25/07/2026
नृत्य कलाकार संघ,झापाद्वारा आयोजित
“नृत्य आँगन” अनलाइन एकल नृत्य प्रतियोगिताको पुरस्कार वितरण कार्यक्रम आज संघको केन्द्रीय कार्यालयमा सम्पन्न भएको छ।
कार्यक्रम नृत्यकलाकार संघ, झापाका अध्यक्ष दिवस गिरीज्यूको अध्यक्षतामा सम्पन्न भएको थियो। कार्यक्रममा संस्थाका सल्लाहकार, वरिष्ठ नृत्य निर्देशक तथा प्रतियोगिताका निर्णायक राज लावतीज्यूले शुभकामना तथा प्रेरणादायी मन्तव्य व्यक्त गर्नुभएको थियो। त्यसैगरी संस्थाका उपाध्यक्ष राजु शर्माज्यूले स्वागत मन्तव्य राख्नुभएको थियो भने मान्यता प्रधान का माता रिता श्रेष्ठज्यूले पनि आफ्ना शुभकामना तथा प्रेरणादायी विचार व्यक्त गर्नुभएको थियो।
कार्यक्रमको सञ्चालन संस्थाका सचिव सुरज मगरज्यूले गर्नुभएको थियो।
यस अवसरमा प्रतियोगिताका विजेताहरूलाई
ट्रफी, डमी चेक, खदा, प्रमाणपत्र ,अविर तथा नगद पुरस्कार द्वारा सम्मान गरिएको थियो।
कार्यक्रममा ३ निर्णायक तथा एक उप विजेता काठमाडौंमा रहनु भएकोले वहाँहरुको अनुपस्थित हुनु भएको थियो ।
कार्यक्रमलाई सफल बनाउन प्रत्यक्ष तथा अप्रत्यक्ष रूपमा साथ, सहयोग र सहभागिता जनाउनुहुने सम्पूर्ण प्रतियोगी, अभिभावक, निर्णायक, अतिथिहरू तथा शुभेच्छुकहरूमा नृत्य कलाकार संघ झापाको हार्दिक धन्यवाद व्यक्त गर्दछौं।
नृत्य कलाकार संघ,झापा
