06/06/2026
SANARWAR KARYATAWA DA MUSANTA ZARGE GABA ƊAYA
Hankalin shugabancin Ƙungiyar Daliban Karamar Hukumar Malumfashi ta Kasa (MALSA NB) ya karkata zuwa wani bayani da aka wallafa tare da yaɗa sunan ƙungiyar, tambarinta da martabarta ba tare da izini ba daga Ofishin Mai Baiwa Shugaban Ƙasa Shawara Kan Harkokin Dalibai (S.A Students Matters), inda aka nuna cewa MALSA NB na cikin wata gamayyar daliban manyan makarantu da ke goyon bayan wasu masu neman takara na jam'iyyar APC.
MALSA NB tana bayyana karara, ba tare da wata shakka ba, cewa ta yi watsi da wannan ikirari, tana Allah-wadai da shi tare da nesanta kanta gaba ɗaya daga wannan bayanin na ƙarya, na ruɗi, wanda aka yi ba tare da izini ba kuma ba bisa doka ba.
Domin kawar da duk wata shakka, ƙungiyar tana sanar da jama'a abubuwa kamar haka:
1. Ba a taɓa tuntuɓar MALSA NB ba, ko neman amincewarta, ko ba ta wata sanarwa dangane da wannan goyon bayan siyasa da ake magana a kai. Amfani da sunan ƙungiyar, tambarinta da martabarta an yi shi ba tare da sani, yarda ko amincewar ƙungiyar ba.
2. MALSA NB, Majalisar Zartarwarta ta Kasa, mambobinta, masu ruwa da tsaki da dukkan rassanta ba sa cikin wannan gamayya kuma ba su da wata alaƙa da wannan goyon bayan siyasa da ake ikirari da shi.
3. Amfani da sunan ƙungiyar, tambarinta, martabarta da kimarta ba tare da izini ba ya zama kwaikwayo, yaudara, bayar da bayanan ƙarya da kuma tauye haƙƙoƙi da mutuncin ƙungiyar.
4. MALSA NB ba ƙungiyar siyasa ba ce kuma ba reshen kowace jam'iyyar siyasa, ɗan takara, ƙungiyar kamfen ko wata ƙungiyar siyasa ba ce. An kafa ta ne domin ci gaban ilimi, walwalar dalibai, haɗin kai da kare muradun ilimi na daliban Karamar Hukumar Malumfashi.
5. Ƙungiyar tana gabatar da ƙorafi na hukuma, ƙin amincewa da kuma gargadin dakatar da duk wani mutum, ofishi, ƙungiya ko ɗan siyasa da ke amfani ko haɗa sunan MALSA NB, tambarinta ko martabarta da duk wani goyon bayan siyasa ba tare da sahalewar doka ba.
6. MALSA NB tana tanadin cikakken haƙƙinta na ɗaukar dukkan matakan shari'a, na hukuma da na gudanarwa a kan duk wani mutum, ƙungiya ko ofishi da aka samu da hannu kai tsaye ko a kaikaice wajen amfani da sunan ƙungiyar ba tare da izini ba.
Saboda haka, ana sanar da jama'a, dalibai, hukumomin tsaro, hukumomin gwamnati, masu ruwa da tsaki a harkokin siyasa da duk masu ruwa da tsaki da su yi watsi da wannan sanarwa gaba ɗaya domin ba ta wakiltar matsayi, shawara, manufofi ko muradun Ƙungiyar Daliban Karamar Hukumar Malumfashi ta Kasa (MALSA NB) ba.
SA HANNI
Kwamared Abdurrahman Murtala Danmalam
Shugaban Kasa, MALSA NB
A Madadin Majalisar Zartarwa ta Kasa
Kwafi Zuwa:
- Hukumar Tsaro ta Farin Kaya (DSS), Malumfashi
- Babban Jami'in 'Yan Sanda na Yanki (DPO), Malumfashi
- Sauran Hukumomin Tsaro da na Gwamnati da abin ya shafa
- Jama'a baki ɗaya
