05/11/2012
राष्ट्रपति लमजुङ , पूर्वराजा भैरहवा जाँदै
9
२० कात्तिक, काठमाण्डौं । राष्टपति डा. रामवरण यादव आज लमजुङ जानुहुने भएको छ । लमजुङको सर्वोदय उच्च माध्यामिक बिद्यालयले आफ्नो हिरक जयन्तिको अवसरमा आयोजना गरेको कार्यक्रममा सहभागी बन्न राष्ट्रपति लम्जुङ जान लाग्नुभएको हो । महोत्सवमा सहभागि हुन राष्ट्रपति यादव आज त्यस तर्फ जान लाग्नु भएको हो ।
उक्त कार्यक्रममा राष्ट्रपतिले दिउँसो एक बजे सम्बोधन गर्ने कार्यक्रम रहेको छ । पहिलोपटक सार्वजनिक हवाई सेवाबाट उपत्यका बाहिर जान लाग्नुभएका यादबले सर्वोदय उच्च माध्यामिक बिद्यालयका पूर्व बिद्यार्थीले निर्माण गरेको बिद्यालयको शैक्षिक भवन समेत उद्घाटन गर्नु हुने आयोजकले जानकारी गराएका छन् ।
त्यस्तै पूर्वराजा राजा ज्ञानेन्द्र शाह पनि धार्मिक कार्यक्रममा सहभागि हुन आज भैरहवा जानुहुँदै छ । नवलपरासीको गोपालपुरमा भोली देखि हुने धार्मिक कार्यक्रममा सहभागि हुन पूर्व राजा त्यसतर्फ जान लाग्नु भएको हो ।
पूर्व राजा जाने भएपछि अहिले भैरहवामा स्वागतका लागि भव्य तयारी गरिएको छ ।
