कूपकन्या पूर्वविद्यार्थी मञ्च

  • Home
  • Nepal
  • Bagmati
  • कूपकन्या पूर्वविद्यार्थी मञ्च

कूपकन्या पूर्वविद्यार्थी मञ्च कूपकन्या पूर्वविद्यार्थी मञ्चको आधिकारिक फेसबुक पेज Official page of Kupakanya Alumni Society.
कूपकन्या पूर्वविद्यार्थी समाजको आधिकारिक फेसबुक पेज

25/02/2024

कूपकन्या पूर्वविद्यार्थी मञ्च, कूपकन्या छात्रवृत्ति कोष र अन्य सरोकारवालाले श्री कूपकन्या माविसँग जोडिएका विभिन्न सन्दर्भमा उठाएका सवालबारे छलफल गरी देखिएका समस्या तत्काल समाधान गरी विद्यालयमा सकारात्मक वातावरण निर्माणका लागि आज मिति २०८० फागुन १३ गते विद्यालयका प्रधानाध्यापक फूलबहादुर तामाङ, सह–प्रधानाध्यापक नीलप्रसाद पराजुली, शिक्षक प्रतिनिधि चेतनाथ नेपाल र मञ्च तथा कोषका अध्यक्ष टुमराज कोइरालाबीच माङ्खा–६, अँधेरीमा भएको छलफलको टिपोट निम्नानुसारको छः
१. विद्यालयका कोषदाता तथा कूपकन्या छात्रवृत्ति कोष, कूपकन्या पूर्वविद्यार्थी मञ्च र अन्य सरोकारवालाले उठाएको सवालबारे छलफल गरी समन्वयकारी भूमिका निर्वाह गर्ने सन्दर्भमा विद्यालय प्रशासनबाट भएको कमजोरीको समीक्षा गरिएको छ र त्यसलाई सुधार गर्न तत्पर रहने प्रतिबद्धता विद्यालय प्रशासनबाट जाहेर भएको छ ।
२. विद्यालयमा छात्रवृत्ति कोष स्थापना गर्ने सम्पूर्ण दाताप्रति हार्दिक सम्मान व्यक्त गर्दै कोष स्थापनाका लागि अहोरात्र मिहिनेत गर्ने शिक्षकहरु, कूपकन्या पूर्वविद्यार्थी मञ्चका नेतृत्व तथा सदस्यहरु, कूपकन्या छात्रवृत्ति कोषका नेतृत्व तथा सदस्यहरु सम्पूर्णप्रति हार्दिक आभार व्यक्त गर्दै कोषका सन्दर्भमा देखिएका असमझदारीलाई कोषदाताहरुको पूर्ण भेलाबाट हल गर्नुपर्ने निष्कर्ष निकालिएको छ । त्यसका लागि बीचमा जुनसुकै निर्णय सार्वजनिक गरिएको भए पनि विद्यालयमा आयोजित २०८० माघ ६ गतेको कोषदाताहरुको भेलाबाट चुनिएको कूपकन्या छात्रवृत्ति कोषको कार्यसमितिले गरेको निर्णयलाई नै कार्यान्वयन गर्न विद्यालय प्रशासनले प्रतिबद्धता जनाएको छ । त्यसपछि विभिन्न सन्दर्भमा गरिएको निर्णयहरुले कोषदातालाई पर्न गएको अन्योल र त्यसबाट पैदा भएको असमझदारीलाई हल गर्न विद्यालय प्रशासन पूर्ण रुपमा लागिपर्ने प्रतिबद्ध जाहेर भएको छ ।
३. निष्कर्ष नम्बर दुईलाई आधार मानेर कोषदाता तथा कूपकन्या छात्रवृत्ति कोषका अध्यक्ष टुमराज कोइरालाले सार्वजनिक गर्नुभएको कोष फिर्ताको निर्णय फिर्ता लिने र कोष अध्यक्षको जिम्मेवारीबाट पछि नहट्ने प्रतिबद्धता जाहेर भएको छ । साथै, कोषलाई संस्थागत बनाउने कार्य अघि बढाउन कोष कार्यसमितिको बैठक राख्ने तथा दाताहरुको भेला बोलाउने कार्यलाई अघि बढाउने सहमति भएको छ । त्यसका लागि विद्यालय प्रशासनले पूर्ण तदारुकताका साथ प्रक्रिया अघि बढाउने प्रतिबद्धता जाहेर भएको छ ।
४. कूपकन्या मावि र यसका सेवाक्षेत्रका विद्यालयसमेतको हितार्थ स्थापना भएको कूपकन्या पूर्वविद्यार्थी मञ्चसँग निरन्तर सहकार्य गर्ने प्रतिबद्धता विद्यालय प्रशासनले जाहेर गरेको छ । साथै, स्थानीय निकाय र अन्य संघसंस्थासँग सहकार्य गर्ने कार्यमा विद्यालय प्रशासनले निर्वाह गर्नुपर्ने समन्वयकारी भूमिकाका हालसम्म भएका कमजोरीको समीक्षा गरिएको छ । त्यस्तो भूमिकालाई आगामी दिनमा पूर्ण सुझबुझका साथ अघि बढाउने प्रतिबद्धता विद्यालय प्रशासनले जाहेर गरेको छ ।
५. विद्यालयमा श्री विष्णुप्रसाद आचार्यले स्थापना गर्नुभएको ‘पुष्कर आचार्य स्मृति पुस्तकालय’ निर्माण प्रक्रिया अघि बढाउन कोषदाता तथा अन्य सरोकारवालासँग आवश्यक छलफल तथा समन्वय गरी कार्यसम्पादन गर्ने जिम्मेवारी प्रधानाध्यापक फूलबहादुर तामाङ र कोष तथा मञ्चका अध्यक्ष टुमराज कोइरालालाई प्रदान गर्ने सहमति भएको छ । यसका लागि विद्यालय प्रशासनले सम्पूर्ण वातावरण तयार गर्न प्रतिबद्धता जाहेर गरेको छ ।
६. पछिल्लो समय सरोकारवाला तथा कोषदाताले विद्यालयका सन्दर्भमा उठाएका सवालका सन्दर्भलाई आपसी छलफलमार्फत समझदारीपूर्ण तरिकाले हल गर्न समन्वयकारी भूमिका निर्वाह गर्ने सह–प्रधानाध्यापक नीलप्रसाद पराजुली र शिक्षक चेतनाथ नेपाललाई हार्दिक धन्यवाद व्यक्त गरिएको छ ।

23/02/2024

पछिल्लो समय कूपकन्या माविमा स्थापित कोषका सन्दर्भमा कोषलाई संस्थागत गर्ने जिम्मेवारीसहित कोषदाताको भेलाले मलाई अध्यक्ष बनाएर अघि बढेको माइन्युटसमेत सार्वजनिक भइसकेको छ । र, त्यसअनुसार समुदायको सक्रियतामा कोष स्थापनालाई तीव्रता दिइएको सबैलाई थाहै छ । त्यसैअनुरूप तेब्बरको संख्यामा कोष स्थापना भएको पनि यहाँहरूलाई विदितै छ । तर, १० फागुनमा कोष सुरुवातकर्ता पुण्यप्रसाद पराजुलीसमेतको उपस्थितिमा अन्य कोषदाता र कोष समितिसँग परामर्श नगरी विद्यालय व्यवस्थापन समितिले दुई व्यक्तिको नाममा पैसा राखेर कोष अघि बढाउने निर्णय गरेपछि कोष समितिको औचित्य समाप्त गरिदिएको छ । उक्त निर्णयप्रति कोषदाता र समुदायको असहमति देखिएको तथा मलाई बारम्बार फोन आइरहेको तर यस विषयमा सम्वाद गर्न खोज्दा विद्यालय व्यवस्थापन समिति अध्यक्ष Bdr Tamang Abinash र प्रधानाध्यापक फूलबहादुर तामाङले मलाई सम्पूर्ण सम्पर्क माध्यममा ब्लक गरेकाले म कूपकन्या छात्रवृत्ति कोष समितिमा नैतिक रूपमा रहन उपयुक्त देखिएन । साथै, कोष र विद्यालयको अन्य रकमसमेत ऋणमा लगाइ ब्याज आर्जन गर्ने पुरानै अवैधानिक परिपाटीलाई निरन्तरता दिइ नैतिक भ्रष्टाचारको परम्परा कायम राख्ने तथा विद्यालय र कोषको रकम केही व्यक्तिले दुरुपयोग गर्ने मार्गप्रशस्त गर्ने संस्थागत निर्णय आएकाले म नैतिक हिसाबले कोषको अध्यक्ष पदबाट राजीनामा दिने मनस्थितिमा पुगेको छु । साथै, मैले स्थापना गरेको 'कुन्तदेवी स्मृति छात्रवृत्ति कोष'लाई उक्त प्रक्रियामा सामेल हुन नदिने निष्कर्षका साथ फिर्ता लिने निर्णय गरेको छु । मैले स्थापना गरेको कोषलाई विधिपूर्वक वितरण गर्नेगरि बलेफी वडा नम्बर छ वा देशका अन्य कुनै क्षेत्रका कुनै पनि विद्यालयलाई दिन सकिने प्रकृतिको बनाउने निर्णय लिएको छु । यो कोष फिर्ताको निर्णय मेरो नितान्त व्यक्तिगत भएकाले अन्य सम्पूर्ण कोषदातालाई आफ्नो स्वतन्त्रता प्रयोग गरि कोषबारे निर्णय लिन सादर अनुरोध गर्दछु । साथै, मैले स्थापना गरेको कोषको सम्पूर्ण रकम अविलम्ब फिर्ता गरिदिनुहुन विद्यालयलाई र हालसम्म कोषको जिम्मा लिइरहनुभएको सह-प्रधानाध्यापक Prasad Parajuli सरलाई हार्दिक आग्रह गर्दछु । यस निर्णयबाट पर्न गएको असुविधाप्रति क्षमा माग्दै कोष निर्माणका लागि म र मसँग सम्बन्धित संस्था कूपकन्या पूर्वविद्यार्थी मञ्च तथा कूपकन्या छात्रवृत्ति कोषको योगदानको चरम अपमान गरिएकाले मलाई कोष स्थापनाका लागि गरिएको सम्मानसमेत फिर्ता गर्ने घोषणा गर्दछु । यसको अर्थ विद्यालयमा देखिएको चरम बेथिति र भ्रष्टाचारका विरुद्ध आवाज उठाउने मेरो कर्तव्यबाट भाग्न खोजेको होइन । यसका सन्दर्भमा हुने हरेक गतिविधि र उठ्ने हरेक आवाजमा मेरो साथ रहनेछ । धन्यवाद !
- टुमराज कोइराला
संरक्षक, कुन्तदेवी स्मृति छात्रवृत्ति कोष
अध्यक्ष, कूपकन्या छात्रवृत्ति कोष
अध्यक्ष, कूपकन्या पूर्वविद्यार्थी मञ्च

~विज्ञप्ति~ बागमती प्रदेशअन्तर्गत सिन्धुपाल्चोक जिल्ला, बलेफी गाउँपालिका, वडा नम्बर ६, माङ्खास्थित श्री कूपकन्या माद्य...
21/02/2024

~विज्ञप्ति~
बागमती प्रदेशअन्तर्गत सिन्धुपाल्चोक जिल्ला, बलेफी गाउँपालिका, वडा नम्बर ६, माङ्खास्थित श्री कूपकन्या माद्यमिक विद्यालयमा आयोजित भेलामा विद्यालय व्यवस्थापन समिति र प्रधानाध्यापकले दिएको अभिव्यक्ति तथा त्यसपछि विकसित घटनाक्रमप्रति कूपकन्या पूर्वविद्यार्थी मञ्चको ध्यानाकर्षण भएको छ ।
५ फागुन २०८० का दिन विद्यालयमा बोलाइएको कोषदाता तथा अभिभावकहरुको भेलामा प्रधानाध्यापक फूलबहादुर तामाङले विद्यार्थीले नपढेको र अभिभावकले चासो नदिएका कारण शैक्षिक उपलब्धि नभएको भन्दै विद्यार्थीलाई आफ्नो तरिकाले पढाउन पाउनुपर्ने तथा विद्यालयबाट निष्कासन गर्नसमेत पाउनुपर्ने माग भेलासमक्ष राख्नुभएको थियो । विव्यस अध्यक्ष चित्रबहादुर तामाङले प्रधानाध्यापकको मागको समर्थन गर्दै ‘कमजोर विद्यार्थी पृथ्वीका भार हुन्, तिनीहरु मरे पनि हुन्छ, अब त्यस्ता विद्यार्थीलाई विद्यालयमा राखिँदैन, निष्काशन गरिन्छ, त्यसो गर्दा अभिभावकले केही भन्न पाउनुहुन्न’ भनेर अभिव्यक्ति दिनुभयो । उक्त अभिव्यक्ति बालबालिकाको नैसर्गिक अधिकार र शैक्षिक वातावरणविपरित भएकाले सच्याउन उपस्थित जनप्रतिनिधि, शिक्षाप्रेमी तथा अभिभावकहरुका साथै मञ्चका तर्फबाट पनि तत्कालै अनुरोध गरिएको थियो ।
भेलामा उक्त अनुरोधलाई वेवास्ता गरिए पनि विव्यस अध्यक्ष र प्रधानाध्यापकको त्यस्तो अभिव्यक्तिका कारण विद्यार्थी र अभिभावकमा त्रास पैदा भएको टिप्पणी समुदायमा बढ्न थालेपछि प्रधानाध्यापकले आफ्नो पदबाट राजीनामा दिएको जानकारी सार्वजनिक भएको छ । त्यसपछि उहाँले आफूले गरिरहेको नियमित पठनपाठनका आंशिक गतिविधिसमेत स्थगित गर्नुभएको जानकारी प्राप्त भएको छ ।
पछिल्लो समय विद्यालयका सन्दर्भमा विभिन्न सवाल उठिरहेका छन् । सबै सवालमा समुदायको अनिवार्य सहभागितासहितको छलफलका माध्यमबाट दीर्घकालीन हल निकाल्न जरुरी देखिन्छ । तर, माद्यमिक शिक्षा परीक्षा (एसइई) र पालिकास्तरीय कक्षा आठको परीक्षाको पूर्वसन्ध्यामा उत्पन्न यस परिस्थितिलाई सुझबुझपूर्ण तरिकाले तत्कालै हल गरी पठनपाठनको सौहार्द वातावरण तयार गर्न विद्यालय व्यवस्थापन समिति र विद्यालय प्रशासनलाई कूपकन्या पूर्वविद्यार्थी मञ्च हार्दिक आग्रह गर्दछ ।
समाज विकासको प्रमुख आधारशीलाको रुपमा रहेको शिक्षालयसँग सम्बन्धित यस्तो सन्दर्भमा तत्कालै चासो राखी उचित शैक्षिक वातावरण बनाउन भूमिका खेल्नुहुनका लागि स्थानीय सरकारका प्रतिनिधि, गाउँ शिक्षा समिति, जिल्ला शिक्षा विकास तथा समन्वय इकाइका साथै सरोकारवाला सम्पूर्ण निकायलाई पनि मञ्च अनुरोध गर्दछ ।
समुदायलाई निरन्तर जोडिरहने मूल कडीको रुपमा रहेको शिक्षालयलाई केन्द्र बनाएर कूपकन्या पूर्वविद्यार्थी मञ्चले पछिल्लो समय विद्यालय र स्थानीय समुदायसँग सरोकार राख्ने गतिविधि र सामाजिक संस्थाहरुबारे चासो राख्दै आएको छ । विद्यालयमा स्थानीय समुदायको सहभागिता र अपनत्व बढाउन शिक्षकहरुको साथ र मञ्चको सक्रियतामा वृद्धि गरिएको कोष, वार्षिकोत्सवका सन्दर्भमा सरोकारवाला संस्था र स्थानीय निकायसँग समन्वय गरी राखिएको आँखा शिविरलगायतका गतिविधि त्यसैका प्रत्यक्ष उदाहरण हुन् । स्थानीय समुदाय, अभिभावक, विद्यार्थी र विद्यालयको हित नै हाम्रो मूल उद्देश्य हो । त्यसैले आफ्ना सरोकारका विषयमा भइरहेका छलफल र गतिविधिमा सहभागी हुन, यथार्थ बुझ्न, आफ्नो मत राख्न, समुदायको हितविपरित हुने कामलाई बेलैमा रोक्न र मञ्चले समुदायका हितका लागि गरिरहेको कार्यमा साथ दिन स्थानीय समुदायलाई हार्दिक अनुरोध गर्दछौं ।
साथै, श्री कूपकन्या माविमा अध्ययन गरेका सम्पूर्ण पूर्वविद्यार्थीलाई यस कूपकन्या पूर्वविद्यार्थी मञ्चको सदस्यता लिन र यसका गतिविधिमा सचेततापूर्वक सक्रिय सहभागी हुन हार्दिक आग्रह गर्दछौं ।
९ फागुन २०८०

आज सरस्वती पूजाका साथमा श्री सातकन्या आधारभूत विद्यालय, बलेफी-६, जालबारीले 'विद्यार्थीसँग अध्यक्ष' नाम दिएर बालबालिकाबार...
14/02/2024

आज सरस्वती पूजाका साथमा श्री सातकन्या आधारभूत विद्यालय, बलेफी-६, जालबारीले 'विद्यार्थीसँग अध्यक्ष' नाम दिएर बालबालिकाबारे सरोकारवालासँग अन्तरक्रिया कार्यक्रम सम्पन्न गरेको छ । यो अनुकरणीय कार्यका लागि सातकन्या विद्यालय नेतृत्व र परिवारलाई बधाई तथा शुभकामना !

जति पाको भए पनि झोक चल्न छाड्दैन, एक चरण सबैको गाली पाउँ न ! लिङ्क कमेन्टमा 👇️
14/02/2024

जति पाको भए पनि झोक चल्न छाड्दैन, एक चरण सबैको गाली पाउँ न !
लिङ्क कमेन्टमा 👇️

हार्दिक आभार ! श्री कूपकन्या माविका पूर्वविद्यार्थी Ganesh Timalsina ले आफ्नो ब्याचका पूर्वविद्यार्थीलाई कूपकन्या पूर्व...
13/02/2024

हार्दिक आभार !
श्री कूपकन्या माविका पूर्वविद्यार्थी Ganesh Timalsina ले आफ्नो ब्याचका पूर्वविद्यार्थीलाई कूपकन्या पूर्वविद्यार्थी मञ्चमा समेट्न सहजकर्ताको भूमिका निर्वाह गर्ने जिम्मेवारी लिनुभएकोमा हार्दिक आभार व्यक्त गर्दछौं ।
उक्त ब्याचमा कूपकन्या माविमा पढ्नुभएका पूर्वविद्यार्थीहरू उहाँसँग सम्पर्कमा आउनुहोला । वा, तपाईं पनि उक्त ब्याचका पूर्वविद्यार्थीलाई मञ्चमा जोडिन सहजीकरण गर्न चाहनुहुन्छ भने इनबक्स गर्नुहोला । धन्यवाद !

हार्दिक आभार ! श्री कूपकन्या माविका पूर्वविद्यार्थी श्री Ramesh Timalsina ले आफ्नो ब्याचका पूर्वविद्यार्थीलाई कूपकन्या प...
13/02/2024

हार्दिक आभार !
श्री कूपकन्या माविका पूर्वविद्यार्थी श्री Ramesh Timalsina ले आफ्नो ब्याचका पूर्वविद्यार्थीलाई कूपकन्या पूर्वविद्यार्थी मञ्चमा समेट्न सहजकर्ताको भूमिका निर्वाह गर्ने जिम्मेवारी लिनुभएकोमा हार्दिक आभार व्यक्त गर्दछौं ।
उक्त ब्याचमा कूपकन्या माविमा पढ्नुभएका पूर्वविद्यार्थीहरू उहाँसँग सम्पर्कमा आउनुहोला । वा, तपाईं पनि उक्त ब्याचका पूर्वविद्यार्थीलाई मञ्चमा जोडिन सहजीकरण गर्न चाहनुहुन्छ भने इनबक्स गर्नुहोला । धन्यवाद !

हार्दिक आभार ! श्री कूपकन्या माविका पूर्वविद्यार्थी श्री Ramesh Lama ले माङ्खा तामाङ टोलका पूर्वविद्यार्थीलाई कूपकन्या प...
13/02/2024

हार्दिक आभार !
श्री कूपकन्या माविका पूर्वविद्यार्थी श्री Ramesh Lama ले माङ्खा तामाङ टोलका पूर्वविद्यार्थीलाई कूपकन्या पूर्वविद्यार्थी मञ्चमा समेट्न सहजकर्ताको भूमिका निर्वाह गर्ने जिम्मेवारी लिनुभएकोमा हार्दिक आभार व्यक्त गर्दछौं ।
उक्त टोलबाट कूपकन्या माविमा पढ्नुभएका पूर्वविद्यार्थीहरू उहाँसँग सम्पर्कमा आउनुहोला । वा, तपाईं पनि उक्त ब्याचका पूर्वविद्यार्थीलाई मञ्चमा जोडिन सहजीकरण गर्न चाहनुहुन्छ भने इनबक्स गर्नुहोला । धन्यवाद !

हार्दिक आभार ! श्री कूपकन्या माविका पूर्वविद्यार्थी श्री Db Parajuli ले आफ्नो ब्याचका पूर्वविद्यार्थीलाई कूपकन्या पूर्वव...
13/02/2024

हार्दिक आभार !
श्री कूपकन्या माविका पूर्वविद्यार्थी श्री Db Parajuli ले आफ्नो ब्याचका पूर्वविद्यार्थीलाई कूपकन्या पूर्वविद्यार्थी मञ्चमा समेट्न सहजकर्ताको भूमिका निर्वाह गर्ने जिम्मेवार लिनुभएकोमा हार्दिक आभार व्यक्त गर्दछौं ।
उक्त ब्याचमा कूपकन्या माविमा पढ्नुभएका पूर्वविद्यार्थीहरू उहाँसँग सम्पर्कमा आउनुहोला । वा, तपाईं पनि उक्त ब्याचका पूर्वविद्यार्थीलाई मञ्चमा जोडिन सहजीकरण गर्न चाहनुहुन्छ भने इनबक्स गर्नुहोला । धन्यवाद !

हार्दिक आभार ! श्री कूपकन्या माविकी पूर्वविद्यार्थी श्री Goma Subedi ले सिम्पानी टोलका पूर्वविद्यार्थीलाई कूपकन्या पूर्व...
13/02/2024

हार्दिक आभार !
श्री कूपकन्या माविकी पूर्वविद्यार्थी श्री Goma Subedi ले सिम्पानी टोलका पूर्वविद्यार्थीलाई कूपकन्या पूर्वविद्यार्थी मञ्चमा समेट्न सहजकर्ताको भूमिका निर्वाह गर्ने जिम्मेवार लिनुभएकोमा हार्दिक आभार व्यक्त गर्दछौं ।
सिम्पानीबाट कूपकन्या माविमा पढ्नुभएका पूर्वविद्यार्थीहरू उहाँसँग सम्पर्कमा आउनुहोला । वा, तपाईं पनि उक्त टोलका पूर्वविद्यार्थीलाई मञ्चमा जोडिन सहजीकरण गर्न चाहनुहुन्छ भने इनबक्स गर्नुहोला । धन्यवाद !

आदरणीय व्यक्तित्व तथा प्रिय साथीहरू,हामी कूपकन्या पूर्वविद्यार्थी मञ्च दर्ता भएसँगै यसलाई कूपकन्यामा पढ्ने सबै पूर्वविद्...
13/02/2024

आदरणीय व्यक्तित्व तथा प्रिय साथीहरू,
हामी कूपकन्या पूर्वविद्यार्थी मञ्च दर्ता भएसँगै यसलाई कूपकन्यामा पढ्ने सबै पूर्वविद्यार्थी जोड्ने संस्थाको रूपमा विस्तार गर्दैछौं । त्यसमा एकजना पनि नछुटुन् भन्ने हाम्रो चाहना हो । त्यसैले प्रत्येकले आफ्नो ब्याचका साथीहरूलाई जोड्न सहजीकरणको भूमिका निर्वाह गरिदिनुहुन हार्दिक आग्रह गर्दछु । त्यसैगरी कुनै अनि भेग नछुटोस् भन्नका लागि भेगको-गाउँको-टोलको सहजीकरण गर्न पनि अनुरोध गर्दछु । सहजीकरण गर्न चाहनुहुनेले मलाई इन्बक्स गर्न वा यहाँ नै इच्छा जाहेर गर्न सक्नुहुनेछ । म यहाँहरूलाई सम्पर्क गर्नेछु ।
• टुमराज कोइराला
अध्यक्ष
कूपकन्या पूर्वविद्यार्थी मञ्च

यो संस्थाबारे छलफल सुरु गरौं । यस संस्थाको वास्तविक स्थिति सार्वजनिक गरिदिनुहुन कार्यसमितिको ध्यानाकर्षण गराउन चाहन्छौं ...
13/02/2024

यो संस्थाबारे छलफल सुरु गरौं । यस संस्थाको वास्तविक स्थिति सार्वजनिक गरिदिनुहुन कार्यसमितिको ध्यानाकर्षण गराउन चाहन्छौं ।
कूपकन्या कृषि सहकारी संस्था लिमिटेड, माङ्खा, सिन्धुपाल्चोकको (१२, पुष, २०७६) सूर्यविनायक मन्दिर परिसर, भक्तपुरमा सम्पन्न छैटौं बार्षिक साधारण सभाले निर्माण गरेको कार्यसमिति तपशिलबमोजिम रहेको छ:

अध्यक्ष - तेजबहादुर पराजुली
उपाध्यक्ष - राम्जी पराजुली
सचिव - एबिन्द्र पराजुली
कोषाध्यक्ष - थरीप्रसाद पौडेल
सदस्य - सरस्वती तिमल्सिना
सदस्य - सीता तिमल्सिना
सदस्य - पूर्णप्रसाद पराजुली

लेखा समिति
संयोजक - मणिराम पराजुली
सदस्य - भूपेन्द्र चौंलागाई
सदस्य - प्रेमप्रसाद तिमल्सिना

ऋण उप-समिति
संयोजक - पूर्णप्रसाद पराजुली
सदस्य - टंकप्रसाद पराजुली
सदस्य - दोर्जे तामाङ

Address

Balephi-6, Mankha, Sindhupalchok
Bagmati

Telephone

+9779808701610

Website

Alerts

Be the first to know and let us send you an email when कूपकन्या पूर्वविद्यार्थी मञ्च posts news and promotions. Your email address will not be used for any other purpose, and you can unsubscribe at any time.

Contact The School

Send a message to कूपकन्या पूर्वविद्यार्थी मञ्च:

Shortcuts

Share