Vartdal Barnehage

13/08/2026

I dag kom Turbo på besøk til barnehagen. Turbo er ein fjellrev som elskar å vere på tur saman med barna. Han er maskoten til Barnas turlag og dei eldste barna vil verte godt kjent med han i år. Han hadde med turboplaster og turbingo til alle barna. Vi hadde det så kjekt når han leika gøyme og leite med oss og når vi dansa turbodansen saman. Takk for besøket Turbo!

23/06/2026

Camilla som er student i barnehagen planla og gjennomførte ei svært koseleg og spanande jonsokfeiring for barna på Fosshola i dag. Vi var heldige med veret, det var dårlege vermeldingar, men medan vi var i fjøra var det opplett og fint ver. Camilla hadde samling i fjøra, der vi fikk lære meir om bakgrunnen og tradisjonar bak jonsokfeiringa. Vi fikk lære at jonsok er ei kristen høgtid som markerer fødselen til døyparen Johannes. I Norden har vi feira jonsok enda lenger tilbake i tid og folk meinte at natta mellom 23. og 24. juni var spesiell. Sola hadde magiske krefter og natta var full av overnaturlege krefter. Bålet er det mest kjende symbolet på jonsok, det representere lys og varme og beskytter mot onde krefter. Vi måtte sjølvsagt tenne vårt eige jonsokbål og vi grilla pølser. Camilla fortalde også at dersom vi la 7 sortar markblomster under p**a på jonsoknatta ville vi drøyme om den vi skulle gifte oss med. Kommentaren frå nokre av barna var at det skulle dei ikkje gjere for dei skulle iallefall ikkje gifte seg. 🤣

21/04/2026

Små og store i barnehagen blei superglad når vi fekk "Den lille larven Aldrimett" i gåve med nokre foreldre. 🐛🦋
Her snakkar vi om handarbeid av ypperste klasse! 🙌
Tusen takk for denne flotte gåva. Dette var inspirerande, og noko vi kjem til å ha mykje glede av i tida framover! 🌞

10/03/2026

I dag har vi markert barnehagedagen 2026. Barnehagedagen vert markert kvart år i mars med ulike tema. Formålet er å synleggjere kvalitet i barnehagen. Temaet i år er fellesskap og inkludering for alle og har slagordet "Rom for alle" I dag har vi opna dørene mellom avdelingane og latt barna sjølve få bestemme kva og kvar dei vil leike. Barna har kosa seg og vi har sett mykje fin leik på tvers av alder og avdelingar. Vi arbeider kvar dag for at alle barna skal føle seg som ein del av fellesskapet. Årsplanen vår seier dette om korleis vi tenker om leik og inkludering i Vartdal barnehage: "Leiken skal ha ein sentral plass i barnehagen. Vi meiner at det i hovudsak er gjennom leiken at barna lærer å meistre sitt eige liv. Vi legg tilrette for at barna utvikler vennskap og sosial kompetanse gjennom leik og samspel. Personalet er aktive deltakarar som støtter og inspirerer." (Årsplan Vartdal barnehage 2025-2026)🩷

11/02/2026

Skulestartarane i barnehagen vår er so heldige at dei har fått starta på bading🏊‍♂️Dette var stor stas, dei leika og kosa seg i bassenget🏊‍♀️Vi har vore å bada 2 gongar og skal heldigvis 4 gongar til🤗

06/02/2026

I dag har vi markert samefolkets dag i barnehagen. Barna har førebudd seg lenge til dagen, vi har fått lære mykje om samisk språk og kultur. Vi har pynta heile barnehagen med dei samiske fargane og baka gahkko. Vi starta dagen med å ha samling på alle avdelingar, før vi gjekk ut . Ute brann vi bål og leika i lavvoen. Vi kasta lasso og høyrde på joik. Til slutt kosa vi oss med deilig bidos. Lihkku beivviin!❤️

21/01/2026

Søknadsfrist barnehageplass 1. mars 2026 🙂

Då må du søke før 1. mars 2026.

24/11/2025

Torsdag 20. november fekk vi besøk av sjølvaste Ulla Krulle med juleforestillinga si. I den anledning inviterte vi 1. klasse frå Vartdal skule hit. Saman med dei fekk vi oppleve varm humor, glede, latter, musikk og underhaldning frå øvste hylle.
Å, kor kjekt det er å få vere med på eit slikt feiande flott teater. Dette var ein frisk pust i kvardagen!
No er vi absolutt klar til å starte på juleførebuinga✨️💫

24/10/2025

I dag 24 oktober har vi feira FN-dagen i barnehagen. Alle avdelingane har hatt temasamling om FN der vi har hatt fokus på landa som er representerte i barnehagen, fremjing av mangfald og respekt, vennskap og barnekonvensjonen. Etterpå hadde vi felles måltid, vi kosa oss med god mat frå forskjellige land som foreldra har levert. Tusen takk for nydeleg mat🤩

04/09/2025

Laurdag 30. august var det godt oppmøte av flittige foreldre på dugnad i barnehagen. Det var så kjekt å kome i barnehagen på mandag å sjå kor fint det hadde blitt på uteområdet. Eit fint uteområde gjer at det er ekstra godt å vere i barnehagen for både store og små. Det gir arbeidsglede og inspirasjon til leik. Både personale og barn er så takknemlige for alt det fine arbeidet som har blitt gjort i barnehagen! 🥰