19/09/2026
गौरवको क्षण : हाम्रो विद्यालय सम्मानित
माध्यमिक शिक्षा परीक्षा (SEE) २०८२ मा ४ जीपीए हासिल गर्दै बुद्धशान्ति गाउँपालिकामै उत्कृष्ट नतिजा प्राप्त गर्न सफल भएकोमा हाम्रो एरा एभरग्रीन अंग्रेजी विद्यालय, बुद्धशान्ति ३ सम्मानित भएको छ ।
राष्ट्रिय शिक्षा दिवस तथा संविधान दिवस २०८३ को अवसरमा शिक्षा विकास तथा समन्वय एकाइ, झापा द्वारा २०८३ असोज २ गते भद्रपुरस्थित विभूति विद्या मन्दिरमा आयोजित कार्यक्रममा विद्यालयलाई उत्कृष्ट शैक्षिक उपलब्धिका लागि सम्मान–पत्र प्रदान गरिएको हो । विद्यालयका प्रबन्ध निर्देशक श्री खगेन्द्र मैनाली र प्रिन्सिपल श्री आदर्श राईले उक्त सम्मान पत्र ग्रहण गर्नुभएको थियो ।
विद्यार्थीहरूको अथक मेहनत, शिक्षक–शिक्षिकाहरूको समर्पण, अभिभावकहरूको निरन्तर साथ तथा विद्यालय परिवारको सामूहिक प्रयासले मात्र यो उपलब्धी सम्भव भएको हो ।
यस गौरवपूर्ण उपलब्धिका लागि हाम्रा सम्पूर्ण विद्यार्थी, अभिभावक, शिक्षक–शिक्षिका, कर्मचारी, विद्यालय व्यवस्थापन समिति तथा शुभेच्छुकहरूप्रति हार्दिक आभार व्यक्त गर्दछौँ ।
तपाईंहरूको विश्वास, साथ र सहयोगले नै हामीलाई अझ उत्कृष्ट बन्न प्रेरणा दिएको छ । आगामी दिनमा पनि गुणस्तरीय शिक्षा, अनुशासन र उत्कृष्ट शैक्षिक उपलब्धिका लागि अझ प्रतिबद्ध भएर अघि बढ्नेछौँ ।
एरा एभरग्रीन अंग्रेजी विद्यालय परिवार
बुद्धशान्ति–३, झापा
