Godawari Child Academy

नाग पञ्चमी तथा सुदूरपश्चिमको मौलिक संस्कृति, परम्परा, आपसी सद्भाव र भाइचाराको प्रतीकका रूपमा मनाइने ओल्के पर्वको पावन अवसरमा सम्पूर्ण अभिभावक, शिक्षक तथा विद्यार्थीहरूमा गोदावरी चाईल्ड एकेडेमीको तर्फबाट सुख, शान्ति, समृद्धि, सुस्वास्थ्य एवं उत्तरोत्तर प्रगतिको हार्दिक शुभकामना व्यक्त गर्दछौँ।❤️

आजबाट हाम्रो विद्यालयमा प्रथम त्रैमासिक परीक्षा र निरन्तर विद्यार्थी मूल्याङ्कन २०८३ सुरु भएको छ ।सम्पूर्ण विद्यार्थीहरूलाई सफलताको हार्दिक शुभकामना व्यक्त गर्दछौँ। 📚✨

“श्रावण १५ आयो, खीरको मिठास छायो !” 🌾🍚
आज श्रावण १५ – खीर खाने दिनको अवसरमा सम्पूर्णमा हार्दिक शुभकामना व्यक्त गर्दै हाम्रो विद्यालयमा विद्यार्थी तथा शिक्षकहरूबीच हर्षोल्लासका साथ खीर खाने कार्यक्रम सम्पन्न गरियो।

गुरुर्ब्रह्मा गुरुर्विष्णुः गुरुर्देवो महेश्वरः।
गुरुः साक्षात् परं ब्रह्म तस्मै श्रीगुरवे नमः॥
आज गुरु पूर्णिमाको पावन अवसरमा गोदावरी चाईल्ड एकेडमी का विद्यार्थीहरूले आफ्ना गुरुजनप्रति माया, सम्मान र कृतज्ञता व्यक्त गर्दै हर्षोल्लासका साथ कार्यक्रम सम्पन्न गरेका छन्।
हाम्रो जीवनका पहिलो गुरु आमाबुबा नै हुनुहुन्छ, जसले हामीलाई जीवनका आधारभूत मूल्य, संस्कार र मार्गदर्शन दिनुहुन्छ र विद्यालयका गुरुजनहरूले हामीलाई ज्ञान, सीप र सही दिशा प्रदान गर्दै उज्यालो भविष्यतर्फ डोर्‍याउनुहुन्छ। यस पावन अवसरमा सम्पूर्ण गुरुहरूमा हार्दिक सम्मान तथा नमन व्यक्त गर्दछौं। ✨

अखण्ड-मण्डलाकारं व्याप्तं येन चराचरम्।तत्पदं दर्शितं येन तस्मै श्रीगुरवे नमः॥ 🙏✨ #व्यास_जयन्ती तथा #गुरु_पूर्णिमाको_हार्दिक_मङ्गलमय_शुभकामना! 🌸🌼यो सम्पूर्ण ब्रह्माण्डमा जुन अखण्ड तत्त्व व्याप्त छ र जसले संसारका सम्पूर्ण सजीव तथा निर्जीव वस्तुहरूलाई समेटेको छ, त्यो परम सत्यको दर्शन गराउने आदरणीय गुरुदेवको चरणमा कोटी-कोटी नमन!आजकै पावन दिनमा महाभारत, चार वेद र अठार पुराणका रचयिता महर्षि वेद व्यासको जन्म भएको थियो। सनातन धर्म र ज्ञानको भण्डारलाई लिपिवद्ध गरेर मानव जगत्‌लाई उज्यालो मार्ग देखाउनुहुने आदिगुरु महर्षि व्यासको जयन्ती (व्यास जयन्ती) लाई नै हामी गुरु पूर्णिमाका रूपमा मनाउने गर्दछौँ।अज्ञानताको अन्धकारबाट ज्ञानको उज्यालो तर्फ डोर्‍याउनुहुने, सही र गलतको पहिचान गराउनुहुने मेरा सम्पूर्ण गुरु, शिक्षिका, आमा-बुबा र जीवनमा केही न केही सिकाउनुहुने सबै मार्गदर्शकहरूमा सादर प्रणाम र कृतज्ञता व्यक्त गर्दछु। 🙌❤️सद्बुद्धि, सत्ज्ञान र सत्कर्मको मार्गमा हिँड्ने प्रेरणा सबैलाई मिलोस्। 🕉️🇳🇵

सधैं झैं हुने शुक्रबारिय कार्यक्रम अन्तर्गत हिजो मिति २०८३/०४/०८ गते हाम्रो विद्यालयमा चित्रलेखा प्रतियोगिता (Drawing Competition) भव्य रूपमा सम्पन्न गरियो।विद्यार्थीहरूले विभिन्न विषयवस्तुमा आधारित सुन्दर चित्रहरू मार्फत आफ्नो प्रतिभा र सिर्जनशीलता प्रस्तुत गरेका थिए। सहभागी सम्पूर्ण विद्यार्थीहरूलाई धन्यवाद तथा विजेताहरूलाई हार्दिक बधाई व्यक्त गर्दछौं।