। अध्यक्ष ज्यूको समुपस्थिति र प्रेरणादायी अभिभावकत्वले कार्यक्रममा छुट्टै गरिमा थपेको थियो। 🎖️🤝
​नतिजामा उत्कृष्ट स्थान हासिल गर्ने सम्पूर्ण नानीबाबुहरूमा हार्दिक बधाई! तपाईँहरूको यो सफलता शिखरसम्म पुग्ने पहिलो पाइला बनोस्। साथै, अहोरात्र खटिएर ज्ञानको ज्योति छर्ने आदरणीय गुरुवर्ग र विश्वासिलो जग बनिदिनुहुने अभिभावकज्यूहरूमा हार्दिक आभार व्यक्त गर्दछौँ।
​भविष्यका यी सुन्दर कोपिलाहरू सधैँ यसरी नै फक्रिइरहुन्, शुभकामना! 💐🎓
​

शिक्षा क्षेत्रमा चाइना फाउन्डेसनको यो सराहनीय सहयोगप्रति श्री देवी आधारभूत विद्यालय, नल्लु-४ परिवार हार्दिक आभार व्यक्त गर्दछ।
आज आयोजित एक विशेष कार्यक्रमका बीच कोन्ज्योसोम गाउँपालिका वडा नं. ४ का वडा अध्यक्ष श्री तीर्थ बहादुर घलान ज्यू र विद्यालय व्यवस्थापन समितिका अध्यक्ष श्री सल कुमार घलान ज्यू को विशेष उपस्थितिमा विद्यार्थीहरूलाई विद्यालय झोला, स्टेशनरी सामग्री, टिफिन बक्स, पानीको बोतल, साबुन, मन्जन र तौलिया लगायतका सामग्रीहरू वितरण गरियो।
चाइना फाउन्डेसनको यो महत्वपूर्ण सहयोगले विद्यार्थीहरूको पठनपाठनमा थप उत्साह र ऊर्जा प्रदान गर्ने विश्वास हामीले लिएका छौं। कार्यक्रमलाई सभ्य र भव्य रूपमा सम्पन्न गर्न सहयोग पुर्‍याउनुहुने सम्पूर्णमा धन्यवाद ज्ञापन गर्दछौं।
#श्रीदेवीआधारभूतविद्यालय #नल्लु #चाइनाफाउन्डेसन #शैक्षिकसहयोग #वडाअध्यक्ष #विव्यस #शिक्षा #विद्यार्थी #सहयोग #ललितपुर

किताबका पानाबाट बाहिर निस्किएर प्रकृतिको काख र इतिहासको आँगनमा एक दिन!"
​आज नल्लुस्थित हाम्रो देवी माध्यमिक विद्यालयका विद्यार्थी भाइबहिनीहरूलाई लिएर माता पाथीभराको पावन दर्शन र भ्रमण सफलतापूर्वक सम्पन्न भयो। यो यात्रा हाम्रा लागि केवल एक भ्रमण मात्र नभई बहुआयामिक सिकाईको केन्द्र बन्यो:

आज श्री देवी आधारभूत विद्यालयका सम्पूर्ण कक्षाका विद्यार्थीहरूको लागि ललितपुरको गोदावरीमा शैक्षिक भ्रमण सफलतापूर्वक सम्पन्न भयो। प्रकृतिसँग रमाउँदै विद्यार्थीहरूले वनस्पति र वातावरणको बारेमा धेरै कुरा सिक्ने मौका पाए। 🌸🚌
​भ्रमणका केही रमाइला झलकहरू: 📸✨
​ #गोदावरी #शैक्षिक_भ्रमण #श्री_देवी_आधारभूत_विद्यालय

"बधाई तथा सम्मान: हाम्रो गौरव, हाम्रो सफलता!" 🏆🎓
​२०८१ सालको BLE परीक्षामा 'हाम्रो कोन्ज्योसोम' र 'गणित' विषयमा उत्कृष्ट नतिजाका साथ सामुदायिक विद्यालयतर्फ प्रथम स्थान हासिल गर्न सफल हुनुभएकोमा हाम्रा आदरणीय शिक्षकद्वय श्री मुकेश महर्जन र श्रीअप्सरा कार्की खड्का ज्यूलाई हार्दिक बधाई!
​गाउँ सभाको १७ औँ अधिवेशनको पावन अवसरमा कोन्ज्योसोम गाउँपालिकाद्वारा यहाँहरूको कडा परिश्रम र योगदानको उच्च कदर गर्दै सम्मानित गरिएकोमा विद्यालय परिवार निकै गौरवान्वित छ।
​यहाँहरूको उत्तररोत्तर प्रगतिको कामना गर्दछौँ। 💐✨
​

आज यस श्री देवी आधारभूत विद्यालयमा 'दोस्रो त्रैमासिक परीक्षा'को नतिजा प्रकाशन गरियो। विबेस पदाधिकारी र अभिभावकज्यूहरूको उपस्थितिमा जेहेन्दार विद्यार्थीहरूलाई पुरस्कार वितरण गरी उनीहरूको सफलताको सम्मान गरियो।
​सफल सबै विद्यार्थी भाइबहिनीहरूलाई हार्दिक बधाई तथा उज्ज्वल भविष्यको शुभकामना! 💐📖
​