09/03/2026
चुनाव जित्न बालेनको 'मौन क्रान्ति': अपनाएका थिए यस्ता नयाँ सैली :
१. सामाजिक सञ्जालमा आफ्नै करोडौँ फलोअर्स भएर पनि बालेनले चुनावको लागि कुनै पनि पोस्ट नगरेर 'प्रचारभन्दा आफ्नो काम ठूलो कुरा हो' भन्ने बलियो सन्देश दिए। उनले विज्ञापन र तडकभडक बिना पनि मानिसको मन जित्न सकिन्छ भन्ने कुरा पुष्टि गरे।
२. मतदातासँग हात जोडेर भोटको याचना गर्ने पुरानो शैलीलाई उनले पूरै त्यागे। उनले आफ्नो काम र योजनालाई नै भोट माग्ने आधार बनाए, जसले गर्दा जनताले उनलाई एउटा आशाको नयाँ विकल्पको रूपमा हेरे।
३. राजनीतिक कार्यक्रममा घण्टौँसम्मका पुराना र उदेकलाग्दा भाषण सुन्ने बानी परेका जनताका लागि बालेनको ५ वटा कार्यक्रममा जम्मा २७ मिनेटको छोटो र ठोस कुरा निकै अर्थपूर्ण लाग्यो। उनले धेरै बोल्नुभन्दा धेरै काम गर्ने आफ्नो प्रतिबद्धतालाई यसरी देखाए।
४. झापा-५ को उम्मेदवार भएर पनि देशभरका ५० भन्दा बढी जिल्ला घुम्नुले उनलाई एउटा क्षेत्रको मात्र नेता नभई, 'देशको राष्ट्रिय नेता'को रूपमा उभ्यायो। यो भ्रमणले उनलाई जनताको नाडी छाम्ने र देशको अवस्था बुझ्ने मौका दियो।
५. मुख्यधारका मिडियाको अन्तर्वार्ता र राजनीतिक स्टन्टमा अल्झिनु भन्दा जनताको बीचमा गएर प्रत्यक्ष कुरा गर्ने शैली उनले अपनाए। यसले गर्दा उनले आफू र जनताबीचको सम्बन्धलाई झन् नजिक र पारदर्शी बनाए।
६. चुनावको मुखमा मात्र झापा-५ मा केन्द्रित भएर उनले विपक्षीको बलियो पकड मानिने क्षेत्रमा निकै ठूलो चुनौती दिए। यो उनको अन्तिम ७ दिनको रणनीतिले राजनीतिमा धैर्य र योजनाको कति महत्त्व हुन्छ भन्ने कुरालाई स्पष्ट पार्छ।
७. यो चुनावी अभियान महँगा प्रचार, होर्डिङ बोर्ड र तामझाम बिना नै जनताको मन कसरी जित्न सकिन्छ भन्ने एउटा ऐतिहासिक उदाहरण बन्यो। परम्परागत राजनीति गर्नेहरूका लागि बालेनको यो शैली एउटा गतिलो पाठ र नौलो सन्देश थियो।
"बालेनको यो अभियान केवल चुनाव जित्नका लागि मात्र थिएन, बरु नेपालको पुराना र खर्चिला चुनावी संस्कारलाई जरैदेखि उखेल्ने एउटा 'साइलेन्ट सर्जिकल स्ट्राइक' थियो। बालेनले सावित गरिदिए कि- जब काम बोल्छ, तब भाषण र विज्ञापनको आवश्यकता पर्दैन।"