20/08/2026
Follow me for more Christian materials in pidgin English
BOOK TO USE OPEN HEAVENS EVERY DAY
DATE: THORSDAY 20 AUGUST 2026
TOPIC: GOD KOVENANT TO MAKE MONEY
KARRY FOR HEAD:
Deutronomi 8:18 pcm
[18] Una must remember di Oga una God, bikos na en dey give pipol di pawa to make money. If una obey am, di kovenant wey E make with una grand-grand papa, E go make am happen for una life.
BAIBUL READING: Job 36:11-12 pcm
[11] If dem hear God word kon serve am, dia life go get peace and dem go prosper.
[12] But if dem nor gri listin to God word, dem go die and dem nor know anytin before dem go where dead body dey.
DE TALK:
Wen yu enta covenant wit di Oga kpata-kpata wey get di eart and evry tin wey dey inside (Salm 24:1), the Oga wey get all di gold and di silva (Hagai 2:8), En go make yu get moni wey not karry wahala folo gom bodi (Proverbs 10:22).
Di devul dey like use promise of plenti moni make pipol enta kovenant with am. But dat kaind money karry plenti wahala.
I rememba di stori of one man laik dis, wey go meet habalist, kon enta kovenant with plenti bad spirit so dat dem go give am plenti moni for seven yers, after dat en go kpai. En swalo sharm wey di habalist give am, but en no get di moni, insted dem kon dey caunt seven yers for am to kpai.
Wen e remain some days for the seven yers to end, di man run enta shursh kon tell us en story, na so we tell am to give Oga Jisos en laif say Jisos go take kover for am, en kon gree. We pray for am sharp sharp, for every bodi eye koro-koro, en kon vomit the sharm wey en swalo. Na so we folo am happy, afta dat, en kon dey kom shurch wella.
Afta som time, en kon stop to kom, we kon arrange to go visit am. Wen we visit am, en tell us say the habalist say en no swalo the sharm wella, so en don give an anoda sharm. E no tey, di man kon get plenti moni.
Wen di seven yers wey dem give am for di kovenant don dey expaya, en kon tell en sef say "Di kovenant dey hia for Naija. I go travul go Lorndon and the bad spirits no fit tosh me dia"." But en kpai for plane wey dey go Lorndon. Na only God kovenant for moni fit make persin rish and wahala no go folo am gom bodi.
Malakai 3:10 na very important pat for God kovenant for moni. Wen yu pay yur tait, God go open di window for hevun kon scata blessing for yur hed wey yu no go fit karry finish.
To folo join bodi, Provabs 3:9-10 dey ginga us to honor God wit any first tin wey we get. God nor nid any moni; En fit provaid for en sef wella, but En just want make we honor am.
My own persin, once yu dey for kovenant with God, En go provaid for yu and make sure say yu no lak any tin. I pray say yur laif go dey show God blessing in Jesus name
WETIN YU GO PRAY:
Baba God, abeg hep me to honor Yu wit de tins we Yu don give me.
BAIBUL READING FOR ONE YEAR:
JEREMAYA 50
WHO WRITE AM: PASTOR E. A.
ADEBOYE
HYMNAL 26 - THERE SHALL BE SHOWERS OF BLESSING
(1)
Blessing go boku evry wia:
Dis na di promise of luv;
We go get more taim to enjoy
N'awa Saviour go send am
Koros
Blessing wey boku,
We need blessing wey boku:
Small small ones just dey arand us
But na boku one we need
(2)
Blessing go boku evry wia:
Dem go revaiv us again;
For all di hills and di valley,
Boku blessing dey fall dia
(3)
Blessing go boku evry wia:
God, make e fall for-awa hed;
Give us make we bele full oo,
Kom show respect for Yur wod
(4)
Blessing go boku evry wia:
Abeg, make e fall today,
As wey dey call Yu Baba God
As we dey call Yu Jisos
