07/07/2026
२०७६ सालमा प्रदेश सरकारको सहयोगमा हाम्रो श्री सहिद दसरथ चन्द माध्यमिक बिद्यालय मा शुरु भएको बिद्यालय नर्सिङ कार्यक्रम आज सफलताको एक सिढी चढ्न सफल बनेको छ।स्वास्थ्य मन्त्रालयले अघि सारेको स्वास्थ्य प्रबर्धनात्मक बिद्यालय सम्बन्धि धारणा भित्र सुचक हरुको अध्ययन गरि स्वास्थ्य प्रबर्धनात्मक बिद्यालयको रुपमा हाम्रो बिद्यालयलाइ प्रमाणपत्र प्राप्त भएको छ।जिल्ला समन्वय समिती, जिल्ला जनस्वास्थ्य कार्यालयका प्रतिनिधि र अधिकृत ज्युहरुबाट आकस्मिक अनुगमन गरि सत्य तथ्य बुझी प्रत्येक सूचकांकहरुको अध्ययन पश्चात् प्रमाणिकरण प्रकृया पूरा गरि प्रमाणपत्र हस्तान्तरण गर्ने काम भएको छ।झापा जिल्ला भरिका अत्यन्तै थोरै बिद्यालय भित्र ( मेचिनगर भित्रकै एक मात्र) पर्नु आफैमा गौरबपुर्ण कुरो हो।यो सफलता हात पारिरहदा तत्कालिन अवस्थामा रहनुहुने प्र. अ रमेश कुमार सापकोटा , बि. ब्य . स अध्यक्ष कृष्ण सिग्देल , पुर्ब बि. ब्य .स अध्यक्ष केदार बहादुर बुढाथोकी , शि. अ. संघ अध्यक्ष केशब प्रसाद न्यौपाने, बर्तमान बिद्यालय ब्यवस्थापन समिती सबैनै धन्यवादका पात्र हुनुहुन्छ। बिद्यालयमा स्वास्थ्य र सरसफाइलाई महत्वका साथ हेरि सहयोगी रुपमा निरन्तर लाग्नुहुने हेल्थ क्लबका सबै सबै नै यसका हकदार हुनुहुन्छ।जहिल्यै आफ्नो काम पुर्ण उत्तरदायित्वका साथ बहन गरि, कहिल्यै गुनासो नगरी बिद्यालय नर्शिङ कार्यक्रमलाइ आजको प्रमाणपत्र प्राप्त गर्ने अवस्था सम्म ल्याउनुहुने बिद्यालयकी नर्स शोभा अधिकारी मेडमको बिशेष भुमिकाको हामी मुक्त कण्ठले प्रसम्शा गर्दछौ।अन्त्यमा बिद्यालय नर्स कार्यक्रमको लागि हाम्रो बिद्यालयलाइ उपयुक्त सम्झी नर्स ब्यवस्थापन गरिदिनुहुने तत्कालिन प्रदेश सभा सदस्य , हालका मेचिनगर नगर प्रमुख Gopal Budhathoki प्रती हामि हृदय देखि नै सम्मान ब्यक्त गर्दछौ।हाम्रा समस्त सहकर्मी शिक्षक/ कर्मचारी मित्रहरु, बाल क्लब , यु रे स, फेन क्लब , स्काउट मा रहेर सम्योजन गर्ने सबै सबै नै यो प्राप्तिको असली हकदार हुनुहुन्छ।
प्रत्येक दिन स्वास्थ्य र सरसफाइ मा लागिपर्ने विद्यार्थी भाइ बहिनिहरुको योगदान पनि उत्तिकै रहेको छ।
हामी लागि रहेका छौ।
हामी सस्तो प्रचार भन्दा काममा बिश्वाश गर्छौ।परिणाममा बिश्वास गर्छौ।
हाम्रो यात्रा जारी छ।
तपाईं अभिभावक ज्यु हरुको निरन्तर सहयोगनै हाम्रो लागि अघि बढ्ने प्रेरणा हो।
जय सहिद दसरथ।
