जितपुर माध्यमिक विद्यालय

ScienceOnWheels

विज्ञानलाई लोकप्रिय र अनुभवमूलक बनाउने एक सफल प्रयास! तारकेश्वर नगरपालिकाको समन्वय तथा तपस्या लर्निङ सेन्टरको आयोजनामा हाम्रो विद्यालयमा सञ्चालन भएको "Science on Wheels" (पाङ्ग्रामा विज्ञान) कार्यक्रम सफलतापूर्वक सम्पन्न भएको छ।मिति २०८३/०२/२९गते समापन भएको यस रचनात्मक कार्यक्रममा हाम्रा विद्यार्थी भाइबहिनीहरूले विज्ञानलाई केवल किताबमा मात्र सीमित नराखी प्रत्यक्ष रूपमा प्रयोग र अनुभव गर्ने सुनौलो अवसर पाएका छन्।यस कार्यक्रमले विद्यार्थीहरूमा विज्ञान र प्रविधिप्रतिको चासो र जिज्ञासालाई अझ उजागर गरेको हामीले विश्वास लिएका छौँ। कार्यक्रमलाई सफल बनाउन सहयोग पुर्‍याउनुहुने तारकेश्वर नगरपालिका, आयोजक संस्था, सम्पूर्ण शिक्षक शिक्षिका तथा उत्साही विद्यार्थी भाइबहिनीहरूमा हार्दिक धन्यवाद व्यक्त गर्दछौँ।यस रोमान्चक र ज्ञानबर्द्धक कार्यक्रमका केही झलकहरू (तस्बिर तथा भिडियोहरू) यहाँ प्रस्तुत गरिएका छन्। # ScienceOnWheels

हाम्रो विद्यालय, हाम्रै जिम्मेवारी! जितपुर स्कूलका भाइबहिनीहरू विश्व वातावरण दिवस मनाउँदै विद्यालय सरसफाइ अभियानमा।

हार्दिक आभार तथा धन्यवाद ज्ञापन 🙏🙏
सञ्जीव सुनुवार मेमोरियल फाउन्डेसनप्रति जितपुर माध्यमिक विद्यालय परिवार हार्दिक आभार तथा धन्यवाद व्यक्त गर्दछौँ | फाउन्डेसनले यस विद्यालयको शैक्षिक सत्र २०८३ मा अध्ययनरत चार जना जेहेन्दार छात्र-छात्राहरू—सुष्मा नेकोर, अस्मिता तामाङ, राजकुमार कुँवर र मनिषा महतोलाई एक वर्षका लागि आवश्यक सम्पूर्ण शैक्षिक खर्चहरू छात्रवृत्ति स्वरूप उपलब्ध गराउनुभएकोमा फाउन्डेसन परिवारप्रति पुनः हृदयदेखि नै आभार प्रकट गर्दछौं।तपाईंहरूको यो अमूल्य सहयोगले विद्यार्थीहरूको उज्यालो भविष्य निर्माणमा ठूलो टेवा पुगेको छ। आगामी दिनहरूमा पनि यस्तै निरन्तर सहयोग र सहकार्यको अपेक्षा गर्दछौं।जितपुर माध्यमिक विद्यालय परिवारतारकेश्वर, काठमाडौं|

शैक्षिक सत्र २०८३ को पहिलो अतिरिक्त क्रियाकलाप: कक्षागत हस्तलेखन प्रतियोगिता!

यस शैक्षिक वर्ष २०८२ को SEE परीक्षामा सामेल हुनुभएका हाम्रा सम्पूर्ण प्यारा विद्यार्थी भाइबहिनीहरूलाई हार्दिक बधाई तथा सुखद र उज्ज्वल भविष्यको मङ्गलमय शुभकामना! विद्यालय तहको यो महत्त्वपूर्ण खुड्किलो पार गरेसँगै अबको उच्च माध्यमिक (+2, कक्षा ११–१२) को सुनौलो शैक्षिक यात्रा पनि यही आत्मीय वातावरण र आफ्नै विद्यालय (Jitpur Secondary School) मा सफलतापूर्वक अघि बढोस् भन्ने हार्दिक कामना गर्दछौं। 🌸📚तपाईंहरूको अटुट मिहिनेत, उच्च अनुशासन र आगामी दिनको सफलताले विद्यालयको नाम अझ बढी उज्यालो बनाउनेछ भन्नेमा हामी पूर्ण विश्वस्त छौँ। विद्यालयको ढोका तपाईंहरूका लागि सधैँ खुला छ। ❤️"Our School, Our Pride!"

सामुदायिक विद्यालय समुदायको अपनत्व रहने संस्था भएकोले विद्यालयमा सम्बन्धित प्रधानाध्यापक शिक्षक विद्यालय व्यवस्थापन समिति सदस्य शिक्षक अभिभावक संघको परिवारका सदस्यहरु लाई आफू संलग्न विद्यालयमा अध्यापन गराउने जस्तो महत्वपूर्ण नैतिक कर्तव्यलाई पूरा गर्दै यसै विद्यालयको शिक्षिका मेनुका दाहाल खड्काले यसै शैक्षिक सत्रमा कक्षा ९ को प्राविधिक धार तर्फ आफ्नो छोरीलाई भर्ना गराउनु भएकोमा विद्यालय परिवार हार्दिक धन्यवाद व्यक्त गर्दछ।