IPO Siksha Nepal

26/08/2026

26/08/2026

🚨 बाढी प्रभावित ४ जिल्लामा नेपाल टेलिकमको फोन र डेटा निःशुल्क! 📡

बाढी प्रभावित रसुवा, नुवाकोट, धादिङ र चितवन जिल्लामा उद्धार, राहत तथा आपसी समन्वय सहज बनाउन नेपाल टेलिकमको फोन तथा डेटा सेवा निःशुल्क गरिएको छ।

निःशुल्क सेवा उपलब्ध हुने जिल्ला:
🔹 रसुवा
🔹 नुवाकोट
🔹 धादिङ
🔹 चितवन

यो व्यवस्था विपद्को समयमा उद्धार, खोजी, राहत तथा आफन्तसँग सम्पर्क गर्न सहज होस् भन्ने उद्देश्यले गरिएको हो।

🙏 संकटको समयमा सम्पर्क नै जीवन बचाउने माध्यम बन्न सक्छ।
आवश्यक परे फोन गर्नुहोस्, सूचना दिनुहोस् र अरूलाई पनि सचेत गराउनुहोस्।

26/08/2026

रसुवा बाढीको असर सेयर बजारमा!

रसुवाको भोटेकोशी नदीमा आएको भीषण बाढीले जलविद्युत् आयोजना, विद्युत् प्रसारण संरचना तथा नदी आसपासका भौतिक पूर्वाधारमा क्षति पुर्‍याएको खबरसँगै लगानीकर्ताको मनोविज्ञानमा समेत असर परेको देखिएको छ।

📉 विशेषगरी हाइड्रोपावर तथा निर्जीवन बीमा क्षेत्रका कम्पनीमा बिक्री चाप बढ्दा मूल्यमा दबाब परेको छ।

बाढीका कारण रसुवागढी, चिलिमे, त्रिशूली–३ ‘ए’ लगायतका ऊर्जा संरचनामा क्षति पुगेको प्रारम्भिक विवरण सार्वजनिक भएको छ।

26/08/2026

🚨 सेनाको हेलिकोप्टरबाट यसरी गरियो स्थानीयको उद्धार! 🇳🇵🚁

भोटेकोशी बाढीका कारण जोखिममा परेका नुवाकोटका स्थानीयलाई नेपाली सेनाको हेलिकोप्टरमार्फत उद्धार गरिएको छ।

बाढीले बस्ती तथा बजार क्षेत्रमा ठूलो क्षति पुर्‍याएपछि जोखिममा परेका नागरिकलाई हवाई उद्धारमार्फत सुरक्षित स्थानमा सार्ने काम भइरहेको छ।

🙏 विपद्को यो कठिन समयमा उद्धार तथा राहत कार्यमा खटिएका नेपाली सेना, सुरक्षा निकाय तथा उद्धारकर्मीप्रति धन्यवाद।

नदी तटीय तथा जोखिमयुक्त क्षेत्रमा रहेका नागरिकहरू सुरक्षित स्थानमा रहनुहोस् र आधिकारिक सूचनाको पालना गर्नुहोस्।

26/08/2026

🚨 बाढीले वेत्रावती बजार हिलाम्मे, स्थानीय भन्छन्– ‘केही बाँकी रहेन’!!

🌊 रसुवाबाट आएको भीषण भोटेकोशी बाढीले नुवाकोटको वेत्रावती बजारमा ठूलो विनाश मच्चाएको छ। बाढीपछि बजार क्षेत्र हिलाम्मे बनेको छ भने घर, पसल तथा भौतिक संरचनामा व्यापक क्षति पुगेको प्रारम्भिक विवरण आएको छ।

स्थानीयका अनुसार बाढीको बहाव यति शक्तिशाली थियो कि “केही बाँकी रहेन।” 😢

बाढीले वेत्रावतीदेखि त्रिशूली, ढुङ्गे र देवीघाटसम्मका त्रिशूली नदी तटीय क्षेत्रलाई प्रभावित बनाएको छ। क्षतिको पूर्ण विवरण भने अझै संकलन भइरहेको छ।

⚠️ जोखिमयुक्त क्षेत्रमा रहेका नागरिकलाई सुरक्षित स्थानमा जान र प्रशासनको आधिकारिक सूचना पालना गर्न आग्रह।

🙏 प्रभावित परिवारप्रति हार्दिक समवेदना।

26/08/2026

🚨 रसुवाबाट आएको भीषण बाढी नुवाकोटसम्म, तटीय बस्तीमा व्यापक क्षति !!

रसुवा सीमाक्षेत्रबाट सुरु भएको भीषण बाढी नुवाकोटसम्म आइपुग्दा त्रिशूली नदी तटीय क्षेत्रका बस्ती तथा बजारमा ठूलो क्षति पुगेको छ।

🌊 बाढीबाट बेत्रावती, त्रिशूली, ढुङ्गे र देवीघाट आसपासका क्षेत्र बढी प्रभावित भएका छन्। बाढीको ठूलो बहाव बजार क्षेत्रमै प्रवेश गरेपछि घर, सडक तथा अन्य भौतिक संरचनामा क्षति पुगेको प्रारम्भिक विवरण प्राप्त भएको छ।

नुवाकोटका प्रमुख जिल्ला अधिकारी शम्भुप्रसाद रेग्मीका अनुसार बेत्रावतीदेखि देवीघाटसम्मको त्रिशूली नदी तटीय क्षेत्रमा क्षति पुगेको सुरक्षाकर्मीबाट रिपोर्ट आएको छ।

प्रशासनका अनुसार बाढी बजार क्षेत्रभित्रै प्रवेश गरेकाले क्षतिको परिमाण अझ ठूलो हुनसक्ने अनुमान गरिएको छ। यद्यपि क्षतिको पूर्ण विवरण संकलन हुन बाँकी छ।

🙏 नदी तटीय तथा जोखिमयुक्त क्षेत्रमा रहेका नागरिकहरू उच्च सतर्कता अपनाउँदै सुरक्षित स्थानतर्फ जानुहोस्। अफवाहभन्दा आधिकारिक सूचनामा विश्वास गरौँ।

26/08/2026

🚨 भोटेकोशी बाढीको भयावह असर : त्रिशूली बजारमा ठूलो क्षति

रसुवाबाट आएको भीषण भोटेकोशी बाढी नुवाकोटको त्रिशूली बजार र देवीघाट क्षेत्रसम्म पुगेको छ। प्रारम्भिक विवरणअनुसार त्रिशूली बजार आसपासका करिब ६० घर बगाएको तथा त्रिशूली नदीका दुईवटा पक्की पुलमा समेत क्षति पुगेको छ।

बाढीका कारण त्रिशूली र देवीघाट जलविद्युत् आयोजना तथा २५ मेगावाटको सौर्य प्लान्टमा पनि ठूलो क्षति पुगेको विवरण आएको छ।

हालसम्म मानवीय क्षतिको पुष्टि नभए पनि क्षतिको विस्तृत विवरण संकलन भइरहेको प्रशासनले जनाएको छ।

त्रिशूली नदीको तटीय क्षेत्रका बासिन्दालाई तत्काल उच्च सतर्कता अपनाउन र सुरक्षित स्थानमा जान आग्रह गरिएको छ। बाढी धादिङको गल्छी आसपाससम्म पुगेको र तल्लो तटीय क्षेत्रमा समेत जोखिम बढेको प्रशासनले जनाएको छ।

🙏 सुरक्षित रहनुहोस्। अफवाहभन्दा आधिकारिक सूचनामा विश्वास गरौँ।

26/08/2026

रसुवामा आज बिहान गएको बाढीको विषयलाई लिएर सम्माननीय प्रधानमन्त्री वालेन्द्र शाहज्यूले विपद् जोखिम न्यूनीकरण तथा व्यवस्थापन राष्ट्रिय परिषद्को बैठक बोलाउनुभएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा भर्खरै सम्पन्न बैठकमा बाढीले अहिलेसम्म पुर्याएको क्षतिको विवरणबारे ब्रिफिङ गरिएको छ भने सम्माननीय प्रधानमन्त्रीज्यूले आगामी कदमबारे सरोकारवाला सबैलाई निर्देशन दिनुभएको छ । उहाँले यो विपद्‍को क्षणमा सबैलाई आआफ्नो ठाउँबाट बाढीग्रस्त क्षेत्रमा प्रभावित नागरिकको उद्धार, खोज र राहतमा खटिन अनुरोधसमेत गर्नुभएको छ ।

26/08/2026

ताजा अपडेट | रसुवामा भीषण बाढी !!!

चीनको तिब्बततर्फबाट आएको आकस्मिक ठूलो बाढीका कारण रसुवाको टिमुरे, स्याफ्रुबेँसीलगायत क्षेत्रमा ठूलो क्षति पुगेको प्रारम्भिक विवरण आएको छ। बाढीले बस्ती, सडक तथा भौतिक संरचनामा क्षति पुर्‍याएको बताइएको छ।

🌊 भोटेकोशी नदीमा आएको बाढीका कारण त्रिशूली नदीको तल्लो तटीय क्षेत्रमा समेत जोखिम बढेको छ। रसुवा, नुवाकोटलगायत नदी किनारका बासिन्दालाई उच्च सतर्कता अपनाउन र आवश्यक परे सुरक्षित स्थानतर्फ जान आग्रह गरिएको छ।

सरकारको आग्रह:
नदी तथा खोलाको किनारमा नजानुहोस्।
जोखिमयुक्त क्षेत्रमा भए सुरक्षित स्थानमा जानुहोस्।
अनावश्यक यात्रा नगर्नुहोस्।
अफवाहमा विश्वास नगरी आधिकारिक सूचना मात्र पछ्याउनुहोस्।
आपत्कालीन अवस्था आए तत्काल सुरक्षा निकाय वा स्थानीय प्रशासनलाई खबर गर्नुहोस्।

स्थिति अझै विकसित भइरहेकाले क्षतिको पूर्ण विवरण आउन बाँकी छ। 🙏

25/08/2026

ब्रोकरमाथि सेबोनको कडाइ! लगानीकर्ताको पैसा अब छुट्टै खातामा राख्नुपर्ने !!

नेपाल धितोपत्र बोर्ड (सेबोन) ले सम्पूर्ण धितोपत्र दलाल तथा व्यापारी (Broker) लाई लगानीकर्ताको हित र बजारको विश्वसनीयता बढाउने उद्देश्यले ४ बुँदे निर्देशन जारी गरेको छ।

१. ग्राहकको पैसा र ब्रोकरको पैसा अलग–अलग खाता
अब ब्रोकरले आफ्नो कार्यालय सञ्चालनका लागि प्रयोग गर्ने रकम र लगानीकर्ताको शेयर खरिद–बिक्रीसँग सम्बन्धित रकम छुट्टाछुट्टै बैंक खातामा राख्नुपर्नेछ।

यसबाट ग्राहकको रकम ब्रोकरको सञ्चालन खर्च वा अन्य प्रयोजनमा प्रयोग हुने जोखिम कम हुनेछ।

२. लगानीकर्ता गुनासो समाधान इकाइ अनिवार्य
हरेक ब्रोकर कम्पनीमा ‘लगानीकर्ता गुनासो समाधान इकाइ’ गठन गर्नुपर्नेछ।
🔹 गुनासो दर्तादेखि समाधानसम्म स्पष्ट Workflow
🔹 प्राप्त गुनासोको मासिक विवरण तयार गर्नुपर्ने
🔹 प्रत्येक महिनाको गुनासो तथा समाधान विवरण ३ कार्यदिनभित्र सेबोनमा बुझाउनुपर्ने

३. शेयर बेचेको पैसा T+2 भित्रै
लगानीकर्ताले शेयर बिक्री गरेपछि निर्धारित T+2 Settlement Period भित्रै बिक्री रकम उपलब्ध गराउनुपर्ने व्यवस्था प्रभावकारी रूपमा लागू गर्न बोर्डले निर्देशन दिएको छ।

अनावश्यक ढिलाइ पटक–पटक ब्रोकर कार्यालय धाउनुपर्ने अवस्था बिक्री रकम रोकिराख्ने अभ्यास माथि अब थप कडाइ हुने देखिएको छ।

४. हरेक महिना Financial Literacy कार्यक्रम
प्रत्येक ब्रोकर कम्पनीले महिनामा कम्तीमा १ वटा वित्तीय साक्षरता कार्यक्रम सञ्चालन गर्नुपर्नेछ।

समग्रमा नयाँ व्यवस्था:
ग्राहकको पैसा = अलग खाता
गुनासो = छुट्टै समाधान इकाइ
बिक्री रकम = T+2 भित्र
वित्तीय शिक्षा = महिनामा कम्तीमा १ कार्यक्रम

लगानीकर्ताको पैसा सुरक्षित, गुनासोको सुनुवाइ प्रभावकारी र ब्रोकर थप जवाफदेही बनाउने दिशामा सेबोनको यो कदम महत्वपूर्ण मानिएको छ।

👉 तपाईंलाई ब्रोकरको कुन पक्षमा अझै सुधार आवश्यक छ? 🤔