03/08/2026
NOKIA ले Android लाई पत्याएन, Yahoo ले गुगललाई पत्याएन, कोडकले Digital क्यामेराको भविष्य देख्न सकेन, ब्लकबस्टरले NETFLIX लाई टेरेन । आज नोकिया कहाँ छ एन्ड्रोइड कहाँ पुग्यो । याहू कहाँ छ Google कहाँ पुग्यो, KODAK कहाँ छ डिजिटल क्यामेराले के गर्दैछ, Blockbuster कहाँ छ नेटफ्लिक्स् कहाँ पुग्यो । त्यसैले खतरा मोल्न नडराउनुहोस्, परिवर्तनलाई आत्मसाथ गर्नुहोस्,यदी समयसँगै परिवर्तन हुन सकिएन भने एक दिन लोप भएर हराउनु पर्नेछ ।
फेसबुकले समयमै इन्स्टाग्राम र WhatsApp लाई किन्यो,गुगलले समयमै YouTube लाई किन्यो । यसबाट के सिक्ने ? आफ्नो प्रतिस्पर्धी शत्रु धेरै बलियो हुन नपाउँदै उसलाई आफ्नो मित्र बनाइहाल्नुहोस् ।
६५ वर्षको उमेरमा कर्णेल स्याण्डर्सले KFC स्थापना गरे, ज्याक माले त्यही KFC मा जागिर नपाएको हुनाले Alibaba स्थापना गरे । अलिबाबाबाट संसार प्रसिद्ध भएर ५५ वर्षमा उनी रिटायर्ड भए ।
अब के भन्ने ? के उमेरले काम सुरु गर्न रोक्दो रहेछ त ?
बाराक ओबामा ४५ वर्षमा राष्ट्रपती बने ५५ वर्षमा रिटायर्ड भए,जो वाइडेन ८० वर्षमा राष्ट्रपति बने, कति वर्षमा रिटायर्ड हुन्छन टुङ्गो छैन ।
रबि लामिछाने ६ महिना राजनीति गरेर ४८ वर्षमा उपप्रधान मन्त्री बने र २५ दिनमा पद गुमाए, उता रामचन्द्र पौडेल ६० वर्ष राजनीति गरेर ७८ वर्षमा राष्ट्रपती बने,५ वर्ष अब ढुक्कै भयो ।
मेरो साथी जहिलै उमेर गयो,उमेर गयो भन्छ । खोइ के भनेर बुझाऔँ ? उमेर आखिर अङ्क त रहेछ,सबैको जीवन आफ्नै ढंगको हुने रहेछ ।
यदी नजिकैको साथीको प्रगती देखेर पिरोलिने गर्नुभएको छ भने बन्द गर्नुस्, सबैको जीवनको आफ्नै प्रश्नपत्र हुन्छ, यदी अरूको उत्तर कपी गर्न खोजियो भने अवश्य गडबड हुन्छ ।
एक ट्याक्टर ड्राइभरलाई Ferrari को मालिकले नराम्रो व्यवहार गर्यो, ट्याक्टर ड्राइभरले लाम्बोर्गिनी स्थापना गरिदियो । आज फरारी कहाँ, Lamborghini कहाँ ? त्यसैले कसैलाई पनि कमजोर सोचेर हेप्ने काम नगरौँ ।
९० मिनेटको खेलमा कसले कतिखेर गोल गर्छ कसलाई थाहा छ र ?? सुरुको गोलको जती मान्यता छ, अन्तिम मिनेटको गोल पनि त उत्तिकै मान्यताको हुन्छ । मुख्य कुरा गोल गर्नुपर्यो, त्यती भए कुरा सकियो ।
जिन्दगीमा हरेस नखानुस्, नअात्तिनुस्, बस केही कुरा काे सुरुवात गर्नुस्, गर्न चाहिँ गर्नुस्, सफलता अबश्य हुन्छ ।
