Kulturskulen i Suldal har ca 200 elevplassar og gir opplæring i faste tilbod innan musikk, drama og biletkunst. Basen til kulturskulen er i kulturhuset, men me har også ein del desentraliserte tilbod på skulane. Me disponerer to hus i tillegg på Sand til undervisning og kontor, Musikksmia og Kunstsmia. Dei fleste ordinære tilboda våre passar best for elevar frå 3. klasse, men i særskilte
høve kan me også ta inn yngre elevar. Vaksne kan også søkja. Om undervisninga
Musikkundervisninga er som hovudregel individuell opplæring på eit instrument eller vokal. Undervisningstida er 25 minutt per veke. Me tilbyr desentralisert musikkundervisning når me har nok elevar ute i skulekrinsane. Biletkunst og drama er gruppeundervisning. Elevane har mellom ein og halvannan time undervisning i veka. Dramaundervisninga føregår på kulturhuset. Biletkunst har undervisning i Kunstsmia i Bankbakkjen på Sand og i skulekrinsane der det er nok påmelding. Om å vera elev
Som elev får du opplæring i det tilbodet du søkjer på. I tillegg skal alle i løpet av året få tilbod til å vera med på konsertar, framsyningar og fellesprosjekt. Kulturskulen har som mål å utvikla eit godt og nært samarbeid på tvers av dei ulike tilboda og på tvers av skulekrinsar og bygdelag. Slik får den som er elev kjennskap til andre uttrykk og samspelet i den kulturelle heilskapen. Slike gonger blir det gjerne endra undersvisningstid og frammøteplass. Korleis søkja? For å søkja, gå til https://NOSULDAL.speedadmin.dk. Har du problem, så ta kontakt. Opptak og melding om plass skjer normalt i juni. Prisar i 2021 pr halvår
Individuell undervisning: kr 1 430 Vaksne over 18 år: kr 2 110
Gruppeundervisning: kr 1 270
Instrumentleige: kr 250 Materiell, biletkunst, fellesinnkjøp: kr 200
