Gyan Marga Alumni Association

जुन समयमा "ज्ञानमार्ग पूर्व विद्यार्थी समाज" बनाउने प्रसङ्ग चल्यो, हामीमध्ये धेरैलाई आफ्नो स्कूले जीवनका रमाईला क्षणहरु सम्झँदा पक्कै रोमाञ्चित र नोस्टाल्जिक बनाएको हुनुपर्छ ।

यस दौरान धेरै अग्रजहरुका उपयुक्त सुझाव,सल्लाह र प्रेरणाले विभिन्न क्षेत्रमा क्रियाशील साथीहरू, दाजुभाई, दिदीबहिनीहरूसँग सहज सम्पर्क बनिरहेको जानकारी गराउँदछौं ।
केही साथीहरूलाई यो अभियानले आर्थिक सहयोग माग्न खोजेको हो कि भन्ने सन्देहपूर्ण जिज्ञासा समेत रहेको पाइएको सन्दर्भमा उहाँहरुलाई यसभन्दा अगाडिका सूचना/जानकारीहरु हेर्न, पढ्न र बुझ्न विनम्रतापूर्वक आग्रह गर्दछौँ ।
यसै सिलसिलामा अग्रपंक्तिमा रहेर सम्पर्क व्यवस्थापन गरिरहेका साथीहरूलाई सम्पर्क गर्न र सर्वेक्षणका लागि तयार गरिएको फाराम सकेसम्म छिटो अनलाईन भरिदिन सम्पूर्ण पूर्व विद्यार्थीहरूलाई यसै सूचना मार्फत् हार्दिक अनुरोध गर्दछौं ।
यदि अनलाईन भर्न नसकिएको अवस्थामा सर्वेक्षणको लागि तयार पारिएको Hardcopy form समेत उपलब्ध गराइने बेहोरा जानकारी गराउँदछौं ।
यसलाई तार्किक निष्कर्षमा पुर्याउन हामी पूर्व विद्यार्थीहरूको भूमिका महत्वपूर्ण हुनेछ ।

आफ्नो बाल्यकाल र साथीसङ्गीहरूसँगका अमूल्य सम्झनाहरु साँटासाँट गर्न, विद्यालयसँग एकाकार भइ हामीहरूबीचको आपसी सम्बन्ध सुदृढ तुल्याउन र आर्जेको ज्ञान, सीप र क्षमतालाई विद्यालय र समुदायको हितमा प्रयोग गर्ने पवित्र चाहना र उद्देश्यका साथ पूर्व विद्यार्थी समाज निर्माणको औपचारिक र व्यवस्थित प्रक्रिया यस वर्षको दशैंमा पुरा गर्ने तयारी हुँदैछ ।

कोभिड-१९ को महामारीका कारण यस बिचमा भौतिक उपस्थितिमा भेला आयोजना गर्ने सम्भावना नरहेकोले कार्तिक महिनाको पहिलो सातामा भौतिक दूरी कायम गरी ज्ञानमार्ग माविको प्राङ्गणमा भेला आयोजना गरिने छ ।

मिति र समय अर्को सूचनामा जानकारी गराइने छ ।

सर्वेक्षणको लागि भर्ने फारामको Hardcopy आफ्नो अनुकूलतामा विद्यालय नजिकैको पुस्तक पसल (आयुशा बुक्स एण्ड स्टेशनरी) मा निःशुल्क प्राप्त गर्न सकिने छ ।

धन्यवाद!

ज्ञानमार्ग मा. वि. का हामी पूर्व विद्यार्थीहरुको समूह (Alumni) स्थापनार्थ विभिन्न क्षेत्रमा क्रियाशील अग्रज र भाइबहिनीहरुको सक्रियतामा तीव्रताका साथ काम अघि बढिरहेको छ ।
औपचारिक/अनौपचारिक रूपमा प्राप्त सुझाव/सल्लाह, सूचना/जानकारी तथा सम्बन्धित अग्रजहरुसँगको छलफल र अन्तरक्रियाका आधारमा विषयगत रुपमा कार्यसम्पादन गर्न र एक साताभित्र प्रगति विवरण सहित तदर्थ समितिको खाका प्रस्तुत गर्न तपसिलका पूर्व विद्यार्थीहरुलाई संयोजक र सदस्यको जिम्मेवारी दिइ कार्य अगाडि बढाइएको बेहोरा अनुरोध छ ।

१. योजना तथा सम्पर्क व्यवस्थापन संयोजकः विष्णु रेग्मी ९८४९३६९२४९
सदस्य विदुर तिमिल्सिना
सदस्य सन्तोष पौडेल
सदस्य सुदिप रेग्मी (२०६९)
सदस्य सरस्वती दुवाडी

२. नीति/विधान निर्माण संयोजक: राकेश गुरुङ ९८५६०४०९७६
सदस्य बिमला पुलामी मगर
सदस्य अकुर तिमिल्सिना
सदस्य सञ्जय रेग्मी
सदस्य गोपिलाल श्रेष्ठ

३. कार्यक्रम व्यवस्थापन संयोजक: बिबेक रेग्मी ९८५१०१३२३८
सदस्य भीम श्रेष्ठ
सदस्य कृष्णप्रसाद दुवाडी
सदस्य रञ्जन नेपाल
सदस्य राजु रेग्मी

४. तथ्याङ्क तथा प्राविधिक संयोजक: डा. बिकास पौडेल ९८५१२२५४३४
सदस्य चिरञ्जीवी रेग्मी (२०५२)
सदस्य सुनिल पोखरेल
सदस्य भीमलाल श्रेष्ठ
सदस्य रविकिरण रेग्मी

यस संस्थाको आधिकारिक ईमेल ठेगाना:
[email protected]
मासमेत सम्पर्क गर्न सकिने छ ।

श्री ज्ञानमार्ग मा.वि. पूर्व विद्यार्थीको संस्थाको औपचारिक फेसबुक पेजमा पुनः हार्दिक स्वागत छ !!!

विगत केही समय यता हाम्रो विद्यालय श्री ज्ञानमार्ग मा.वि.को Alumni बनाउने सन्दर्भमा क्रियाशील अग्रज दाईदिदीहरू, सहपाठी मित्रहरू र भाइबहिनीहरूको निरन्तर प्रयासको फलस्वरूप हामी यसलाई पूर्णता दिने अन्तिम चरणमा छौँ । वि.सं. २०४१ सालको प्रवेशिका/एसएलसीदेखि वि.सं. २०७६ सालको एसईईसम्म आइपुग्दा यस विद्यालयको ३६ औं व्याचसम्मको व्याचवाइज प्रतिनिधित्व हुने गरी औपचारिक रूपमा पूर्व-विद्यार्थीको संस्थाको तदर्थ समिति (ad hoc committee) निर्माण तथा विद्यालयको समन्वयमा स्थानीय तह/स्थानीय प्रशासनमा विधिवत् दर्ता गर्ने प्रयोजनका लागि साथीहरूको सल्लाह सुझाव बमोजिम कार्यहरू भइरहेको जानकारी गराउन चाहन्छौं ।
यस बीचमा धेरै अग्रज र भाइबहिनीहरूको जिज्ञासा र हामीलाई प्रत्यक्ष वा अप्रत्यक्ष माध्यमबाट प्राप्त Frequently Asked Questions (FAQ) को रूपमा यसको उद्देश्य के हो? र यसो किन गर्न खोजिएको हो? भन्ने विषयलाई सम्बोधन गर्नु पनि वाञ्छनीय भएकोले यसका केही मूलभूत उद्देश्यहरू सुत्रबद्ध गरिएको छ र तिनलाई आवश्यकताअनुसार उपयुक्त सुझावका आधारमा पछि परिमार्जन गर्न सकिने बेहोरा समेत जानकारी गराईन्छ ।

उद्देश्य:
(१) भविष्यको दिशाबोध गराउने आधार नै विद्यालय हो भन्ने मान्यता स्थापित गराइ विद्यालयसँग निरन्तर जीवन्त सम्बन्ध कायम गर्ने ।
(२) सबै पूर्व-विद्यार्थीहरूबीच परिचय, चिनजान र भाइचारा सम्बन्ध बढाउने ।
(३) शैक्षिक उन्नयन र सामाजिक उन्नतिका लागि योगदान दिने ।
(४) विद्यालयको शैक्षिक गुणस्तर र भौतिक क्षमता अभिवृद्धिमा सहयोग पुर्याउने ।
(५) आउँदो पुस्तालाई सामाजिकीकरणमा सहयोग गर्ने ।
(६) आपसी सद्भाव र एकताको सुत्रमा बाँध्ने ।
(७) सामाजिक जीवनका विविध क्षेत्रमा योगदान पुर्याउने पूर्व-विद्यार्थीहरूको सीप, कला र क्षमतालाई विद्यालयको समग्र हितमा प्रयोग गर्ने ।

हाम्रो यो ऐतिहासिक अभियानमा विभिन्न चरणमा भएका छलफलका क्रममा सबै क्रियाशील, उत्साही साथीहरूलाई समावेश गर्न नसकिएकोमा हृदयदेखि नै क्षमाप्रार्थी छौँ । कतिपय सन्दर्भमा प्रविधिको अनभिज्ञता र संयोजनको कठिनाईले पनि त्यसरी बृहत्तर तहमा छलफलमा सहभागी गराउन सकिएको छैन । केही दिनभित्र नै ईच्छूक सबैको सहभागिता हुनसक्ने गरी जुम (ZOOM) मार्फत् भर्चुअल बैठक समेत आयोजना गर्ने प्रयासमा जुटिरहेका छौँ । तसर्थ, सम्पूर्ण व्याचका पूर्वविद्यार्थीहरूले आ-आफ्नो व्याचका साथीहरूसँग उपयुक्त माध्यमबाट बैठक/भेलाको आयोजना गरी सम्भव भएका साथीहरूको जानकारी सङ्कलन गरी हाम्रो ईमेल ठेगाना: [email protected] मा पठाइदिन र सोही भेलाबाट औपचारिक रूपमा पारित गरी प्रत्येक व्याचबाट १(एक) जना प्रतिनिधि तोकी पठाउन समेत अनुरोध छ । सम्भव भएसम्म सबै व्याचबाट प्रतिनिधि चयन भएपछि संयुक्त बैठक गरी विधानको मस्यौदा बारे छलफल र तदर्थ समितिको टुङ्गो लगाइने छ ।

सहयोग जिज्ञासा र सुझावका लागि सम्पर्क गर्न सकिने व्यक्तिहरु:
विष्णु रेग्मी (२०५२) 9849369249
राकेश गुरूङ् (२०५३) 9856040976
भीमलाल श्रेष्ठ (२०५४) 9851067703
रञ्जन नेपाल (२०५९) 9841665455
सन्तोष पौडेल (२०६०) 9841828206
भीम श्रेष्ठ (२०६०) 9860923555
बिमला पुलामी (२०५८) 9856031959
गोपीलाल श्रेष्ठ (२०५५) 9845055934
सुदिप रेग्मी (२०६९) 9845974424
यी बाहेक व्याचवाइज प्रतिनिधिहरूको समेत यसमा नाम र सम्पर्क नम्बर प्राप्त भएमा यसै सूचनामा समावेश गरी राखिने बेहोरा अनुरोध छ ।

२०४१ सालदेखिका अग्रजहरुको सम्पर्क सहजताका लागि विदुर तिमिल्सिना (२०४१) ९८६१८४५७७६ सरलाई पनि सम्पर्क गर्न सक्नुहुनेछ ।

सावाँ अक्षर चिनाउनेदेखि माध्यमिक शिक्षासम्म दिलाएको, एकादेशको कथादेखि समाजिक परिवेशसम्म चिनाएको, बालपनदेखि किशोर वयसम्म स्वच्छन्द बेग हान्न सिकाएको अनि जीवन संघर्षको मार्ग देखाएको ज्ञानमार्ग । अहिले ल्यापटको कि बोर्डमा औंला चलिरहँदा यस्तो लागिरहेको छ कि, त्यही धुले कक्षाको काठे बेन्चमा बसेर चेलपार्क मसी राखेको फुल्टिन कलमले लेखिरहेछु । त्यही ज्ञानमार्गबाट उ बेलादेखि अहिलेसम्म आ आफ्नो मार्गमा लागेका सबै सन्तानहरु एउटै छातामा समेटिने प्रयासले अब मूर्त रुप पाउँदैछ । पूर्ण विश्वास छ, यो प्रयास तपाईं हाम्रो सन्तुष्टिका लागि, विद्यालयको प्रगतिका लागि अनि त्यो समाजका लागि समेत कोशेढुंगा सावित हुनेछ ।

ज्ञानमार्ग अलुमनाइ गठनको प्रस्ताबमा उत्साह थप्नुहुने तथा साथ दिनुहुने तपाईं सवैमा विजया दशमीको हार्दिक मंगलमय शुभकामना ।
हाम्रो अलुमनाइ गठनका लागि पूर्व निर्धारित दिन यही असोज २४ गते महानवमीको दिन । तपाईंहरु सबै जना संभव भएसम्म जसरी पनि यो ऐतिहासिक भेलामा सहभागी हुनुहुनेछ भन्नेमा हामी विश्वस्त छौं ।
यसका लागि हामीले ब्यक्तिगत रुपमा कसैलाई पनि फोन गर्ने या पत्राचार गर्ने गरेका छैनौं । यही सूचना नै सबैका लागि आधिकारिक निमन्त्रणा हो । ज्ञानमार्ग उच्च माविका सम्पूर्ण पूर्व विद्यार्थी, पूर्व तथा वर्तमान शिक्षक शिक्षिका तथा यसप्रति चासो दिनुहुने अभिभावक लगायत सवैलाई २४ गते निम्न समय र स्थानमा उपस्थित हुन आग्रह गरिन्छ ।
मितिः असोज २४ गते
समयः दिउसो १ः०० बजे
स्थानः श्री ज्ञानमार्ग उच्च मावि, पदेलटार ।

३२ वर्षअघिदेखि हालसम्म यस श्री ज्ञानमार्ग उच्च माध्यमिक विद्यालयबाट ज्ञान विज्ञानको गहकिलो भारी बोकेर दुनिया भर फिँजिएका हामी Gyan Margian हरूको पहलमा बन्दै गरेको Gyan Marga Alumni को पहिलो ऐतिहासिक भेला पूर्व निर्णित कार्यक्रमअनुसार यही मिति २०७३ आश्विन २४ गते महानवमीको दिन विद्यालय प्राङ्गणमा हुने बेहोरा सम्बन्धित सबैमा पुन: सूचित गरिन्छ ।
संस्थालाई गरिमामय, परिणाममुखी र सबैको साझा चौतारी बनाउन तपाईँ हामी सबैको सकारात्मक सुझाव, सतत प्रयास र निरन्तर सहयोग आवश्यक छ ।
विद्यालयको चौतर्फी विकासको लागि कृत-सङ्कल्पित होऔँ ।

Gyan Marga Alumni स्थापनाको अभियानमा उत्साह थप्नुहुने सबैमा धन्यवाद । तपाईंहरुको सल्लाह र सुझाव अनुसार यस संस्थालाई परिणाममुखी, प्रभावकारी र तपाईं हाम्रो साझा संस्था वनाउने प्रण गर्दछौं ।

सबैलाई बर्षौंदेखि खड्किएको तर औपचारिकता पाउन नसकेको श्री ज्ञानमार्ग उच्च माध्यमिक विद्यालय घ्याल्चोक गोरखाका पूर्व विद्यार्थीहरुको साझा मञ्च । जसले अव निकट भविश्यमा सार्थकता पाउँदैछ । सम्पर्कमा रहनुभएका साथी तथा अग्रजहरुको सल्लाह बमोजिम हाम्रो संस्थाको प्रस्तावित नाम हो - ‘ज्ञानमार्ग अलुमनाइ’ Gyan Marga Alumni.
जसलाई सार्थक वनाउन हामी केही साथीहरुले थालेको पहलमा यहाँहरुले दिनुभएको साथ र देखाउनु भएको उत्साहप्रति हार्दिक नमन । ज्ञानमार्गका सवै पूर्व विद्यार्थीलाई समेट्ने उद्देश्यका साथ थालिएको यो सानो तर अत्यावश्यक कामका लागि हामीले फेसवुक पेज वनाएका छौं । यो पेजलाई सकेसम्म कोही पनि नछुट्ने गरि सवै साथीहरुको पहुँचमा
पु¥याउन सम्पूर्ण अग्रज दाजु दिदीहरु तथा भाइ वहिनीहरुमा अनुरोध गर्दछौं ।
पेशा ब्यवसाय तथा अध्ययनको सिलसिलामा देका विभिन्न भागमा रहनुभएका तथा विश्वका विभिन्न देशमा छरिएर रहनुभएका साथीहरुलाई यही पेजमार्फत सम्पर्कमा आउन अनुरोध गर्दर्छौं । ज्ञानमार्ग अलुमनाइको औपचारिक घोषणा आउँदो असोज २४ गते सोमवार दशैंको नवमीको दिन श्री ज्ञानमार्ग उच्च माध्यमिक विद्यालयको प्राङ्गणमा हुनेछ । उक्त समारोहमा उपस्थितिको लागि तपाईं सवैलाई हार्दिक निमन्त्रणा गर्दछौं ।