ZAMAN duniya

Innalillahi kalli videon ummi rahab daya fita bayan Auren ta | Guest Loaded Innalillahi kalli videon ummi rahab daya fita bayan Auren ta, Wani sabon video na jaruma...

DA DUMI-DUMI: Rundunar ‘yan sandan Najeriya za ta fara yajin aikin na tsawon makonni 2, wanda zai fara daga ranar 26 ga Maris, 2022 kan rashin albashi, walwala da kuma barin su da tsofaffin makamai.

'Yan sanda maza da mata suna neman sauyi dangane da rashin albashi, rashin jin dadin rayuwa da kuma tsofaffin makamai.

Sun kuma yi Allah wadai da rashin kulawar da gwamnati ta yi na ci gaba da kashe abokan aikinsu da ‘yan fashi da makami da ‘yan ta’adda ke yi, ba tare da isassun diyya ga iyalansu ba.

A wata wasika da s**a aikewa babban sufeton ‘yan sandan Najeriya, Usman Alkali Baba da jaridar New Telegraph ta gani, wakilan ‘yan sandan da s**a gamu da fushin sun bukaci musamman karin albashi da kuma samar da makamai na zamani domin tunkarar kalubalen tsaron da kasar nan ke fuskanta.

Wasikar tana cewa: “Gwamnatin Najeriya ta yi karya game da karin albashin ‘yan sanda a ranar 10 ga Maris, 2022. An lura da rashin gamsuwa da yadda gwamnatin tarayya da Ministan ‘yan sanda s**a yi wa jama’a karya game da karin albashi. A kowani lokaci ana ta tattaunawa cewa za a kara yin hakan tun bayan faruwar zanga-zangar ta da ta yi sanadin asarar rayuka da dama na sojojin.

“Bugu da kari, jami’an rundunar sun lura cewa babu wani abin kirki da Gwamnatin Tarayya za ta yi wa ‘yan sanda, domin sun riga sun bayyana cewa sun kara mana albashi wanda ba gaskiya ba ne.

Ta kara da cewa, "Tare da rashin nuna halin ko-in-kula na gwamnati da ma'aikatar 'yan sanda, hakan ya nuna cewa babu wani abu kamar karin albashi".

Jami’an ‘yan sandan da s**a fusata sun dage cewa sun cancanci gwamnati ta mutunta su domin suna kare kusan kowane dan siyasa.

Sun koka da yadda ake mayar da su tamkar bayi duk da irin gudunmawar da suke bayarwa wajen ci gaban kasa.

"Ba mu da albashi mai kyau kuma kudaden tallafin mu na da matukar talauci idan aka kwatanta da abin da ake samu a wasu sassan duniya," in ji su.

A halin da ake ciki, jami’in hulda da jama’a na rundunar (FPRO), CSP Muyiwa Adejobi da aka nemi ya mayar da martani game da yiwuwar rundunar ta fara yajin aikin, ya amsa da cewa za su mayar da martani kan labarin nan gaba.

Dangane da fargabar barazanar yajin aikin, shugabannin ‘yan sanda sun hanzarta rubuta wasika zuwa ga Ministan harkokin ‘yan sanda, Mohammed Maigari Dingyadi domin a kula da shi cikin gaggawa.