Ciki Da Raino

Wannan wata tsohuwar al'ada ce da muka saba gani a cikin al'ummarmu. Da zaran mace ta samu juna biyu girmansa ya fara fitowa, za a fara jin dangi da kawaye suna ta hasashe: "Kina dauke da namiji ne saboda cikinki ya yi tsini," ko kuma "Wannan cikin mace ce a ciki tunda ya bazu ta gefe."

Abin Da Kimiyya Ta Tabbatar

A takaice, A'a! Siffar cikin mace ko yadda ya fito ba shi da wata alaka da jinsin jaririn da take dauke da shi (wato ko namiji ne ko mace). Babu wata hujja ta kimiyya da ta nuna hakan. Hanyar da ta fi tabbaci wajen gane jinsin jariri kafin a haife shi ita ce yin Hoton Asibiti (Ultrasound Scan).

To Menene Yake Sa Siffar Ciki Ta Bambanta Daga Wata Zuwa Wata?

Ga ainihin abubuwan da ke kawo bambancin yadda cikin masu juna biyu yake fitowa:

▪️Tsayin Mace: Mata masu tsayi galibi cikinsu yakan dan fadi ya bazu, saboda suna da sarari a tsawon cikinsu da jariri zai mike yadda ya k**ata. Mata gajeru kuwa, tunda ba su da wannan sararin a tsaye, cikin ya kan fito gaba ne (k**ar tsini) yadda jaririn zai samu wadataccen gurin zama.

▪️Karfin Tsokar Ciki (Abdominal Muscles): Idan wannan ne cikinki na farko, tsokar cikinki tana nan da karfinta a matse, wanda hakan zai sa cikin ya tsaya cur a guri daya (mai tsini). Amma idan kin taba samun ciki a baya, tsokar takan dan saki jikinta, wanda zai sa sabon cikin ya dan karkata ko ya bazu.

▪️Kwanciyar Jariri a Ciki: Yadda jariri ya kishingida a cikin mahaifa yana tasiri sosai akan siffar cikin a waje. Idan jaririn ya kishingida a gefe, cikin zai bazu.

▪️Girman Jariri Da Ruwan Mahaifa: Yawan ruwan mahaifa da kuma ainihin girman jaririn da ake dauke da shi duka suna ba da gagarumar gudummawa wajen siffar da cikin zai dauka, ba jinsinsa ba.

Shin an taba miki hasashen abin da zaki haifa ta hanyar kallon siffar cikinki kuma ya zama gaskiya, ko kuwa akasin haka kuka samu?

Ba mu labari a comment section 👇

Idan ya amfanar ku taya mu yadawa wasu suma su amfana.

Hakkin Mallaka: Ciki da Raino

GA MATA MASU JUNA BIYU:

Ba za ki ji wani labari mara dadi ba a ranar haihuwarki. 🙏🏼

Mu hadu a comment 👇

Ruwan Mahaifa wanda a turance ake kira da Amniotic fluid, wani ruwa ne mai matukar muhimmanci da ke kewaye da jariri a cikin mahaifa a tsawon lokacin da mace ke dauke da juna biyu.

Yana zama ne a cikin wata jaka (amniotic sac) kuma aikin sa shi ne kiyaye lafiya da kuma taimakawa ci gaban jariri kafin a haife shi.

Ayyukan Ruwan Mahaifa

▪️Yana aiki k**ar wani matashi wanda ke kare jariri daga jin rauni idan har mai ciki ta fadi ko wani abu ya doke ta a ciki.

▪️ Yana kula da yanayin zafin jikin jariri, inda yake tabbatar da cewa jaririn bai ji zafi da yawa ko sanyi da yawa ba.

▪️ Ruwan mahaifa yana dauke da sinadarai (antibodies) da ke yaki da kwayoyin cuta domin hana kamuwar jariri da wata cuta.

▪️ A cikin ciki, jariri yana hadiye wannan ruwan kuma ya fitar da shi k**ar fitsari. Wannan aikin yana taimakawa huhunsa wajen koyon yadda ake numfashi, sannan yana horar da tsarin narkewar abincinsa.

▪️Wannan ruwan shi ne yake ba wa jariri damar motsawa da ninkaya a cikin mahaifa, wanda hakan ke gina kashinsa da kuma tsokarsa yadda ya k**ata.

▪️Yana hana igiyar cibiya matsewa ko murdewewa. Igiyar cibiya ita ce hanyar da ke isar da abinci da iskar shaka daga mahaifiya zuwa ga jariri.

Abubuwan Da Ya Kamata Kowace Mai Ciki Ta Sani

🔸 Matsalar Karancin Ruwa (Oligohydramnios):

Wannan ya na faruwa ne idan ruwan bai kai kimar da ake bukata ba. Yana iya kawo cikas ga girman jariri ko ya janyo matsala lokacin nakuda. Ana gane hakan ne kawai idan an je awo an yi hoton asibiti (Scan).

🔸 Matsalar Yawan Ruwa (Polyhydramnios):

Kamar yadda karancin ruwan ke kawo matsala, yawan ruwan da ya wuce kima ma yana bukatar lura sosai, saboda yana iya sa mace ta haihu kafin lokacin (premature birth).

🔸Fashewar Ruwa (Water Breaking):

Lokacin da haihuwa ta kusa, wannan jakar tana fashewa sai ruwan ya fito ta al'aura. Idan mai ciki ta ga ruwa yana fita daga jikinta ba tare da ta shiga nakuda ba, ko kuma hakan ya faru kafin watannin haihuwa su cika, dole ne ta gaggauta zuwa asibiti don gudun kar kwayoyin cuta su shiga gun jaririn.

🔸Launin Ruwan:

Idan ruwan ya fashe, yana da kyau a lura da launinsa. Ruwan mahaifa mai lafiya ba ya da kauri, ya fi k**a da farin ruwa wanda ba shi da wani launi, wani lokacin kuma yana zuwa da kalar jini kadan. Idan ya kasance koren launi (green) ko ruwan kasa (brown), hakan na nuna jariri ya yi bayan gari a cikin ciki kenan, wanda ke bukatar agajin likita na gaggawa don kar ya hadiye najasar.

🔸Shan Isasshen Ruwa:

Yana da matukar muhimmanci ga mace mai ciki ta dinga shan isasshen ruwa a kullum. Wannan yana taimakawa jiki wajen ci gaba da samar da ruwan mahaifa masu kyau kuma a ma'aunin da ya dace.

Idan wannan sakon ya amfanar daku, ku taya mu da sharing, like da comment. Kuyi saving domin amfanin kanku a gaba.

Hakkin Mallaka: Ciki Da Raino

Bayan wata tattaunawa tare da kokarin kawo sauye sauye a shafinmu mai albarka, Logo ciki da raino ya koma wannan kalar daga yau.

Muna godiya da kasancewa da mu

🤣😂😅😃

Wadannan sune manyan alamomin da ke nuna cewa mace ta fara nakuda, kulawa da su yana da matukar muhimmanci:

1️⃣ Nakuda ta gaske tana zuwa da ciwo mai zuwa ya tafi.

2️⃣ Za ki iya jin ciwo a bayan ki ko kuma matsi a cikin kwankwasonki yayin da jikin ki ke shirin haihuwa.

3️⃣ Idan ruwan mahaifar ki ya fashe, ko da yana fitowa da yawa ko kadan, wannan yana nuna cewa haihuwa na gab da zuwa.

4️⃣ Idan kin ga jini mai hade da majina, wannan yana nuna cewa mahaifar ki ta fara bude hanya.

5️⃣ Jami'ar lafiyarki zata bincika ki domin tabbatar da cewa mahaifar ta fara budewa.

Idan kin lura da wadannan alamomin, musamman ciwon nakuda mai tsanani na minti 5, ko mai daukar minti 1 a kalla na tsawon awa guda, ki tuntubi likitarki ko anguwar zomanki nan da nan. Idan kuma faya ta fashe, ki nemi taimakon jami'an lafiya domin kaucewa daga kamuwa da cuta.

Ku shaida alamomin nan da kyau, Sannan ku kasance cikin shiri.

Idan ya amfanar daku, ku yada shi ga yan'uwa da abokai.

Hakkin Mallaka: Ciki da Raino

Alhamdulillahi! Mabiyanmu na shafin Ciki da Raino 'yan amana ne! Me kuke so mu inganta a wannan shafin?

Shin ko kema wani lokacin kina jin matsin lamba ko yawan jin wasu kananan ciwowwuka a kasan mararki yayin da cikinki ya ke kara girma?


Duba Comment Section domin Karin Bayani👇