Eikelandsosen barneskule

19/05/2026

Mattemaraton 2026 er godt i gong. I dag har 3.-5.klasse samarbeida og løyst mange matteoppgaver saman.

12/05/2026

3.-4.klasse har har laga flotte hefter om 17.mai! I arbeidet med heftet har elevane jobba med lesing, leseforståing og skriving med ulike mene rundt 17.mai. Dei har lese tekstar, svart på oppgåver og skrive eigne tekstar knytt til nasjonaldagen. Elevane har vist stor innsats og kreativitet.
Me ønsker alle ei riktig fin feiring av 17.mai🇳🇴!

29/04/2026

https://bjornafjorden.easycruit.com/vacancy/3623315/207787?iso=nn

Bjørnafjorden kommune Eikelandsosen barneskule

29/04/2026

Me i 7. klasse var så heldige at me fekk komme på gardsbesøk hos familien Olderkjær i dag. Nydelege lam, rolege sauer, og elevane fekk lov til å halde, kose og mate lamma. Så kjekt med ein lærerik quiz som Aina hadde førebudd til oss. Dette var eit kjekt avbrekk i den vanlege skulekvardagen! Tusen takk til Aina som tok så godt i mot oss!

17/04/2026

3.-4. klasse har vore på ein spennande og lærerik tur i fjøset i dag!
Der fekk me helse på dei nyfødde lamma, og me var så heldig at me fekk hjelpe til når to lam vart fødd, fleire av elevane fekk gi flaske etterpå. Dette var ei minnerik oppleving!
Me fekk òg god tid til å kose med lamma, noko som var stor stas.
Under besøket oppdaga me at eitt av lamma var litt pjusk. Me målte temperaturen og fann ut at tempen var altfor lav og me fekk lov til å vere med å gi flaske, varme lammet på fanget og lage til varmeflaske slik at lammet lettare skulle få varmen tilbake. No har me fått høyre at lammet er hos veterinæren, og me håpar at alt går bra.
Tusen takk til Aina Olderkjær som tok så godt i mot oss og delte av kunnskapen sin. Me har lært mykje og hatt ein dag me seint vil gløyme🐑🌸