03/09/2022
जरामा गाँठा बनाउने जुका ( Root-knot nematodes , meloido gyne spp.) ब्यबस्थापन
पहिचान
सामान्यतया यो जुका गोलभेडा, भण्डा तथा लहरे बालिमा देखा पर्दछ । यी जुकाले बिरुवाको जरामा आक्रमण गर्दछ्न र भित्र पसेर रस चुस्दछ्न । यो जुकाले जरामा आक्रमण गरेपछि जरामा गाठा पलाउन सुरुगर्दछ । संक्रमण देखा परेका बोटको जरामा सयौ स साना गिर्खा देखा पर्छ । जुकाबाट ग्रसित बिरुवाहरु रोगाएर पहेलिन्छ, बढ्न ,फल्न र फुल्न सक्दैन्न , घाम चर्किएको बेला ओइलाएर बस्छ । जुकाको संक्रमित माटोमा बिरुवा लगाएमा कलिला बिरुवा सबै मरेर जान्छ्न ।
ब्यबस्थापन
१ =: रोग निरोधक जात लगाउने, बाली चक्र अपनाउने (खाद्यान्न वाली र गोलभेडा एक पछि अर्को गरि लगाउने अन्तरालमा लगाउने ।
२ =: फल टिपिसकेपछि बोट जरा सहित हटाउने । गिर्खा भएका विरुवा उखेलेर जलाउने ।
३= बेर्ना उत्पादन गर्न अनिवार्य रुपमा माटो नीर्मलिकरण प्रविधि अपनाउने ।
४ = निमको पिना २५ केजी प्रति रोपनीका दरले बेर्ना रोप्नु अगाबै जमिनको तयारीमा माटोमा मिसाउने ।
५ = प्लाष्टिक घर वरपर सयपत्री फूल लगाउने, तथा बेर्ना सार्नु अगावै जमिनमा सयपत्री लगाई त्यसलाई माटोमा मिलाउन सकिन्छ ।
६= माटो उपचार गरि निमाटोड नियन्त्रण गरेर बाली लगाउन सकिन्छ । माटो उपचार गर्दा सेतो प्लाष्टिकले माटो ढाकेर नीर्मलिकरण गर्ने, वा फर्मालिनको घोलले माटो भिजाई सेतो प्लाष्टिकले ढाकेर, वा हाईट्रोजनपेरोअक्साईड वा ब्लिचिङ्ग पाउडर प्रयोग गर्न सकिन्छ । रसायनिक तरिकाले माटो उपचार गर्दा माटोका लाभदायक शुक्ष्मजीवाणुहरुको बारेमा ख्याल गर्नु पर्दछ । यस प्रकार माटो उपचार गर्ने बिधि माटोबाट सर्ने ढुसी तथा व्याक्टेरियाजन्य रोग
व्यवस्थापनमा समेत उपयोगी हुन्छ ।
७= यसका अलवा माटोको जैविक तवरले उपचार गर्ने, प्लाष्टिक घरभित्रको गोलभेडा खेतीमा अन्तरबालीको रुपमा प्याज, लसुन लगाउने या अन्य बिधिहरुलाई एकीकृत रुपमा अपनाउने ।
८ = गोलभेडाको कलमी विरुवा (Solanum sisymbryfoliumमा) रोप्ने ।
९= सयपत्री फुल संग मिश्रीत बाली लगाउने वा जमिन तयारी गर्नुभन्दा एकमहिना अगावै सयपत्री फुललाइ माटोमा जोतेर मिलाउने वा पानी जमाउने , ।
थप जानकारी का लागि नजिकैको कृषि प्राबिधिक वा दक्ष एग्रोभेट लाई आफ्नो फार्म अवलोकन गराउनुहोस ।
23/08/2022
03/08/2022
31/03/2022
31/03/2022
03/03/2022
12/02/2022
12/02/2022
31/01/2022
01/12/2021
01/12/2021
17/08/2021