परिचय:
सुदूरपश्मिाञ्चल विकास क्षेत्रको प्रवेशद्वारका रुपमा अवस्थित अत्तरिया नगरीमा उच्चशिक्षा अध्ययनको सुनौलो अवसरबाट बञ्चित गरिब,दलित,जनजाति तथा महिला विद्यार्थीको अवस्था एवं यस क्षेत्रका सम्पूर्ण जनसमुदायको आवश्यकतालाई हृदयंगम गर्दै अत्तरिया क्षेत्रमा उच्च शिक्षा अध्ययन कार्यलाई सर्वसुलभ बनाउन यस क्षेत्रका बुद्धिजीवी,शिक्षक, व्यपारी,उद्योगपति,किसान , समाजसेवी, शिक्षाप्रेमी, राजनैतिक दल तथा आम जनसमुदायको संयुक्त प्रयासमा त्रि.वि. बाट सम्बन्धन प्राप्त गरी सामुदायिक क्षेत्रबाट सञ्चालित यस दुर्गालक्ष्मी बहुमुखी क्याम्पस अत्तरियाको २०६३ सालमा विधिवत् रुपमा स्थापना भएको कुरा सर्वविदितै छ ।
सस्तो शुल्क दक्ष जनशक्ति, उत्कृष्ट परीक्षाफल, स्वस्थ्य शैक्षिक माहोल, विद्यार्थीहरूको माग र बढदो चापका कारण शुरुका दिनमा शिक्षाशास्त्र सङ्काय तर्फ B Ed संचालन गर्दै आएको यस क्याम्पसले छोटो अवधिमा व्यवस्थापन सङ्कायमा BBS र मानविकी सङ्काय तर्फ BA सञ्चालन भैरहेको कुरा सर्वविदितै छ । साथै यसै शैक्षिक सत्रदेखि स्नाकोत्तर तह मानविकी संकायमा MA नेपाली र व्यवस्थापन संकायतर्फ MBS सञ्चालन हुन गइरहेको कुरा सहर्ष जानकारी गराइन्छ । गैरनाफामुखी यस सामुदायिक शैक्षिक संस्थाले न्युनतम शुल्कमा गुणस्तरीय शिक्षा प्रदान गर्नुका साथै राष्ट्रिय तथा अन्तराष्ट्रियस्तरका सक्षम, प्रतिस्पर्धी जनशक्ति उत्पादन गरी मुलुकको समग्र विकासमा महत्वपूर्ण योगदान पु-याउने उद्देश्यका साथ स्थापना भएको हो ।
